بسببك امي كرهت الحياة ...

[كريمة 118]

باسم الله الرحمن الرحيم

انا فتاة ابلغ من العمر 19 سنة متحجبة ومتدينة والحمد لله لكن اعاني من حالة نفسية جد حزينة وكئيبة وذلك بسبب امي منذ صغري وعمري شهر او 5اشهر اعطتني لامها ماهو السبب لااعلم منذ صغري كنت اتلقى معاملة سيئة جدا من جدتي و اخوالي وعلما انهم اخفوا علي الحقيقة وظننت ان جدتي امي واخوالي اخواتي لكن كنت اتسائل لماذا هذه المعاملة واسئلة اخرى تراود ذهني حتى اليوم الذي عرفة فيه عندما حضر عندنا ضيوف وسمعتهم يتكلمون ..وبعدها صارحتني جدتي وبدات انا بالبكاء انصدمت ماذا قالت انت لست ابنتي هاشكون يماك الاحابة تقعدي اقعدي والاماراكيش حابة ربي يسهل وتلفظت باسوء الكلام انا الان فتاة عديمة الاحساس والمشاعر في حياتي لم تسال عني لم تظمني لا تحسبني اصلا ....اما جدتي اللتي ربتني تقولي كلام قاسي وتجرحني واخوالي الذكور قالوا انا منزلهم ماهوش دار الحضانة لم اجد من يفهمني وعندما قلت لاختي (شقيقتي الاصلية )وصرحتها انني مجروحة من امي لما رمتني قالت انني ناكل ونشرب ونلبس واش راهوا خاصني ......لكني انا احتاج الحب الحنان اريد ان احس بالامان اريد الصدر الدافئ ككل البنات كم اغار عندما اجد امهات يحبون بناتهم ويحنون عليهم والان كلما تزيد الحياة تقسوا علي ازيد في كرههما انا احس بالليتم رغم وجود امي وجدتي انا الان معظم وقتي الزم الصمت وليالي كلها بكاء وحقد عليها وعندما يضلموني او يضربوني اخوالي او يجرحونني لا احد يدافع عني ونرجع انا مانيش مليح اصبحت عصبية واحسب كل الناس كذابين وخداعين ...حاولت مرارا وتكرارا ان اغير طباعي معها لكني لممممم استطيع كلما اصل الا نقطة ترجعني الى الصفر بسبب كلمات ومعملات قاسية فكرت في الانتحار لكن ثقتي بربي كبيرة لكن كرهت نفسي وكرهت كل من حولي افضل البقاء وحدي وحدي ارجكم ساعدوني انا في حاجتكم لاتبخلوا علي بالردود...

[نجمة ساطعة]

ربي يهديها و يغفر ليها يا رب

بصراحة اعرف قصص كثيرة عن امهات يعطون اولادهم للجدة و للاخت ووووو و بعدها الضحية الوحيد هو الابن

والله ما نمد ولدي يا كون نجيب 8 توام مرة وحدة

وش راح نقولك لازمك تتصالحي مع نفسك و تتقبلي واقعك و تتعايشي معاه حتى يجي نهار و تفتحي بيت و تجيبي ولاد

يعوضوك الحنان اللي فقدتيه حاولي تنجحي و تفرضي نفسك

[كريمة 118]

والله ما نمد ولدي يا كون نجيب 8 توام مرة وحدة

اتعرفين اختي ذرفت دموع عيني لقولك هذا لااعرف ان لها قلب ام لايوجد ام انها ليست ام المشكل ماقدرتش ننسى الماضي واعرف انه سيبقى يلاحقني الا يوم الغطاء الابيض على وجهي ..شكرا

[نجمة ساطعة]

ما تبكي ما والو

نقولك حاجة يا حصرااااااااه انت امك غير مداتك برك كون نحكيلك قصص على امهات تقدري تقولي امك ملاك معاهم

ننصحك تعايشي مع الوضع ما تبقايش تقعدي تدوري في نفس المشكل ذرك خلاص صرا اللي صرا

[mohamed160]

ربى يهدى جدتك واخوالك وانتى عليك بالصبر

[سنوم 33]

شوفي يا اختي.........الي صرا صرا
اتجهي لربي...ياخي امانك قوي بيه.....احكمي فيه...هو الي خرجك من الوضع الي راك فيه
بالنسبة لجدتك..عامليها كماماك مهما كان ومهما واش كانت معاملتها ليك ...ما تنسيش بلي رباتك.ومام خوالك ديري في بالك راهم كبار عليك...قدريهم وما ديريش الحوايج الي تخليهم يطيشولك الكلام الخايب---------سايريهم---------حتى يفرج عليك ربي
وبالنسبة لماماك....ممكن تكون غلطت انها مداتك لجداتك...بصح انت ما علابالكش بالظروف الي خلتها دير هك....تاكد ما كانش ام تمد بنتها بالساهل وما تقوليش قلبها قاسي...ع خاطر راكي من لحمها ودمها ... ممكن الايام الي خلتها تنسى...انت باه ترضي ربي
ما دامك اكتشفت انها امك...عامليها معاملة الام.حتى ولو ما عندها حاجة فيك...انت الي قادرة ترجعيها ليك...وما كلاه تحقدي عليها...ع خاطر ربي يحاسبك عليها..حتى ولو كانت معاملتها خايبة قابليها ديما بالمليح.باه الغلطة تبقى فيها هي..وما يهمكش فيها هي اعترفت بالغلطة تاعها ولا ..لا.المهم يكون ضميرك مرتاح.

