شوفولي حل مع الفور تاعي

فـرح · 2012-07-05, 10:11

السلام عليكم

بنات انا اشتريت فور موليناكس صنع فرنسي
لكن مشكلته مشكلة
يشعل من الفوق برك ولا يشعل من الفوق ومن التحت ونقدر نقص ونزيد درجات الحرارة كيما نحب
والعيد قرب كيفاه نطيب القاطو تاعي نخاف نشعلهم في زوج يتحرقلي
قولولي كيفاه ندير باه نطيب وقداه لازم من درجة حرارة باه يطيب القاطو مليح
الله يخليكم

نصيرة أمي الحبيبة · 2012-07-05, 15:54

نحبيتش نخرج بلا رد رغم اني مفهمتش كيفاش يشعل من فوق و لا من فوق وتحت يعني مع بعض و من تحت وحدو ميشعلش
انا نظن راكي غالطة شوفي بالك كاش قفلة غفلتي عليها
والا متقدريش طيبي فيه على خاطر يحرقلك القاطو من غير الصابلي تم تم يطيب وتقعدي تعسيه
والا فكرة خممت فيها اقلبي الفور ديالك هكدايولي يشعل من تحت هههه مجرد فكرة حبيبتي
بصح شوفي كاش ريقلاج و ان شاء الله تتحل المشكلة
واذا مكاش رجعيه لموله يقولك كيفاش يمشي

لينا11 · 2012-07-05, 16:22

شعلي من تحت كي يطيب
عودي شعلي من الفوق باش يتحمر

Best hope · 2012-07-05, 23:37

kima kalat LINA 11

فـــرح · 2012-07-05, 23:44

السلام عليكم
اظن ان مشكلتك هي ان فرنك اذا اشعلتيه من الفوق لايمكن اشعاله من الاسفل
واذا اشعلتيه من الاسفل لايمكن اشعاله من الفوق
اذا كان المشكل هو اخبركي اني ايضا وقعت في هذا المشكل لاني اشتريت فرنا يعمل بهذه الطريقة
ولايمكن تصحيح المشكل لانه في الكتيب الخاص به يقولون ممنوع اشعال في نفس الوقت

أم سراج الدين · 2012-07-06, 00:17

لا لا يا جماعة ما فهمتوش المخلوقة
قالت بلي الفرن تاعها يا اما يشعل من فوق
او انه يشعل من فوق و من تحت في آن واحد
يعني ما يشعلهاش من تحت برك طيب و ترجع تشعل من فوق
اختي نصيرة امي الحبيبة ضحكتني فكرة قلب الفرن ههههههههههههههه
اما يا سمية عزيزتي انا وحدة من الناس jamais خدمت بفرن يمشي هاك موالفا طيب من تحت و منبعد نحمر من فوق
donc يا تعاودي ترديه
يا تشوفي كيفاش يخدمو بيه
sur عنده طريقته