تطبيقي لقلب اللوز اممممممممممممممم

*أم كوثر* · 2011-08-04, 13:39

السلام عليكم
بمنتدى جزائري امس دار حديث حول قلب اللوز و شفت بلي عدد كبير من العضوات جربوه و ما صلحش معاهم
الوصفة كانتنفسها لي شفتها في منتديات اخرى الا انو الجميع قالو ما صلحتش
ماكانش عندي مكوناتها و اهمها اللوزالا ان الفضول غلبني و خلاني جربتو و النتيجة رائعة فعلا و اليكم الصور تم المقادير

الف الف شكر اختي زاهانا
المقادير لصاحبة الوصفة الاصلية
نحتاج كيلو سميد خشن + رطل سكر ونخلط مليح نضيف كاس سمن بارد ودايب شوية بشويه يعني نبسه مليح رشم ملح نصف كوب ماء زهر ونواصل الخلط ليس العجن باطراف الاصابع ثن نرش بالماء تدريجيا تدريجيا تددريجيا مقدار نصف كاس اي -كاس نصه ماء ونصه ماء زهر -ونعجن للحظة فقط ثم نتركه يرتاح ساعة

في هده الاثناء نحضر السيرو رظل سكر في لتر ماء كي يعقد ننزعهمن النار ونضيفله قطرات ماء زهر

الحشو اختياري انا ندير 200 غ كوكاو او لوز مطحون مع شويةقرفة مع 120 غ سكر عادي
بعد الاستراحة ندير العجين في المول ثم نرش الحشو ثم الباقي تاع العجين و ممكت ما ديريش الحشوونشكل مقروضات
ندخلها الفرن -بعد ما ننقص عليه -مدة 40 دقيقة في الرف ماقبل الاخير حتى لا يبس و السر في ترك العجين يرتاح
بعد نضجها نعسله بنصف المقدار ونردها للفرن اللي طفيناه نخليا 5 دقائق ثم نخرجها نكمل السيرو الباقي ونتركها على الاقل 12 ساعة تتشرب واخي يخليها 24 ساعة باه يقطعها

ساجدة م · 2011-08-04, 13:50

بارك الله فيك اختي

شهد حنان · 2011-08-04, 13:51

ام كوثر انتي ما خليتيهش يبات

ولكن انا جربتو من قبل بلا ما يبات ما نجحليش

مي كي بات جاء مليح

شكرا لك

remadna · 2011-08-04, 14:13

يعطيك الصحة

allmaza · 2011-08-04, 14:30

انا نديرو هك بصح نبلو بالحليب و ندير الزبدة واوووووووو واش نقلك تحفة

*أم كوثر* · 2011-08-04, 14:39

تسلمو حبيباتي الف شكر

*شهد العسل* · 2011-08-04, 14:43

يعطيك الصحة يا الفحلة

رقية 24 · 2011-08-04, 14:45

جزاك الله خيرا باينة بنينة

*أم كوثر* · 2011-08-04, 14:53

صدقوني بنييينة تهبل و تماما كما لي تتباع و الوصفة من عند وحدة مختصة يعني مضمونة

*جوري* · 2011-08-04, 16:31

يعطيك الصحة أم كوثورة انتي و صاحبة الوصفة جاري التجريب

بشرى2008 · 2011-08-04, 16:43

أممممممممممممممممممممممممممممممممممممممممممم جاك هايل شهيتني

قطوفها دانية 2 · 2011-08-05, 11:48

سلام عليكم
اختي ام كوثر نتعبك شوية مافهتش الوصفة
معليش ديريلنا المقادير وحدها والطريقة وحدهاا
يعطيك الصحة

*أم كوثر* · 2011-08-05, 13:58

لا تعب و لا شيء اختي
المقادير
كيلو سميد خشين
500غ سكر عادي
كاس سمن دائب و بارد
كاس نصفه ماء ونصفه ماء زهر
ملح
نمزج السكر مع الدقيق تم نبسس يالسمن و نفرك بين الاصابع و نضيف الملح
نبل بالماء و ماء الزهر من جون ان نعجن الخليط و نخليه يرتاح انا تركته حوالي3 ساعات
ندهن صينية بالسمن و نرص الخليك و نقطعه و نطيبو
الشربات
500غ سكر
لتر ماء على النار مدة 10د خليه يبرد و اسقي بيه قلب اللوز
من الاحسن تبات و تقطع
اي سؤال انا في الخدمة

ام خيرو · 2011-08-05, 14:09

mebanada · 2011-08-05, 15:34

روعة
ان شاء الله في اقرب وقت نجربها