[سنوم 33]

انت عمرك 19 سنة
-اذا كنت تقراي .تولهي بقرايتك.
-واذا كنت قاعدة في الدار--ما تقريش--تعلمي حرفة تواسي بيها روحك--مثلا كروشي-خياطة-حفافة................
-اذا استلزم تخدمي معاهم شغل الدار الله يبارك...ما كانش عمري فراغك بعبادة ربي ..وقرايتك..ولا حرفتك--وحنا هنا رانا معاك خيوتك وخوتاتك ...تحبي تنحي على بالك ...ولا تفرغي قلبك...رانا معاااك.
----حتى يفرج عليك ربي...ما عندو ما بقالك ..تزوجي.تتلهي براجلك ودارك وولادك....ما يعودش عندك حتى الوقت باه تفكري في الموضوع هذا
وما تقوليش الماضي يبقى يلاحق فيا..بالعكس كاينة حاجة يسموها النسيان.
ربي يفرج عليك

[فارس الجزائري]

السلام عليكم
خيرا إن شاء الله
أحبي أمك لأنها أنجبتك وأحبي أم أمك لأنها ربتك
أشعريهم بحبك من خلال طاعتك لهما والارتماء بأحضانهما يفتحان صدريهما لك ويحتضناك
ابعدي عنك الأفكار السيئة إتجاههما وأحمد الله على تواجدهما وأسعي لطاعتهما تنالين أجرا كبيرة وتشعرين بسعادة غامرة وراحة ما بعدها راحة
بالتوفيق إن شاء الله

[الجواهر]

في الواقع الكثير من الاولياء يعاملون الاولاد معاملة قاسية و لا يعرفون التعبير الصحيح عن الحب الحقيقي الذي يشعرون به اتجاه الاولاد و في المقابل نجد الابناء في نفسية سيئة نتيجة هذه المعاملة فيصابون بالاحباط و الخيبة و الحزن الشديد خصوصا و ما تعرضه المسلسلات من لقطات حميمة بين الاسرة مما يزيد الوضع تعقيدا و لكن انظري من حولك ستجدين الاغلبية تعامل مثلك لانها عقلية جزائرية و لك ان تعودي لارشيف المنتدى حيث الكثير من الابناء يشتكي المعاملة السيئة من ناحية الاب او الام فجدتك تحبك و معاملتها لك طبيعية حتى وا ن تفوهت بكلام فهو " من فوق القلب " و كذلك اخوالك الذين هم بمثابة اخوتك مهما قالوا او فعلوا فلن تستطيعي كرههم و لن يستطيعوا نسيان انك اختهم و ستثبت لك الايام صحة كلامي
اما امك فلا نعرف الظروف التي دفعتها لتركك و انت لم تشيري مطلقا الى والدك اين كان و لم وافق امك ؟؟
و مهما يكن ما قامت به امك من الماضي و لا يمكن محاسبتها حاولي التقرب منها و ستعرفين الحقيقة الغائبة عنك و حينها ستعذرينها لانه لا توجد امراة على سطح الكرة تسلم ابنتها لولا الظروف القاهرة

[بلسم الجراح]

حنا تاني عندنا نفس المشكل اختي كي كانت صغيرة تربات عند جداتي وكي ولات تقرى في الجامعة جدتي ماتت وكي كملت قرايتها رجعت لدار ماقدرناش نعيشوا معاها خلاص طبيعتها ماهيش كيم طبيعنا وحيلية معانا بزاف وماما ندمت بزاف وقالت كون كنت عارفة كيم هكذا واله ما نخليها تتربى عندها
اختي نصبحتي ليك شدي في ربي وكي تحسي روحك راح تبكي ولا مقلقة اتوضاي وصلي وثاني حاجة ديري خطة لحياتك وشوفي كيفاش تتغلبي على هدا المشكل اقراي ولا اخدمي
المهم ديري حاجة في حياتك وما ضليش تندبي في حظك انت مسلمة ولازم ترضاي بقضاء الله وقدروا
وماتنسايش ماكيش وحدك .................................................. ..ربي معاك وماهي غير دنيا واجرك في الاخرة

[كريمة 118]

