بسم الله الرحمن الرحيم **********
السلام عليكم ورحمة الله اخواني ..لان فلسطين بالقلب ولاني اعشق كل ماهو فلسطيني ..ولاني اشربت حبها وحب الاقصى الشريف ..اهديكم هذا الحوار الزجلي الفلسطيني الرائع ..
اليكم وبخاصة لاخواننا واخواتنا ابناء وبنات فلسطين الابية ..
عتابا ( غناء فلسطيني عريق ) حوار بين
زجَّاليْن اثنين ,,, والجمهور يصغي بكل جوارحه ,,,,
وهذا غالبا يكون في الاعراس الفلسطينية ,,, احببت ان اعرض نموذجا منها ,, وكلي امل ان تنال
اعجابكم ,,, ارجو ان تستمتعوا ,, باللهجة الفلسطينية المحلية ,,,,,
عَتابَا فلسطينية (زَجَلْ شعْبي)*********
هوى فلسطينْ يا حِبابي برُدِّ الرُّوحْ
من عهدْ آدمْ ومنْ بعدْ نبينَا نوحْ
نِبْكي فِلسْطين ْ بدمِعْنَا وُّنوحْ
ياربْ وحِّدْ باسْم الدين ْ لِجْيوش ِ العَرَبْ
********
ياريتْ هذا الوَطنْ يسْعَدْ ويا ريتْ
ونْعيشْ جُوَّى الوَطنْ بافراحْ وَزغاريتْ
لا تخلُّوا لِيل ِ الوطنْ جنُّ وعَفاريتْ
عُودُوا نَشامَى العِزْ اصحابْ ونسبْ
********
يا ليل ِ الجَفا ملِّيتْ القلوبْ اجْروحْ
وخلِّيت اَهل ِ الهَوَى فِي الهُيام ِ تْرُوحْ
يا ليلْ حرامْ يظلْ فِي الوَطنْ مجْروحْ
ويبقى حُزنَّا دائمْ عالِبْوابْ
*********
شُهدَا بلادِي ودَّعوا الاوْطانْ بالدَّمْ
شَافوا القضِيِِّة مْسَلَّمِة بايدِينْ مُعْدَمْ
قالُوا بَخِيل الوطنْ بُكْرَا بينْدَمْ
لمَّا يشوفْ الوَطنْ يتْقسَّمْ وينبَاعْ
********
شُفتْ بمنامِي خيولْ فرسَانْ
بتسدْ الفضَا و قدَّامْهَا عِرْسَانْ
سألْتْ الحاضرينْ منينْ هالرسانْ
قالوا خيولْ الفتحْ للاقصَى الطَّلَبْ
********
لما ينادِي الوطن ْ يا حاميين الدَّارْ
لعيونْ ارْض الوطنْ نطَّلَّع ْ وننْدارْ
يا اخِي بكفِّي مذلِّة والشَّعْبْ هدَّارْ
ما يهابْ يومْ الرَّدَى والمَرْجَلِة تِنْهَابْ
********
فلسْطينْ قلْعَة ْ عِشِقْ وجيوشْهَا حُجَّاجْ
لاهي كازينو قمَارْ ولا هي حظيرة ْ جَاجْ
فلسطينْ نبْضْ العَربْ ومرَبَّطَة برجَّاجْ
لوْ صاحْ ابن ِ القدِسْ لتْرَجْرَجَتْ لِجْنابْ
********
هذي قضايَا أمة ِ الاسْلام ْ بالنَّصْ
كِتابْ وسُنَّة ِ المرْسُول ْ بتْنُصْ
اذا الصَّيادْ ما حَط ْ الهدفْ بالنُّصْ
بضيع ِ الصَّيْدْ ويظلِّ العَتَبْ
********
يا شايفْ همَّة ِ الابْطالْ بتْعِدْ
ترَى الدنيا بما في الارض ْ بتْعِدْ
رجالك في الوَغى عَالخِيلْ بتْعِدْ
لا تهمَلْ هَمْ فِي رجَالُ وشبَابْ
********
يا زائر ْ ارضْنَا وبيدك ْ عَلَمِينْ
وانت ْ حامِلْهَا وبتضْحكْ على مينْ
لوْ رجعَتْ بُكْرَة حرْبْ العَلَمِينْ
بظلْ العلمْ واحدْ لِحْبابْ واصْحَابْ
*********
كتبْنا اسْم ْ فِلسْطِينْ عَ قلوبْنَا بقلامْ
لا يُمْكِنْ تبْقى اَسيرَة بصَحْوة ِ الاسْلامْ
يا شايلْ هَم ِّ الوطن ْ والدينْ اِسْلامْ
بُكْرَة بعودْ العِزْ لاوْطان ْ العَربْ
*********
يا حامل ْ رايَة التوْحيدْ بالدِّينْ
قدَّامَك ازْلامْ للاعْداءْ بالدِّينْ
حزين ْ البقرضْ الامْوال ْ بالدِّينْ
وبخلِّي جيبتُه عَرْضُ وطلَبْ
**********
يا قارئ محْكَمْ التنزيلْ بالآيْ
سَألتكْ بخالِق الصلصالْ والمايْ
بجوزْ نشَيِّخْ للخليلْ زلمَايْ
وعِنَّا كتابْنَا عـــِــــــــزّ الطلَبْ
********
رايحْ عالتفاوضْ بلا سيف ْ بتْهتْ
يالْسيفكْ خشبْ على الناسْ شتْهتْ
نازلْ معْركِة باسْلاحْ هِتْهتْ
نتيجة فاضْحَة وحِلْمَك ْ عَجَبْ
********
اخوكم ومحبكم في الله بلال
( تقرير عن مشاركة سيئة )، و الموجودة أسفل كل مشاركة .
2009-01-30, 20:58
عتابا ( زجل فلسطيني عريق )
العرض العادي
