رولي الكفتة هااايل -من مطبخي-

[amel5]

السلام عليكم و صحا فطوووركم جميعا
ليوم ان شاء الله جايبة ليكم وصفة جديدة و ساهلة و بنييييييينة نتمى تعجبكم
تقدروا ديروها كطبق رئيسي و لا كمقبلة جنب الاكل
نحتاجوا ل-500غ كفتة-حبة بيض-حفنة شابلير لي هو خبز مرحي-معدنوس-2 سنات ثوم
ملح و فلفل لسود بالاضافة ل5حبات بيض مغليين


نعجنوا الكفتة ملييييح مليح و نحلوها فوق ورقة المنيوم مدهونة بالزيت و نديروا فوقها
البيضات بهاد الشكل


و نلفوا الكفتة على البيض باستعمال ورقة الالمنيوم حتى نتحصلوا على حربوش


نعاودوا نلفوا عليه الالمنيوم مليح ونحطوه في صينية و ندخلوه للفرن حتى يطيب
و لازم نبقاو مرة على مرة نقلبوه باش مايتحرقش

و هاهو واجد ...بصح لازم تخلوه يبرد مليييييييييح على الاقل ربع ساعة و ماديروش كيما انا وااااااااااعههه
كان قريب الادان و تقلقت و قسمته من الطرف و هو سخون على هادي تفتت و شكله ماجاش شباب
بصح كي يبرد تقدروا تقطعوه بسهولة و شكله رااااااااااائع ..


ايا صحا سحور الجميع
الى الملتقى

[ام قصي]

ابصحتك احنا انقولول طاجين ارخام او المدقوق اممممممممممممممممممم انموت اعليه

[ام ولي]

صحة سحورك اختي واحنا أيضاً نفس التسمية كما قالت ام قصي

[فرح العمر]

نفس التسميه و كاين تانى اللى يقولها عين السبانيولية

[sarra5]

ya3tik lsaha jak yhabel

[amel5]

شكراااا ليكم حبيباتي

[رضاك ياربي]

شكرا لكي حبيباتي

[zineb.alg.ziani]

llah ya3tiik sahaa khtiiii

[safioo]

يعطيكي الصحة
باين بنين

[nournour59]

جااااااك روعة ممممم يشهي

[darkangel]

يعطيك الصحة و بصحتكم

[منارة الوفاء]

شكررررررررررا على الوصفة بارك الله فيك

[ام صفوة 73]

الطبق هايل لكن كنتى تقدرى تعمليلو مرقة بيضاء خاثرة يولى طبق رئيسى

[ryma la cool]

يعتيك الصحة اختي باين بنين

[azade]

يعطيك الصحة أختى