لكل من اراد اختيار طب وهو متردد اليك خبرتي

رفيدة0 · 2012-07-01, 16:19

مرحبا الف الف مبروووك للفائزين بشهادة البكالوريا وللذين لم يحافهم الحظ ( عسى ان تكرهوا شيئا وهو خير لكم )
اعرفكم بنفسي :انا تحصلت على البكالوريا سنة 2011 بمعدل 17 واخترت طب
رغم انني كنت حابة طب من صغري لكن كي وصل الوثت باش نختار ترددت شوي بصح خيرتها والحمد الله
صح طب فيها سلبيات وايجابيات
السلبيات[
ظروف الدراسة في دراقة صعبة جدااااااا بعيدة و باش تقرا وتحوس على احسن الاساتذة لازم تطبع وشحال من مرة تتحاوز وتجري من قاعة لقاعة باش تحكم بلاصا م ماكاش فروض واستجوابات باش تقيم روحك كاين امتحانات كل فصل وكاين مواد الاساتذة تحسهم يتفننون في تعذيبك (وما ننساوش الدروس التدعيمية لي في بعض المواد لو كان ما دبرهمش تخلاص عليك synthèse لاخاطرش واش يمدولهم يطيح)
مرات على جال circulation فالطريق خرجنا بنات نجرو ف l'autoroute كيالمهابل باش ما يروحش علينا ل cours و خلي td المهم عشنا عام شفنا فيه الويل يجو يامات تندم على النهار الي درت فيه طب والاكل ماكاش الحوانت بزاف و لي كاينين لغااااشي وما عندكش الوقت تخلاص عليك للشر
مي رغم كل هذا علابالي في قلبي بلي لوكان نعاود نولي نعاود نخير طب
لانو رغم كل الصعوبات لقراية لي تقرا فيها حلوة ( رغم انو انا نحب الرياضيات وما نحبش العلوم والحفظ ) و مشي غير حفاظة فيها فهامة ولازم تعرف كيفاش تحفظ ما يخلعك والو surtt anatomie لا خوفوك منها الغاشي نقولك بلي حنا نطلعو بيها المعدل وقع يخدمو فيها و ما يخلعكم والو لانو الللي يقرا يجيب وينجح ولي يجيبها تمسخير من الاول تخلاص عليه mal
بالنسبة للفرنسية ناكدلم ماحش تلقاو حتى مشكل نعرف ناس حابسيييين دخلو 00 فالفرنسية خاصة لي يسكنو بعيد بصح نجحو و ما تلقاش صعوبة تفهم الاستاذ بالاك شوية مع الدخة بصح max ثالث حصة تولي تفهم 98 بالمية
اما عن حكاية 7 سنين يجوزو خاصة انك من السنة الثالثة تولي تروح للمستشفى وتحس روحك طبيب والاختصاص مليح واذا راك مقلق على مصروفك فالاختصاص راهم يخلصوك مليح
جراحة اسنان مليحة تاني انا حبيت طب لانو فيها بزاااف اختصاصات و جراحة اسنان لي يدوهم فالاختصاص نسبة قليلة وعلابالكم بلادنا والمعرفة ,,,,,,,
صيدلة تاني مليحة ( كل الاختصاصات مليحة ) انا ما درتهاش لاخاطرش كيمياء حسيتها ميتة وانا حبيت حاجة vivante
كنت حابة ندير ini بصح نصحةني بالطب خاصة كي انا طفلة وزيد هدرت من ناس فالطب وفي مجال الاعلام الالي وحسيت بميول للطب

ننصحكم تخمووو مليح قبل ما تخيرووو نعرف بزاااف ناس خيرو و في وسط العام حبسو وما عجبهمش وراحو يبدلو وبالتالي خسرو عام من حياتهم
واخيرا مبروك عليكم يا bacheliers 2012 وربي يوفقكم ولي حاب يدير طب راني فالخدمة سلام [

zozo08 · 2012-07-01, 16:22

شكرا لييييييييييييييييك

أم الشهداء · 2012-07-01, 16:24

السلام عليكم ورحمة الله تعالى وبركاته
موضوعك حمسني أكثر فشخصيا سأختار الطب مهما كانت العوائق و الحواجز

ـــــ

بالتوفيق للجميع
و ألف مبروك للناجحين و حظ أوفر للبقية

سلامــ’’ـــ

عـآلية الهــمةَ · 2012-07-01, 16:32

بارك الله فيك اختي
و الله رايحة نهبل
نختار ini أو طب...؟
بصح بعد مووضعك على حساب الشوفة طب طب طب

