قول كلمة على الباك 2012

krimo dz · 2012-07-09, 13:01

خاوتي لعزاز علابالنا بلي فات عليكم عام فيه الجد والنشاط أحيانا والهزل والتمسخير أحيانا أخري

كل واحد منكم يقول لينا تجربته في البكالوريا

رأيكم يهمني بالخصوص

souha619 · 2012-07-09, 13:27

راني مع دوخة التسجيلات والاختيارات كيكون عندي وقت نكتب اردت المرور فقط لاني اعرف احساس واحد كيمايلقاش ردود
ههه

yasmin02 · 2012-07-22, 02:01

دمار شامل بصح في الاخر كي تفرح تنسى العذاب الكل
باه نقلك ما فيه والو نكذب عليك لازم تقرا الليل مع النهار باه تحقق نتيجة مرضية و ما تندمش على الي فات على خاطر مهما تحفظ و تجتهد تشوف روحك مادرتي والو.
من ناحية الصعوبة راهي حاجة صعيبة بصح من ناحية انه تكون عندك الارادة و ما تفشلش و تثابر انشاء الله توصل للهدف تاعك
نصيحة:تبدا القراية و الحفيظة من اول دقيقة دخلتي فيها للثانوية هذه حاجة لازمة و لازمة ياسر و غير القدام ماكانش الرجعة خلاه ماشي تقتل روحك رفه على روحك بصح في حدود مادابك قبل الباك بشهر تكون مكمل كل شئ رتبقى غير تراجع اوكي
و ربي يوفقكم كامل

صفاء البشرى · 2012-07-22, 02:23

باك 2012 كان صعيــــــــــــــــــــــــــــــــب كي الاسئلة كي التصحيح مقارنة مع العام لي قبلو و هذا راي مجربة pcq تاع 2011 خسرته و كان اسهل باك في النظام الجديد mais هذا العام حمد الله malgré ما جبتهش كيما تمنيت 12.27 علوم تجريبية و الله ما عجبتني ظالميني بزاف في التصحيح و دوك شوية و نهبل.........................؟؟؟؟؟؟؟
نتائج الباك خرجونا قلوبنا........تسجيلات الاولية خلينا.......الاختيارات مرضونا.......التاكيد شيبونا و رانا نستناو في التوجيهات و مع رمضان يهبلونا.........و في النهاية باينة التسجيلات النهائية يفطرونا رمضان واش هاذا هو الباك و حياة الجامعة........؟؟؟؟؟
توحشت الثانوية؟؟؟؟
المهم الباك باش تديه عرف بلي 50% قرايتك من جهد...حفاظة.....سهر الليالي....المراجعة المستمرة و الجماعية ان امكن ذلك.....دروس خصوصية.....كثرة التمارين.........استيعاب الدروس منذ الايام الاولى لانو مبعد تضياق عليك و تكره باش تريفيزي صوالحك.......20% تصحيح الاساتذة.....20% حظ و الباقي امور نفسية و ظروف.هاذا لي عندي نقولهلك و كاش حاجة وحدخرى راني هنا ok

coucou myriam · 2012-07-22, 02:28

أنا درست لأتحصل على امتياز و أحافظ على تفوقي كشهادة التعليم المتوسط و رغم أني درست بكل روح مادية و معنوية حتى أوحي لنفسي أني سأتحصل عل معدل بامتياز إد كانت نفسيتي جيدة و الدعم النفسي كبير جدا و حين كنت في الختبار و أجبت بكل ثقة و نفس عالية و أحسست أني سأتحصل على معدل 18 و كنت أنتظر النتيجة بفارغ الصبر و كنت جد متفائلة و لكن في النهاية 17.27 ( يبان معدل مليييح بزاف بصح راهو يبهدل مدولي في العلوم 14 و أستادتنا ل كانت مزيرة علينا حتى شكينا بلي راهي تنقص بدما كانت تمدلي 17 و قلتلي درك تجيبي 18 19 بسهولة هدي حاجة ....و حاجة أخخرى أنا كنت نروح ديما للاختبارات الفصلية و أنا مانيش مستعدة و يجيوني أسئلة مكريتهمش ر غم هدا كنت أتحصا على معدلات أعلى من البكالويا)

بالنسبة إلي هدا العام كنت بدايته مليحة بزااااف و تنبيء بالخير كانو أساتدة هايللييييننن و أصدقاء أحلى و لكن الخاتمة كانت كالإنتحار و الله تمنيت أني مت قبل أن أتلقى ضربة موجعة هي الأولى في حياتي...مفدرتش نستوعب أني خسرت كم من مرة نقول لروحي راني نحلم كل يوم نرقد نحلم و نوض نبكي لضرك مراحلي شووك
هدا العام أسوأ عام الله لا يفكرني بيييييه أسوء عام في حياتي كلها

رانيا3 · 2012-07-22, 02:35

باختصار من جـــــــــــد وجـــــــــــــــــــد ومن ســـــــــار عبى الدرب وصــــــــل

تجيك صعيبة مع الاول لكن كي يمشي العام توالف و تفهم الطريقة نوصيك برك حل التمارين على قد ما تقدر تكتسب خبرة في الاسئلة الصعبة و تولي ما تخافش وتتحكم في وقتك
وبالتوفيق ان شاء الله

