لكل من يريد ان يعيش سعيدا

djazia94 · 2012-07-06, 17:16

السلام عليكم و رحمة الله كثيرا ما نبحث عن السعادة وقليلا ما نجدها بالرغم من انها ليس لديها شروط فان تكون سعيدا لا يعني ان تكون غنيا اومثقفا او...... بل المهم ان تكون راضيا على نفسك وعلى علاقتك بالاخرين بكل مافيهالان السعادة شيئ نفسي معنوي لهدا اردت ان اطلعكم على بعض النصائح العملية 1 لا تكره احدا مهما اخطا في حقك 2 لا تقلق ابداااا فلكل مشكلة اكثر من حل 3 عش في بساطة مهما علا شانك 4 توقع خيرا مهما كثر البلاء 5 اعطي كثيرا ولو حرمت 6 ابتسم ولو كان قلبك يقطر دما 7 كن متفائلا وابتعد عن المحبطين 8 لا تؤمن بالمستحيل 9 اعلم بانه كما ترى نفسك يراكا الاخرون 10 استمع اكثر مما تتكلم 11 ثق بنفسك ولا تدع احدا يصدك عن تحقيق اهدافك 12 اصبر فلا ند من الفرج 13 تعلم فن التسامح

raboha · 2012-07-06, 18:50

السلام عليك و رحمة الله تعالى و بركاته
بارك الله فيك و الله بهذو الواحد ميش غير يعيش فسعادة يكسب الآخرة
حبيت نقولك النقاط اللي ذكرتهم في أنا صح بصح كاينة نقطة منقدرش نديرها
و هي النقطة الأولى منقدرش منكرهش واحد أساء لي
و الله يا أخي عندي خمس سنين زواج و مزالو ناس يكرهوني و يضروني بصح منيش حاسبتهم قاع و موكلة عليهم العالي

djazia94 · 2012-07-06, 19:02

وش حبيت نقولك ياخويا مادام راك مستعرف بهاد الطبيعة معنتها تقدر تنحيها
اله ان شاء الله يصفي قلبك من الاحقاد ونزيد نقولك واحد المقولة ابتسامة المنهزم تفقد المنتصر لدة الفوز امالا لي يسيئ ليك ابتسم في وجهو وتشوف كيفاش هو يتغزل وانت تنسى وش دارلك

raboha · 2012-07-07, 10:29

أنا أخت و زوجة و أم لطفلة
و الله يا أخي منقدرش نبتسم ليهم و الله ظلموني و ضروني بزاف حتى في والديا
و الله ماني شادتلهم الحقد بصح من نهار ضروني حلفت عليهم و وكلت ربي عليهم و درتهم مهمش قاع عايشين فعالمنا
و راني عايشة حياتي الزوجية فسعادة

djazia94 · 2012-07-07, 11:02

نستعرف بيك يا اختي وربي يهنيك و يهديهم ان شاء الله بصح انا ننصحك تتقربي منهم وقابلي السيئة بالحسنة في خاطر زوجك باش ما يحسش بلي فرقتيه على اهلوا

raboha · 2012-07-07, 13:29

اقتباس:

المشاركة الأصلية كتبت بواسطة djazia94

نستعرف بيك يا اختي وربي يهنيك و يهديهم ان شاء الله بصح انا ننصحك تتقربي منهم وقابلي السيئة بالحسنة في خاطر زوجك باش ما يحسش بلي فرقتيه على اهلوا

ربي يخليك و إن شاء الله يهني كل الناس الطيبين
واش نقولك يا أخي زوجي شاهد على كلشي و علابالو بلي هوما الظالمين
و أهلو و الله ماني مفرقاتو عليهم بالعكس و الله و ربي شاهد عليا دايما نوصيه عليهم و متهلي فيهم و كيما يجيب لدارو يدي لدار أهلو
و إن شاء الله كيما قلت أنت ربي يهديهم و ربي وكيلهم
تحياتي و تقديري

مريم الصابرة · 2012-07-07, 13:46

السلام عليكم بارك الله فيك على الموضوع نحب نقولك رغم ظروفي الصحية القاسية وظروف مادية اقسى لكن ظانا بزاف سعيدة مع لمي ومرتاحة والحمد لله لأانو أغلب النصائح هذي انا نعمل بيها مهما يصرالي ديما نتبسم ونرفد راسي للسما ونقولو يا رب تلقايني مرات نتوجع ونضحك ويقولولي صحاباتي رانا حايرين فيك الضحك وديما فرحانة ورغم واش راكي تفوتي نقولهم معليش ولو نحزن واش راحا نربح بارك الله فيك الحياة ما تستاهل والو لازم نرضو ربي ونعيشو مرتاحين هذا برك شكرا

سفير الأيام · 2012-07-07, 16:17

بــــــــــــــــوركت على الطرح المميز نتمنى المزيد من إبداعاتك

djazia94 · 2012-07-07, 16:25

شكرا يا مريم الصابرة على المشاركة
واضح ان لك شخصية قوية
بوركت

djazia94 · 2012-07-08, 14:30

اقتباس:

المشاركة الأصلية كتبت بواسطة عدة بن سليم محمد

بــــــــــــــــوركت على الطرح المميز نتمنى المزيد من إبداعاتك

شكرا جزيلا

ghada91 · 2012-07-09, 00:24

و الله انا نسكت كثر مل نهدر

تعودت على هاذ الصفة

بصح بعض المرات ننجرح من طرف الاخرين

و ما نقدرش نرد عليهم

تقول لساني تخدر

بصح كي نروح للدار و نتفكر الموقف

نندم و نقول لوكان غير هدرت

djazia94 · 2012-07-09, 12:30

اقتباس:

المشاركة الأصلية كتبت بواسطة ghada91

و الله انا نسكت كثر مل نهدر

تعودت على هاذ الصفة

بصح بعض المرات ننجرح من طرف الاخرين

و ما نقدرش نرد عليهم

تقول لساني تخدر

بصح كي نروح للدار و نتفكر الموقف

نندم و نقول لوكان غير هدرت

صح الصمت منيح
بصحفي وقتو