شورة حابة نخيطها عاونوني ربي يهنيكم

[رحاب الجنة]

[IMG][/IMG]

ربي يعيشكم خواتاتي اللي عندها معلومات على طريقة تفصيل شورات حابة نخيط 2 قعدات وتلفتلي القياسات كل ما نقيس مطرح ولا شورة نلقاها بزي مرة نلقى سطح المطرح الطول 190 ومرة 180 سم والعرض مرة 65 وفي نوع اخر نلقى 70 سم واش هو القياس الصحيح ؟ وشحال نخلي ارتفاع ادا كان ارتفاع المطرح لي حابة نديرو 25 سم ؟ من فضلكم ساعدوني الله يعطيكم واش تتمنوا راني مزيرة فالوقت وكتاني راه في شحال قاعد حتى تبهدل

[زائرة]

قوليلي تحوسي على المطرح اللي يجي فيه الصوف من الداخل؟؟

[رحاب الجنة]

سلام اختي ربي يعيشك ويعطيك واش تتمني . راني قاصدة المطرح العادي تاع البونج ارتفاعو 25 سم حبيت نعرف القياس كما راه فالرسم شكرا ليك

[manoula23]

ان شاء الله الاخوات يقدورا يفيدوك

[جيجلية]

اختي علاش راكي حايرة

على حساب الرسم كلش واضح

انت قيسي على المطرح اللي عندك والارتفاع زيدي قيس الخياطة وقيس ما تدخليه من تحت

اتوكلي على ربي وابداي تخيطي فيه او ساهل ماهل

فصلي اولا القطعة الاولى اللي هي قيس المطرح من فوق المستطيل اللي رسمتيه ثم قيسي المحيط وقصي الشريط بنفس القيس

[رحاب الجنة]

صياخ الخير . يعطيكم الصحة اختي جيجلية المشكل اني مزلت ماشريت المطارح حابة نخيطهم صطوندار يعني يجوني مع اي مطرح كما لي رانا نشروهم من الحانوت . راني حابة نكورج فيهم من بعد شوي الله يسهل كما جاو يجو ضيعت عليهم وقت بزاف. موالفة نخيط غلافات عاديين للدار ويجو ملاح مي هدو حابة نديرهم في جهازي هذا علاه مكورجتش. ميرسي حنونات سلااام