إسـتـغاثة يـائـسهه

[أحلام أمّة]

السلام عليكم

وشراكم لاباس ؟

سأدخل في الموضوع مباشرة

انا هاد العام أول مرة نعقب الباك

انا كنت نجيب معدلي 15 و 14

و السنة جبت 14 و فصل ثاني 13

لفصل الثاني طحت خلاص و ما قريت والو

و ضكا راني حايرة و يئست خلاص

اليوم 11 ماي

و انا شريعة ما حفظ حتى درس < يعني 0 فيها

الإجتماعيات : تاريخ ما كملتوش

و جغرافيا مازال ما قستهاش < 0 فيها تاني

رياضيات دوال العددية و المتتاليات مانيش قاوية فيهم بزااااف

و الهندسة فلفضاء و لاعداد المركبة لا علاقة ماني فاهمة فيهم والو

و الدروس لاخيرة تاع الحساب التكاملي و الدوال الاصلية ماحضرتش الدرس فلقسم و فليكور

تسما ما علاباليش علواه يهدرو

الفيزيا ما نهدروش , شوي النووي و المتابعة الزمنية برك

اما الباقي و خاصة لاحماض و لاسس و لميكانيك و كهرباااء

العلوم فاهمة شوي دروس و لكن كي نبدا نحل تمارين ما نلقاش روحي و ما نعرفش نحل

و تاني الدروس لاخيرة تاع التنفس و التخمر ما حضرتهمش فليكور و فلقسم يعني تاني ماعلاباليش علاواه يهدرو

المواد تاع اللغات لحد الآن مازال ما حليتش ولو موضوع واحد منهم

اما فلسفه ما نهدروش عليها ماعلاباليش مامبا علاواه تهدر

أنا أعترف اني كنت مهملة طول السنة و ما قريتش

و لكني الآن نصف يقول بلي نقدر و كون نبدا نقدر نكمل قبل الباك

و نصف يقولي نو ما نقدرش في شهر نكمل كولش و لازم تكون عندي خبرة في التمارين ميش غير الدروس

راني تااااايهه

حاسة روحي ما نقدرش ندي لباك

مع اني كنت نحلم بمعدل 15 و 16

أرجوكم ساعدوني : ((((

[البريئة]

اكيد حبيبتي باشري من الان

[fethi2009]

سبحآن الله ، نفس حالتي الي راني نمر بيها حاليا

[أحلام أمّة]

المشاركة الأصلية كتبت بواسطة البريئة

اكيد حبيبتي باشري من الان

مشكلتي اني مالقيتش منين نبداها

مانيش عارفة كيفاش نقرا و باه نبدا ووش ندير

[حنين15]

matat9al9iche hanonti ...rah kaml 3adna prob mais norm na9adro ntjawzohom
en+
hawli tabday t9ray win wsalti hadak hooooo

[البريئة]

المشاركة الأصلية كتبت بواسطة louloukh

مشكلتي اني مالقيتش منين نبداها

مانيش عارفة كيفاش نقرا و باه نبدا ووش ندير

كي راكي تقولي هكا هيا لي راكي تهبطي في المورال روحك روحي زدمي لي سبتيها قدامك مادة ادبية و لا علمية و ليوم رانا سهرانين جيبيها حتى للخمسا لازم تكملي كاش وحدة و لا زوج

[Just.Girl~]

مرحبـأ
نفس حالتي اختيـ
مي مانكدبش عليك انا راني مسلكة شي صوالح
انا العكس طوال العام كنت نقرى ودرك رادي داخلتها رقاد كونيكسيون وقاتلي غير تخمام
انا الفصول قاع ماديتهاش فيهم نورمال الصج الباك
ادا حبيتي ختي نبداو في رحبا ومن جديد ودرك ؟

[أحلام أمّة]

المشاركة الأصلية كتبت بواسطة just.girl~

مرحبـأ
نفس حالتي اختيـ
مي مانكدبش عليك انا راني مسلكة شي صوالح
انا العكس طوال العام كنت نقرى ودرك رادي داخلتها رقاد كونيكسيون وقاتلي غير تخمام
انا الفصول قاع ماديتهاش فيهم نورمال الصج الباك
ادا حبيتي ختي نبداو في رحبا ومن جديد ودرك ؟