~خيرات حِسان~ · 2012-07-01, 23:09

أختي رفيدة |أنا أحتاجك لدي استفسارات كثيرة خصوصا هذه الأيام هل لديك بريد؟

algerino1212 · 2012-07-01, 23:21

بارك الله فيك أختي

مكن تعطينا شرح شامل عن كيفية الدراسة و المواد التي تدرس ، و واش هيا المادة لي صعيبة ... ؟

c.ahmed7 · 2012-07-01, 23:21

أختي ، بعد ما دير généraliste ،، ونحب تكمل la specialité .. ، يخلص الطبيب ليمازال يقرا ولا حتى يكمل الإختصاص ؟؟

رفيدة0 · 2012-07-01, 23:26

اقتباس:

المشاركة الأصلية كتبت بواسطة ~خيرات حِسان~

أختي رفيدة |أنا أحتاجك لدي استفسارات كثيرة خصوصا هذه الأيام هل لديك بريد؟

ماكان حتى مشكل راني هنا اسمي فالفايس Fan Quran's وانا نوريلك مليح كيفاه تقراي نشا الله

رفيدة0 · 2012-07-01, 23:27

اقتباس:

المشاركة الأصلية كتبت بواسطة redjeb.youcef

بارك الله فيك أختي

مكن تعطينا شرح شامل عن كيفية الدراسة و المواد التي تدرس ، و واش هيا المادة لي صعيبة ... ؟

اختي نتي تاني اجوتيني بظاذن الله ندير لي نقدر عليه

algerino1212 · 2012-07-01, 23:27

أختي ممكن تضيفيني عندك في الفايس Redjeb Joseph على خاطر راهم حظرولي الانفيتاسيون

رفيدة0 · 2012-07-01, 23:28

اقتباس:

المشاركة الأصلية كتبت بواسطة c.ahmed7

أختي ، بعد ما دير généraliste ،، ونحب تكمل la specialité .. ، يخلص الطبيب ليمازال يقرا ولا حتى يكمل الإختصاص ؟؟

suuuuuuuuuuuuure لوكان ما يخلصوهش ما تلقاينيش هنا يخلصوه كيما واحد طبيب generaliste ما تخميش

bouhou94 · 2012-07-01, 23:42

لا انا اخالفك الراي تماما
اولا ان الاقبال الكبير على الطب يشكل مشكلة فلا يمكن ان يتخرج كل هذا العدد سنويا
ان الجزائر محتاجة الى مهندسين
لدي ابن عمتي تخرج منذ 3 سنوات و الى حد الان عاطل عن العمل
اجتاز امتحان التخصص كل سنة لكنه اخفق فيه
و كل من اعرفه يقرا طب مديقوطين و ندمانين خاصة المعدين في السنوات
فكيف تقرا 7 سنين و تزيد تكمل تخصص 3 و لا 5
و كما ان الفرنسية هامة جدا فالكثير يجدون الكثير من الصعوبات
لذلك لا انصحكم باختيار الطب و انما التخصصات المطلوبة في كل العالم ليس فقط في الجزائر هي الاعلام الالي
الهندسة و الرياضيات الخ
و بامكان كل من انه دراسته في هذا المجال السفر الى اوروبا
خاصة في المدارس العليا

رحاب النجاح · 2012-07-01, 23:44

تحصلت على 15.90 في البكالورياهل بامكانى الالتحاق بجامعة الطب ....... هو حلمي الاعظم ............. لقد كنت اسعى للحصول على اكثر من 17 لانو مشواري الدراسي كاامل جامي جبت هادي 15 ........... مي نورمال قدر الله و ما شاء فعل ...... هدا امتحان من عند ربي و علابالي نتجاوزو ........بيسك تعبت تعبت و علابالي ربي ما يظلمش و عند ثقة كبيرة في الهي يعوضلي .................................لهذا انا اود الدخول الى جامعة الطب ...........ارجووووووووووكم هل يمكنني الالتحاق ..........اسعى للتفوق في هذا المجال ...................مي هات برك نروووووح............ارججججججوكم انتظر ردودكم ........هل عندي أمل ؟

حسام جسيل · 2012-07-01, 23:44

??????????????????????

زمهرير ولى الاثر · 2012-07-01, 23:48

كم معدل القبول في هذه السنة؟