صفاء البشرى · 2012-07-22, 02:44

انا مين ما فرحتش في 2011 قلت يجي مكتوبي في 2012 c vrai ربحت mais ما فرحتش pcq خسرت ابي الله يرحمو بايام قليلة على ظهور النتائج -الاستاذ بن دوخة عمر- واي فرحة تكون في غيابو تسمى bac2012 و اي نجاح و هو لا يدري به مع العلم بانه كان يضحك علي كثيرا في ايامه الاخيرة من كثرة خوفي و قلقي و انهيار ثقتي بنفسي التي لطالما كنت اشكو منها وان يحدث لي مثل ما سبق في العام الماضي و قد كان لديه احساس كبير بنجاحي في هذا العام و الله العظيم ذكراه تقتلني رحمه الله و اسكنه فسيح جنانه هذا هو bac 2012 لي ديتو

SàRunette · 2012-07-23, 22:10

منبعد نقولك

maroko · 2012-07-23, 23:01

la misère noire

نصوري ع · 2012-07-24, 01:57

صراع للبقاء و لكن لماذا للطب؟؟؟؟..مدارس عليا؟؟؟؟.....لادراسة و لا علم في هذه البلاد.

krimo dz · 2012-07-24, 17:30

صحيتو خاوتي كامل الله يخليكم ليا .....والله النصائح تاعكم كانت مليحة بالنسبة ليا بالخصوص .... علاه؟؟؟؟......علا خاطرش انا تاني عاودت هدا العام bac 2012 مي كي قريت كل هذ الآراء تاعكم صدقوني رجعتلي الروح ....ما بالكم كنت نجيب 12 في الفصول وجبت 9.98 في الباك ........والله كارثة صح

صحيتوا خاوتي ربي يخليكم:نصوري ع-maroko -رانيا 3 -coucou myriam - yasmino2 - souha619

وبالأخص الغالية :صفاء البشرة التي يبدو لي وكأن تجربتها ستماثل تجربتي من خلال قولها ونصائحها شكرااااااااااااااااااااا ........ونقولك الله يرحم أبوك الغالي عليك وعلينا وأسكنه فسيح جنانه

انا لله وانا اليه راجعون

شكراااا مرة أخرى على النصائح ......صح فطوركم

iris2032 · 2012-07-25, 10:56

اقتباس:

خاوتي لعزاز علابالنا بلي فات عليكم عام فيه الجد والنشاط أحيانا والهزل والتمسخير أحيانا أخري

كل واحد منكم يقول لينا تجربته في البكالوريا

رأيكم يهمني بالخصوص

و الله الحقيقة أنه كان كأي عام بل و ربما أسهل من الأعوامالسابقة والمشكل الوحيد هو أن من خاف في هذاالعام ضاع وربما كل من تفوقوا سيعمونكم بأنهم كانوا يعتبرونه امر عادي
أناتحصلت على معدل16,32 شعبة علوم ولولا بعض الظروف لكان أكبر
لكن لدي تحذير لكم وهوأن تتفادوا الاجهاد لأنه اكثر مضر بكم
و ما تخافوش وتتوتروا من نتائج الامتحانات لأن البكلوريا أسهل بكثير ومع ذلك كونواجديين فيها لأنها تقييم جزئي لفهمكم لتلك المحاور
بالنسبة للمراجع التي استخدمتها
الرياضيات و الفيزياء ====الهباج
علوم===كتاب أحمد أمين خليفة
و هي فعلا مفيدة لشعبة العلوم

soufiane souf · 2012-07-25, 11:45

سلامووو

باك 2012

بصراحة اساتذتا كانوا السبب المهم في فشلي وفشل كل اصدقائي وزملائي حيث من 36 تلميذ نجح 12

03 لولاد و 09 ا\بنات
.
لمااااااااااااااااادا ؟؟؟؟؟؟؟

حبة ملفاي · 2012-07-25, 12:02

نقولكم حاجة خاوتي

لي قالكم القراية و القراية و القراية و القراية راه يكدب عليكم

الباك ماشي غير قراية

صح لازم تقرى حتى لا تترك فرصة للصدفة او أي شيء

و انا امامكم مثال

كل يوم محاوزيني الأساتذة ......في اليوم نقرى ساعتين في الليسي (جامي قريت اكثر منها)

لي ماتش ما ريحت حتى ماتش تقريبا في البطولات جميعا
مام لي فيلم

و النت بلا ما نهدرو عليها ..........مي كي لحق أفريل

الباك راه شوية قراية و شوية هو و شوية حظ

انا دائما معدلي كان 13 او 14

و حافظت عليه في الباك 14.40

اما الكثير من زميلاتي و زملائي الذين جابوها ليل مع نهار قراية قراية

رغم انهم في العام كانوا ما يهبطوش من 17 في الباك انا قبلهم جميعا

المهم ما تخافش و ركز برك

و ما تقراش بزاف لأن راح تتخلع و تتخلط عليك

و ربي يسهل ليكم إنشاء الله

soufiane souf · 2012-07-25, 12:13

البـــــــــــــــــــــــــــــــــــــــــــــــ اك= قراية وتعب