راهي غضبانة

soso sirin · 2012-06-25, 14:10

لا توجد حياة زوجية بدون مشاكل و لكن هناك من يستطيع التعايش معها لانه يعتبرها ملح الزواج و هناك من لا يستطيع.في موضوعي هذا اردت مناقشة ظاهرة ليست بالجديدة على حياتنا و لكن في الاونة الاخيرة انتشرت بسرعة في عائلاتنا و خاصة بين نسائنا و هي ظاهرة ذهاب الزوجة الى بيت الوالد لان لديها مشاكل سواءا مع الزوج او مع عائلة الزوج او ان الزوجة في حد ذاتها مشكل و هي تفتعل لنفسها المشاكل و هي مايعرف بيننا راني غضبانة.اريد منكم مناقشة الموضوع من خلال الاجابة عن الاسئلة التالية ماهي ردة فعلك اخي اذا ذهبت الزوجة الى بيت والدها و هي في هذه الحالة.اختي ماهي الاسباب التي تجعلك تذهبين الى بيت والديك و انت في تلك الحالة.ماهو شعوركي و انتي تقولين لوالديك انك غاضبة .كيف ستكون ردة فعل والديك و كيف ستتوقعين ردة فعل زوجك.في الاخير لا تلتزمو بالاسئلة و لكم مطلق الحرية في النقاش انا وضعتها من اجل التوضيح و فقط

hosbkaz · 2012-06-25, 16:43

اختي بالنسبة لى كزوج، اذا خرجت زوجتي الى اهلها بدون اذني، ساخبرها بان تبقى في منزل والدها مهما كان الامر
الغضب دواؤه الحلم والصبر واحتساب الاجر عند الله، اين الايمان اين الصبر اين الاخلاق الحسنة، الزواج يوم مر ويوم حلو حتي يفوت العمر

الجليس الصلح · 2012-06-25, 17:20

الهروب من البيت من قبل الزيجات يعد من ضعف المرأة وتابعيتها للوالدين وهو أمر سلبي لا يساعد أبدا على التواصل الأسري

morad81 · 2012-06-25, 20:19

و الله في الواقع هذي المشكل راهو بزاف و باف ناس راحت عائلاتهم ضحية تهور الزوجة .... و إغتنام لفرص للضفر ببيت خاص..

المهم يا أختي كيما يقولوا : الطول يعيي و بين لعيوب ......نعرف بزاف ناس صرات معاهم هذي الظاهرة لكنهم عالجوها بحكمة ...واني نقولك أنها خرجت لدار باباها سيرتو إذا كان في الجوارين وراحت مع واحد من العايلة ما نيتمش ولادي نشوف المهم حل قريب ......لكن أنها تخرج من بيتي وحدها و تسافر لبيت والديها وهما بعاد ....نشاء الله ما تصراش برك.......

كاين واحد حاول مع مرتوا بكل الوسائل وعندو ولاد وكيما دار ما بغاتش تولي بشرط دارها وحدها وهو يسكن مع يماه .......كيفاش دار خلاها قريب عام في دار باباها مع ولادها حتى كرهت روحها .......ومن بعد بدى يبين ليها أنو رايح يتزوج .....و الله غي بدات تحال فيه باش يردها وكي ولت راهي مع يماه ومازادتش غضبت.

شكرا للمواضيع لواقعية نرجو اننا ساهمنا بما يليق بالموضوع.....شكرا أخوكم مراد

سارة البوسعادية · 2012-06-25, 21:14

انا مانتخيلش روحي نضل ملايمة حوايجي ودايرة خط ساخن لدار بابا
الا اذا حسسني زوجي بالاهانه ساعتها اكيد نحب نرجع لدارنا
لان مستحيل نقعد في مكان يذلني
اما باقي الامورات نغضب في داري ونخليه يندم على نهار زعفني فيه

sarl02 · 2012-06-26, 00:33

اقتباس:

المشاركة الأصلية كتبت بواسطة سارة البوسعادية

انا مانتخيلش روحي نضل ملايمة حوايجي ودايرة خط ساخن لدار بابا
الا اذا حسسني زوجي بالاهانه ساعتها اكيد نحب نرجع لدارنا
لان مستحيل نقعد في مكان يذلني
اما باقي الامورات نغضب في داري ونخليه يندم على نهار زعفني فيه

هذه هي الهدرة الزينة ..يرحم ذاك الفم.

