اخو اختي

عربية الهوية · 2012-06-17, 17:27

السلام عليكم
والله انا في مشكلة عويصة جدا
درك انا كي كنت صغيرة متراضعة مع وحدة وهي عندها اخ كبير عليها
يعني انا واخوها اخوة ولا لا
ومن صغري موالفة بيهم يعني نقولو دار وحدة
بصراحة وليت منروحلهمش ننحرج لانو اخوها الكبير متعود ملي كنت صغيرة يكسلي خدودي ويبوسني عادي
بصح درك راني كبرت موليتش نحب هاذ التصرفات وقتلو متعاودش قالي عادي رانا خاوة واش بيك معقدة
انا واخته متراضعين يعني اخوة
فهل يعتبر اخي هو ايضا ام لا
اجاوبوني راني قريب نهبل

soso sirin · 2012-06-17, 18:03

هي والله ماني متاكدة من الشي الي راني نقول فيه مي على حساب مانعرف نوغمالمو انتي اخت تاع الاخوة الي يكونو صغار على الطفلة الي تراضعتي معاها اما الكبار عليها نوغمالمو لالا والله اعلم. و ان شاء الله يفيدوك الاخوة باجابة دقيقة.تعرفي حنا تاني عندنا بنت بنت عمي ماما مرضعتها مع اختي الي كبيرة عليا نيشان مي في الدار خواتي الكبار و شايفينها اختهم

وديع 09 · 2012-06-17, 18:24

احذر ما يخرج عن الادب

لالالالالالالالالالا البوس حتي اخوك الشقيق صعب

انت نفسكتقولي كبرت

الله اعلم

عربية الهوية · 2012-06-17, 19:09

اختي لا يقبلني لكن بمعنى يكسلي خدودي ثم يقبل يده وانا حذرته لكن هو قالي خاوة نورمال مافيها والو
يعني اذا كان كيما راهي تقول الاخت سوسو حرام عليا بصح انا والله ما كان علابالي بلي مشي خويا غي كيما كبرت وليت نعرف

عربية الهوية · 2012-06-17, 19:10

اقتباس:

المشاركة الأصلية كتبت بواسطة وديع 09

احذر ما يخرج عن الادب

لالالالالالالالالالا البوس حتي اخوك الشقيق صعب

انت نفسكتقولي كبرت

الله اعلم

صحيح لكن انت لا تقبل اخوتك البنات ?????

hamzagolf6 · 2012-06-17, 19:16

اختي هذا ليس اخو اختكي بل اخوك انتي ايضا
نعم انتم قاع اخوة في بعضاكم وحرام عليهم وحرام عليكم يعني مكانش فيها زواج بيناتكم قاع
اما امر البوسة المباشرة لا يجوز واذا كان تسلام عادي مافيها والو راخو خوك عند ربي
واذا كان يكسلك خدودك انا نشوف فيها مافيها حتى احراج او شيء مثل هذا لذا انا اعتبرها عادي
على فكرة انا نسلم على الزميلات لي يقرو معايا وعادي جدا
واحد النهار تعرفت على فتاة في الفايسبوك عندما اجدها في الواقع اسلم عليها عادي

عربية الهوية · 2012-06-17, 19:23

يا اخي مشي واش راك تقصد هو انسان محترم وانا لا ارضى لنفسي بذلك احنا نتعاملو كالاخوة فقط اردت ان ارى انه من ناحية الشرع مافيها والو يعني
انا لا انكشف امامه بلا حجاب لكن هو يعاملني كيما اخواتو بالضبط

hamzagolf6 · 2012-06-17, 19:24

مدام هكذا عادي جدا

عربية الهوية · 2012-06-17, 19:28

متاكد اخي ??????لاني منيش حابة ندير حاجة منعرفش الحكم نتاعها في الشرع
الجهل ليس عذر

محمد جديدي التبسي · 2012-06-17, 19:33

أختي عربية الهوية هاذي لازمك تسألي واحد يعرف الحكم الشرعي للأمر يعني يلزمها فتوى ومش موضوع تاع آراء ووجهات نظر

أخي حمزة لا يجوز لك مس فتاة أجنبية عنك فما بالك تسلم عليها الأمر محرم أخي فحذار ولا تتهاون في الأمر

z.abdo · 2012-06-17, 19:34

السلام عليكم

من الاحسن اختي ان تضعي هذا الموضوع في قسم خاص بالنساء كذالك هذا موضوع يحتاج لفتوى واي واحد هنا ليس اهلا لها باش يفتيلك

لاني اراني لاحظت عبارت استعملت من بعض المشاركين نخجل من بعضنا لو نقراها مع بعض

تقلبو مروري