يا ربي الطف بينا

[milka40]

السلام عليكم إن شاء الله تكونو لباس علابالي واش راكم تحسو رانا كامل غير ربي اللي يعلم بينا
ااااااه و انا واش نقول هاذي المرة 5 اللي نعاود فيها و علابالي مراحش نجيبو باين على خدمتي ما تفرحش راهي غاضتني روحي بزاف كنت من احسن الطلبة و وليت اسواهم معلباليش واش صرالي غايضتني 5 سنين اللي راحت في باطل ما درت فيها والو ما درتش غير تكوين دارنا ما خلاونيش ظروفي غير ربي اللي يعلمها ميفوتش نهار ما نبكيش فيه كرهت حياتي وليت نتمنى الموت والله صدقوني وصلت لهاذ الدرجة وليت نكره نشوف الناس و خاصة صحاباتي كي يشوفوني يهدرو غير على القراية اذا جربت نهدر مع الجارة كيف كيف تلقى غير القراية تحكي فيها تعقدت و درك راني في طريق مظلم ما عندي حتى هدف في حياتي كلش كرهتو عمري 23 تقولو عشت قرن ما عندي حتى امل في هاذ الدنيا منين ندور مسكرة في وجهي دبرو عليا واش ندير قررت مانزيدش نعاود الباك مي ما عندي حتى فكرة نديرها
نحب ارائكم و دعواتكم ربي ينجحكم

[fatiha2012]

سلام أختي الكريمة
أختي عليك ان تحمدي الله الذي لا يحمد على شيء سواه
فمهما كان هذا قدره عز و جل
ثم تفاءلي خيرا لعل هاذ المرة يكون فيها الخير ان شاء الله
و اعلمي يا اختاه ان الصلاة و القرآن قد يخففان من حالك و اياك ان تقعي في الشرك و تتمناي الموت
أحكمي في ربي و ان شاء الله ما يخيبكش
ربي يجيب الخير ان شاء الله

[همس الحرية]

الله ينجحك وما توفبقب الا بالله

[souha619]

ما هذا التشاؤم ان شاء الله خير
اتمنى لك النجاح فيما ستقبلين عليه

[da3dou3]

اه يالاخت وش كاين ادى ؟ نورمال الا بيك على لقرايا وش درنا باها اني تخرجت ديت المستار 5 سنين فالجامعة و درك راني نبيع فالسوق خطرة قش خطرة خضرة وعلاه هاد التشائم انا والله راني نضحك و نزهى وحتي ساعات ندير عرس وحدي في راسي منحكيلكمش على لمبيونس كيفاه ههههههههه. اصبري يا الاخت احكمي في ربي و درك تفرج .

[nouha19]

السلام عليكم
ربي يكون معاك اختي نوصيك ختي ديري ثقة في روحك و في ربي أولا و ديري في بالك بلي العمر jamais كان عيب لانو الرسول صلي الله عليه و سلم بدأ الدعوة و عمرو فوق الربعين مالا روحي ديري الخير و ابداي بوالديك وتقربي من ربي وكثري الدعاء و ادا مانحتيش هدا العام لا قدر الله ديري في بالك بلي ربي ماشافش فيها خير برك و الدولة رادت لونساج ديري diplôme ف أي إختصاص يفيدك و يحافظ على تقاليد أسرتك كيما قلتي
و الله معاك و معانا كامل ان شاء الله ننجحوا

[محب الرياضيات]

اختي احمدي الله فمنهن من قرات حتى شابت هذي ماستار هذي دكتورة وعندما تحكم الخدمة يجي واحد يتزوجها ويمنعها من العمل



او انها لن تجد عملا اصلا ....وتبقى في البيت



هذا ربي راه عارف شراه يدير



احمدي الله على كل شيء واشكريه على حالتك


وان كانت هذه حالتك فما حالة المعوقين ...............ووووووووووووووووووووووووووووووووووو وووووووووو

[warda16]

المشاركة الأصلية كتبت بواسطة همس الحرية

الله ينجحك وما توفبقب الا بالله

ااااااااامين يا رب

[علي بن عايشة]

المشاركة الأصلية كتبت بواسطة milka40

السلام عليكم انشالله تكونو لباس علابالي واش راكم تحسو رانا كامل غير ربي اللي يعلم بينا
ااااااه و انا واش نقول هاذي المرة 5 اللي نعاود فيها و علابالي مراحش نجيبو باين على خدمتي ما تفرحش راهي غاضتني روحي بزاف كنت من احسن الطلبة و وليت اسواهم معلباليش واش صرالي غايضتني 5 سنين اللي راحت في باطل ما درت فيها والو ما درتش غير تكوين دارنا ما خلاونيش ظروفي غير ربي اللي يعلمها ميفوتش نهار ما نبكيش فيه كرهت حياتي وليت نتمنى الموت والله صدقوني وصلت لهاذ الدرجة وليت نكره نشوف الناس و خاصة صحاباتي كي يشوفوني يهدرو غير على القراية اذا جربت نهدر مع الجارة كيف كيف تلقى غير القراية تحكي فيها تعقدت و درك راني في طريق مظلم ما عندي حتى هدف في حياتي كلش كرهتو عمري 23 تقولو عشت قرن ما عندي حتى امل في هاذ الدنيا منين ندور مسكرة في وجهي دبرو عليا واش ندير قررت مانزيدش نعاود الباك مي ما عندي حتى فكرة نديرها
نحب ارائكم و دعواتكم ربي ينجحكم

يا اختي واش نقلك
خلي املك في الله كبير
عندي زوجة عمي 11 مرة تعاود الباك و في الاخير نجحت
و عندها ماشاء الله 5 اولاد وراها تروح تقرا في الجامعة و كل شي طبيعي - هذا بخصوص سنك -
متديري في بالك حتى شي

............................- اعتذر ان كان سؤالي تعدي على خصوصياتك -

[hamzagolf6]

...........................
اما الباك اذا ماجبتيهش ابقاي عاودي حتى تجيبيه وتنجحي وتدخلي لكاش معهد او مدرسة وتتعلمي ودير حرفة
انا ماعندي مادرت بالقراية الجامعة دخلتها في 1999 وخرجت في 2007 وصراحة مالقيت حتى خدمة بعد ماجوزت لارمي الا بريومبلوا نخلص 12 مية للشهر ومباعد بعد 5 اشهر جاني لمعلم وقالي جبنا في بلاصتك سعاد تنورلنا الشركة هههههههه الله لا يتربحو
وليت نخدم عند روحي والحمد لله بدات تتبسملي الدنيا قلت تتبسم برك ماضحكتش هههههه
وبون شونص