و انت لم تشيري مطلقا الى والدك اين كان و لم وافق امك ؟؟
و مهما يكن ما قامت به امك من الماضي و لا يمكن محاسبتها حاولي التقرب منها و ستعرفين الحقيقة الغائبة عنك و حينها ستعذرينها لانه لا توجد امراة على سطح الكرة تسلم ابنتها لولا الظروف القاهرة

الوالد موجود لكن وكانه غير موجود اصبح الان عمري 19 سنة لااعرفه وفي حياتي لم اتكلم معه سوى صباح الخير ومساء الخير وذلك عندما اذهب عندهم في العطلة الصيفية غير من فوق القلب +الا مروحتش نتلقاه في العيد اقل من خمس دقائق فقط صح عيدك هادا مكان ...
انا مارانيش نحاسب فيها لكن لما تكلمت مع اختي قالت انو هي معطاتكش للبراني وهادي مافيها والوا وهي ماطلبتش السماح مني ولاحتى فهمتني وعلاش اعطاتني .....

[الجواهر]

الوالد موجود لكن وكانه غير موجود اصبح الان عمري 19 سنة لااعرفه وفي حياتي لم اتكلم معه سوى صباح الخير ومساء الخير وذلك عندما اذهب عندهم في العطلة الصيفية غير من فوق القلب +الا مروحتش نتلقاه في العيد اقل من خمس دقائق فقط صح عيدك هادا مكان ...
انا مارانيش نحاسب فيها لكن لما تكلمت مع اختي قالت انو هي معطاتكش للبراني وهادي مافيها والوا وهي ماطلبتش السماح مني ولاحتى فهمتني وعلاش اعطاتني .....

تحدثت مع اختك . المفروض ان تكلمي امك على انفراد و توضح لك الاسباب الحقيقية ربما عدد البنات كثيرا او كانت اسرتكم فقيرة ...و اسالي اباك فلربما له وجهة نظر اخرى و هكذا تعرفين الحقيقة من كليهما

[حمدا لله كثير]

لا تحزني و احمدي الله حتي تصلي للقناعة في حياتك تم السعادة و الله في اناس همومهم اكبر من هذا

ربي يقويكي و يصبرك و يسعدك وربي يعوضك في زوجك خير فالله يخبؤ لكي اشياء احلي مستقبلا

[حمدا لله كثير]

المشاركة الأصلية كتبت بواسطة الجواهر

في الواقع الكثير من الاولياء يعاملون الاولاد معاملة قاسية و لا يعرفون التعبير الصحيح عن الحب الحقيقي الذي يشعرون به اتجاه الاولاد و في المقابل نجد الابناء في نفسية سيئة نتيجة هذه المعاملة فيصابون بالاحباط و الخيبة و الحزن الشديد خصوصا و ما تعرضه المسلسلات من لقطات حميمة بين الاسرة مما يزيد الوضع تعقيدا و لكن انظري من حولك ستجدين الاغلبية تعامل مثلك لانها عقلية جزائرية و لك ان تعودي لارشيف المنتدى حيث الكثير من الابناء يشتكي المعاملة السيئة من ناحية الاب او الام فجدتك تحبك و معاملتها لك طبيعية حتى وا ن تفوهت بكلام فهو " من فوق القلب " و كذلك اخوالك الذين هم بمثابة اخوتك مهما قالوا او فعلوا فلن تستطيعي كرههم و لن يستطيعوا نسيان انك اختهم و ستثبت لك الايام صحة كلامي
اما امك فلا نعرف الظروف التي دفعتها لتركك و انت لم تشيري مطلقا الى والدك اين كان و لم وافق امك ؟؟
و مهما يكن ما قامت به امك من الماضي و لا يمكن محاسبتها حاولي التقرب منها و ستعرفين الحقيقة الغائبة عنك و حينها ستعذرينها لانه لا توجد امراة على سطح الكرة تسلم ابنتها لولا الظروف القاهرة

baraka allahou fiki okheti

[نصيرة أمي الحبيبة]

حبيبتي نحن لا نختار الوالدين مهما كانو حنان قاسين و لا حتى فيهم عيوب الدنيا كامل ايه احمدي ربي عندي عائلة تعرفي واش معنتها عائلة يعني يعترفو بيك في المجتمع
انا صح راني فاهمتك بصح حاولي تتقربي ل أعز معندك أمك اه ه ه كم هي كلمة تقتلني الام انا فقدت امي ورحيلها جعلني اره الحياة
بصح لوكان نعرف تولي ودير فيا كتر ملي دارو فيك عايلتك والله نبوس الارض الي تمشي عليها
اختاه هذي امك الي ولدتك الي حملتك تسعة اشهر مهم دير فيك انت حبيها اكتر و بينيلها حبك هذي ذنيا لا نعرف قيمة الشخص الا بعد رحيليه
اسغفري الله ربي يسهل عليك حبيبتي و يحن قلب عايلتك عليك وتولي مثل العسل بينهم
اللهم امين وديري بنصيحتي اعشقي يماك حتى تلفظي اخر انفاسك ولو يوصل بيك تبكي عند رجليها