Narcisse95 · 2012-06-26, 09:07

أنا كي نزوج و نغضب علاه نروح لدار والدي ؟ ياك هاديك داري ولا راني غالطة ؟ دار والدي نرجعلها مطلقة و بس و كي يجيني مشكل نحلو في وقتو و ادا كان الزوج مايفهمش ... الطلاق حلال نورمال

soso sirin · 2012-06-26, 12:44

اقتباس:

المشاركة الأصلية كتبت بواسطة hosbkaz

اختي بالنسبة لى كزوج، اذا خرجت زوجتي الى اهلها بدون اذني، ساخبرها بان تبقى في منزل والدها مهما كان الامر
الغضب دواؤه الحلم والصبر واحتساب الاجر عند الله، اين الايمان اين الصبر اين الاخلاق الحسنة، الزواج يوم مر ويوم حلو حتي يفوت العمر

شكرا على الرد اخي.و هي فعلا لا يجب على المراة ان تخرج من بيت الزوجية بدون علم زوجها و مهما كانت الظروف الا اذا لا قدر الله قد يكون بقاءها في بيته يهدد حياتها. و لكن اخي ماهي الظروف التي تستطيع ان تسامح فيها زوجتك اذا ذهبت الى بيت والدها و كيف تنظر لامرة كلما كانت مشكلة بينها و بين زوجها تتجه مباشرة الي والديها

سي عبدو · 2012-06-26, 12:56

بسم الله الرحمن الرحيم

الزوجة التي تَذهب في ساعة غضب إلى أهلها لتشكو زوجها دون موافقة الزوج - ينبغي للزوج أن يتركها شهرا - شهرين - ثلاثة عند أهلها ( لاستكمال الشكوى )

هذا درس ينبغي أن يكون مؤثرا حتى لا تفكر بعمل نفس الشيء مرة أخرى ...

وإلى أين يَذهب الزوج في ساعة غضب هو الآخَر ؟ إلى والدته ؟!

soso sirin · 2012-06-26, 12:59

اقتباس:

المشاركة الأصلية كتبت بواسطة رجل الفضاء

الهروب من البيت من قبل الزيجات يعد من ضعف المرأة وتابعيتها للوالدين وهو أمر سلبي لا يساعد أبدا على التواصل الأسري

فعلا اخي لجوء الزوجة الى والديها عند ظهور المشاكل بينها و بين زوجها سيؤثر على حياتهما الزوجية و قد يوصل فكرة للزوج ان زوجته عديمة المسؤولية كما ان تدخل والدا الزوجة في حياتهما سيؤدي الى ظهور مشاكل اخرى .من المفروض مادامت هي ترفض فكرة تدخل والدا زوجها فهي عليها ان لا تدخل والديها في مشاكلها

بوكرومة شعبان · 2012-06-26, 13:22

بالنسبة الي الهروب ليس بالحل لان طرق معالجة الماشكل ليس بالغضب والوالدين يكون زواج البنت بمثابة الجائزة اما المشاكل بعد الزواج عداب بالنسبة لهم ولكن هنا نقطة يجب النظر فيها هي ادا كانت الزوجة مظلومة من الطرف الزوج فهنا ممكن الهروب يكون حل لمشاكلها لان الرسول (صلعم)يقول رفقا بالقوارير وادا كانت مظلومة من طرف العائلة فيكون الزوج المسؤول لانه هو المطالب بفك النزاع

salima14 · 2012-06-26, 14:04

والله مرت ولد خالي صدعتهم بالمشاكل دابزت مع أخت راجلها
وغضبت إيمالا خلاها حتى كرهت في دارهم جابها باباها رماها
من الباب وراح راهي رجعت تهدنت وحدها

soso sirin · 2012-06-26, 17:37

اقتباس:

المشاركة الأصلية كتبت بواسطة morad81

و الله في الواقع هذي المشكل راهو بزاف و باف ناس راحت عائلاتهم ضحية تهور الزوجة .... و إغتنام لفرص للضفر ببيت خاص..

