غابت الزوجة .... يرتاح الزوج

[عُضو مُحترم]

السلام عليكم و رحمة الله و بركاته

و انا اكتب العنوان جا في بالي المثل الشعبي

غاب القط العب يا الفار

لا علاقة بالموضوع و لكن استطراد فقط


============

ملاحظة لاحظتها عند المتزوجين من اخي الكبير لاخي الصغير

و أغلبية الرجال يفعلونها

كي تغيب الزوجة تروح عند أهلها او للعرس أو وليمة

ولو لمدة يوم واحد

يجد رااااحته و يطلق روحه تماما

اخي الكبيرؤ عندما تذهب زوجته

يضرب فيها دوش و يلبس القميص تاع الصلاة

يشري زوج حبات بيض و يقليهم و زجاجة عصير

و يشعل التلفاز و يدير فيها ماتش


و يرتااااح و يسهر حتى للواحدة او الثانية صباحا

و كي تسقسيه يقوللك راهي في دراهم راني مريّح


و نفس الامر ينطبق على البقية من الازواج الذين اعرفهم


و زميلي الذي يعمل معي في المقهى

عندما تذهب زوجته لدارهم

يجي و يقول لي روح اليوم ماتخدمش و نهارك طالع

و يعمل في مكاني في الفترة المسائية

واجده مرتااااااح و مبسووووووط

لا أدري لماذا؟؟؟

و نفس الشي لبقية الزبائن المتزوجين

يقعد وقت متأخر و يضحك و يبسط على غير العادة

هل الزوجة ثقيلة لهذه الدرجة؟؟؟

نفس الشيء للزوجة

كي تكون رايحة لدار اهلها أو خاوتها

تجدها فرحانة فرحانة فرحانة و تستيكي روحها مليح

و إذا كان عرس تزوّق نفسها لدرجة ماتعرفهاش


و لما تكون راجعة تحس و كان ابوها مقتول و ماحضرتش الجنازة

او انها رايحة للمقبرة مشنّفة و زعفانة

و هذا لاحظته في اخواتي و في زوجات اخوتي

كي يرجعو لديارهم يرحعو و ووجهم سوداء


لماذا؟؟؟؟

ألهذه الدرجة الزوج مُمل


ألهذه الدرجة

البيت مُقرف و طارد للأزوج؟؟؟؟

ام انها فترة نقاهة وراحة

يرتاح الزوج من الزوجة و من طلباتها هات و جيب و بالاك ووين كنت ....؟؟؟؟؟

و ترتاح الزوجة من طلباته و أوراحي و روحي و جيبيلي و طيّبيلي ..... ؟؟؟



و لا كيفاش؟؟؟