ممكن نصيحة

[مشكلتي]

السلام عليكم اخوتي
انا عندي مشكلة مقلقتني و حاب نطرحها عليكم بالاك تقدرو تعاونوني
انا نقرى في الجامعة العام لي فات قرت معايا طفلة حسيت روحي انجذبت ليها بزاف و بقات ديما في بالي المهم حبيت نصارحها بصح سمعت بلي راهي تخطبت قبل ما نصارحها
الحق تمنيت ننساها لانها اختارت حياتها بعدت شوية و مع الوقت لقيت روحي رجعت نخمم فيها و ديما في بالي
كتبن ليها الاسبوع الفارط رسالة صارحتها و تمنيت ليها الهناء
فرحت كي شافتها بصح ماقالت والو
و زيد من وقت مديتلها الرسالة حسيتها حابة تزيد تتقرب مني
المهم خاوتي راني نبحث على حل واش ندير مالقيتش الحل واش رايكم

[فارس الجزائري]

السلام عليكم
خيرا إن شاء الله
أولا إن كانت مخطوبة أو هناك من تكلم عنها فعليك أن تبتعد لأنه لا يجوز خطبة على خطبة يا أخي
ثانيا نحن نقدر الحالة التي أنت فيها ولكن إعلم أن الذي يريد خيرا لا يرسل رسالات وبريات بل يدخل من الباب ويجيب معاه
الزغردات
لذا ننصحك أن تبتعد ولا تحاول التأثير عليها لا من قريب ولا من بعيد لا نظرات ولاهمسات ولا غمزات ولا ميساجات ولا وسيطات وإن كان الله قد قدر لك الزواج بها فستكون لك وإن كان قد قدر أن لا تكون فأعلم أنك مهما حاولت لن تكون لك
بالتوفيق إن شاء الله

[منهاج]

السلام عليكم

لي يحب حد يتمناله الخير انت اتمنالها الخير مع خطيبهاوانت اتكل على ربي وشوفلك من جهة اخرى وربي يرزقك

بنت الحلال ويهنيك

[نجمة ساطعة]

لا يجوز طبعا ... مخطوبة يا اخي ؟؟؟؟؟؟ و هي كيفاه تسمح لنفسها تفكر مجرد التفكير و هي مخطوبة

ربي يهدينا والله استغفر الله

[الوداع]

يمكنك تجاوز هذا الانجذاب والاهتمام بالفتاة فقط صمم وكن قائد نفسك

[aissam .3820]

عن ابن عمر رضي الله عنه أن النبي صلى الله عليه وسلم قال: «لا يَخْطُبْ الرَّجُل عَلَى خِطْبَةِ أَخِيهِ حَتَّى يَتْرُكَ الخَاطِبُ قَبْلَهُ، أَو يَأْذَنَ لَهُ الخَاطِبُ»،

وعن أبي هريرة أن النبي :

صلى الله عليه وسلم قال: «لا يَخْطُبُ الرَّجُلُ عَلَى خِطْبَةِ أَخِيهِ حَتَّى يَنْكِحَ أَو يَتْرُكَ».

[destiny]

السلام عليكم و رحمة اله تعالى و بركاته
كي سمعت بلي تخطبت لاه بعثتلها الرسالة
على الاقل كان لازم تتاكد

[amira chaba]

المشاركة الأصلية كتبت بواسطة فارس الجزائري

السلام عليكم

خيرا إن شاء الله
أولا إن كانت مخطوبة أو هناك من تكلم عنها فعليك أن تبتعد لأنه لا يجوز خطبة على خطبة يا أخي
ثانيا نحن نقدر الحالة التي أنت فيها ولكن إعلم أن الذي يريد خيرا لا يرسل رسالات وبريات بل يدخل من الباب ويجيب معاه
الزغرتات
لذا ننصحك أن تبتعد ولا تحاول التأثير عليها لا من قريب ولا من بعيد لا نظرات ولاهمسات ولا غمزات ولا ميساجات ولا وسيطات وإن كان الله قد قدر لك الزواج بها فستكون لك وإن كان قد قدر أن لا تكون فأعلم أنك مهما حاولت لن تكون لك
بالتوفيق إن شاء الله

رد مناسب و غريب
طبعا مكاش كلام من بعد هذا

[salimsalm]

البنت مخطوبة يا عمي انتهى الأمر

[lamismissa]

انا برايي تخليها هي تقرر واذا تحبك انت تلغي لخطبة تاحا كي تحكي لخطيبها و تقولو بلي هي تحبك ولازم تتزوج بيك انت وانت لازم تروح تطلب يدها من اهلها بشكل رسمي وفي اسرع وقت قبل ان تشوه سمعة البنت
ولكن اذا هي تحب خطيبها فنصيحتي ليك تخليها تعيش بساعادة وكذالك مالازمش تتصرف بانانية وتفرقهم على بعضاهم
موفق وربي يهنيك انت وهي مع بعض اذا كانت من نصيبك
نتمنى نكون افدتك

[لحن الفرح]

انت اخي عملت خطأ انك بعثتلها رسالة .
والخطأ الثاني انها شدتها عليك من المفروض مرت راجل لا تستلم رسائل من رجل غير خطيبها اي زوجها في المستقبل .
انساها احسن ، شغل وقتك بأمور مثل الرياضة النت ،
وايضا اخي حب ينسي في حب راح يرزقك الله ببنت الحلال وتحبها وتنساها الى الابد .

[رؤوف 1990]

خاوتي ملازمش نكونو قاسيين على صاحب الموضوع
هو ماقالش راني حاب نكون معاها و هي مخطوبة قال راني نحبها و احترت في الحل
الحل صعب جدا
انا نقولو لازم تبعد عليها باي طريقة و المكتوب راه عند ربي سبحانو
و خلى الايام هي لي ديرلك حل
ربي معاك خويا

[om soulef]

اخي الكريم حب من طرف واحد لا يكفي فيجب ان تسال جيدا اذا كانت مخطوبة او لا وبعدها الي فيه الخير ربي يجيبو

[أم الولدين]

يا اخي مادام انك على علم تخطبت كان الأجدر تبتعد اكثر و اكثر
مش تروح تراسلها و خصوصا إن كانت الفتاة على دراية بمشاعرك بها
ونعرف المرأة عاطفتها زيادة بدلك راك زدت الطين بلااا
ننصحك اخي الكريم تبتعد طريقها و تتمنى لها الهناء واكيد ربي راح يعطيك على حساب نيتك
وربي يهنيك انت الآخر بالي تستحقك

[ala eddine b]

بالتوفيق إن شاء الله