المهم يا أختي كيما يقولوا : الطول يعيي و بين لعيوب ......نعرف بزاف ناس صرات معاهم هذي الظاهرة لكنهم عالجوها بحكمة ...واني نقولك أنها خرجت لدار باباها سيرتو إذا كان في الجوارين وراحت مع واحد من العايلة ما نيتمش ولادي نشوف المهم حل قريب ......لكن أنها تخرج من بيتي وحدها و تسافر لبيت والديها وهما بعاد ....نشاء الله ما تصراش برك.......

كاين واحد حاول مع مرتوا بكل الوسائل وعندو ولاد وكيما دار ما بغاتش تولي بشرط دارها وحدها وهو يسكن مع يماه .......كيفاش دار خلاها قريب عام في دار باباها مع ولادها حتى كرهت روحها .......ومن بعد بدى يبين ليها أنو رايح يتزوج .....و الله غي بدات تحال فيه باش يردها وكي ولت راهي مع يماه ومازادتش غضبت.

شكرا للمواضيع لواقعية نرجو اننا ساهمنا بما يليق بالموضوع.....شكرا أخوكم مراد

صحيت خويا مراد على ردودك القيمة و امثلتك الواقعية .هي والله يا خويا المراة تعلمت حاجة ماشي مليحة تلقاها غير شوية مشاكل مع راجلها و لا مع ماليه رافدة قشها و رايحة لدارهم و المشكل هنا قادر الراجل تكون عندو ردة فعل هي ماتتوقعهاش و يقلها ريحي كامل في داركم لانو هي طالبت باه دارهم مايدخلوش رواحهم فيها و هي دخل ماليها في اي مشكل و هكا المشكل مهما كان صغير تفوت تخرج من الدار راح يكبر و تاني هنا مشكل مالين الطفلة الي راه عندهم مواقف سلبية مع هذا الموضوع .تاني كاين شي نسا يخسرو ديارهم بيديهم معنتها يباسة راسهم راح تخلي الراجل يوصلها حتى للطلاق

soso sirin · 2012-06-26, 17:42

اقتباس:

المشاركة الأصلية كتبت بواسطة سارة البوسعادية

انا مانتخيلش روحي نضل ملايمة حوايجي ودايرة خط ساخن لدار بابا
الا اذا حسسني زوجي بالاهانه ساعتها اكيد نحب نرجع لدارنا
لان مستحيل نقعد في مكان يذلني
اما باقي الامورات نغضب في داري ونخليه يندم على نهار زعفني فيه

ربي يكملك بعقلك يا سارة.و الله غير تبهديلة وحدا كل ماتتناقر هي و راجلها تعشي تلم في قشها و رايحة عند ماليها هنا راجلها راح يكره منها و اذا طلقها و الله هي الي جابتها روحها الا في حالة وحدا ممكن تخرج الطفلة و تروح عند ماليها اذا كان راجلها وصلها لحاجة كبيرة و ماقدرتش تعيش معاه في الذل كيما قلتي لانو مكانش الي تحمل الذل.مي سارة معليش تجاوبيني على هذا السؤال واش راح يكون ردة فعل ماليك كون تروحي عندهم غضبانة بعيد الشر عليك ان شاء الله دايمن تبقاي منورة دارو واش راح يقولولك سوغتو اذا كانت السبة ماتستاهلش

soso sirin · 2012-06-26, 17:50

اقتباس:

المشاركة الأصلية كتبت بواسطة سي عبدو

بسم الله الرحمن الرحيم

الزوجة التي تَذهب في ساعة غضب إلى أهلها لتشكو زوجها دون موافقة الزوج - ينبغي للزوج أن يتركها شهرا - شهرين - ثلاثة عند أهلها ( لاستكمال الشكوى )

هذا درس ينبغي أن يكون مؤثرا حتى لا تفكر بعمل نفس الشيء مرة أخرى ...

وإلى أين يَذهب الزوج في ساعة غضب هو الآخَر ؟ إلى والدته ؟!

يروح عند يماه هو تاني باه يشكي هههههههه.والله يا خويا مشكل كبير لانو هنا المراة راهي خوانة للعشرة معنتها راهي تفشي في اسرار الزوجية سوغتو اذا مكانش قابلها تروح لدارهم و تاني ماراه دايرلها حتى حاجة تستاهل عليها باه تروح تغضب.في رايك اخي من هو المسؤول عن انتشار هاته الظاهرة و بكثرة