اكيد انا حابا نبدا و نقرا و انا مرتاحة و لكن صدقيني مارانيش عارفة منين نبداها

المشاركة الأصلية كتبت بواسطة البريئة

كي راكي تقولي هكا هيا لي راكي تهبطي في المورال روحك روحي زدمي لي سبتيها قدامك مادة ادبية و لا علمية و ليوم رانا سهرانين جيبيها حتى للخمسا لازم تكملي كاش وحدة و لا زوج

دايما نسهر و نحاول و لكن لما نججي حنشوف حصيلة وش درت ما نلقا والو

نلقاو وقتي كامل ضاع فتخمام و لا فحاجة واعرة حصلت فيها

لضك ما كملت حتى مادة

المشاركة الأصلية كتبت بواسطة حنين15

matat9al9iche hanonti ...rah kaml 3adna prob mais norm na9adro ntjawzohom
en+
hawli tabday t9ray win wsalti hadak hooooo

مغسي حبيبتي على التشجيع♥

المشاركة الأصلية كتبت بواسطة fethi2009

سبحآن الله ، نفس حالتي الي راني نمر بيها حاليا

ربي يعيننا أخي و يوفقنا : ))

[bac2015sin]

قصة منقولة من فيس بوك الاستاذ نور الدين.................................. .........................................بسم الله و الصلاة و السلام على رسول الله صلى الله عليه و سلم أما بعد أحيي إخواني و أخواتي بتحية الإسلام و تحية الإسلام السلام فالسلام عليكم و رحمة الله تعالى و بركاته
معكم أخوكم أنور وناس من مدينة بوفاريك ولاية البليدة و أحببت أن أشارككم قصتي خاصة في هذا الوقت من السنة
في العام الماضي من السنة و تقريبا مثل هذا الوقت أي لم يتبقى للإمتحان سوى 27 يوم كنت لا أفقه شيء و انا خائف جدا من البكالوريا في سنة دراسية كاملة لم أكن أدرس بل كنت ألعب و ألهو فقط و الكل يشهد على ذلك حتى أنني كنت أقضي من الوقت في الحاسوب أكثر من الدراسة حتى أتذكر أن الأستاذ نور الدين اتصل بي على ال***** " كنت فاتح ال***** 24/24 ساعة هههه) قال لي : يا بني أنور كم بقي للإمتحان فقلت : نقول تقريبا شهر , قال لي : هذه المدة كافية جدا لتدرس فيها و تنجح , فقلت : عام كامل لم أدرس . قال : اصمت و اتبع ما أقول لك , إذهب الأن و لا تدخل إلى الأنترنيت حتى تنهي هذه الفيديوهات و أعطاني حوالي 6 فيديوهات , أصغيت له , توقفت في تلك اللحظة من الانترنيت و جلبت قلما و كراسا و بدت أتابع الفيديوهات حتى أكملتها و هضمتها , عدت له قال لي شاهد هذه ايضا , فكنت أتبع ما يقول بالحرف حتى في المواد الأخرى زادت الإرادة و احسست أنني قادر على المواجهة , أتى اليوم المصيري و حتى أخر رمق مازالت أشاهد الفيديوهات "5صباحا يوم اجراء امتحان الريضيات " , انهيت المهمة ذخل رمضان و انا انتظر النتيجة بأحر من الجمر ,
.
.
و كانت النتيجة أنور وناس مبروك 14.51 بتقدير جيد , لم أصدق و الله طرت من الفرح ,و بدات دموع الفرحة "اللهم أذقهم منها " مباشرة دخلت و أخبرت الأستاذ نور الدين فكانت فرحته لا توصف أذكر أنه بشر بملود في ذلك اليوم "أخي يوسف حفظه الله " , بعدها ظهرت النتائج و تحصلت على 18.5 في الرياضيات و الله لم أتحصل على علامة في الرياضيات تفوق العشرة منذ السنة الثانية ثانوي أي 6 فصول و تحصلت عليها في البكالوريا
العبرة من هذه القصة يا إخوتي و أخواتي أنه لا يوجد شيء إسمه مستحيل و تيأس و تقول فات الأوان و الله يمكنك فعل المستحيل بالإرادة و لديك مزايا لأنك تشاهد فيديوهات الأستاذ نور الدين أكثر من 1000 فيديو في عامنا كان 300 فقط , أنا أتمنى لكم النجاح جميعا توكلوا على الله و ابدؤا في صناعة شخصيتكم من الأن و اصنعوا الإرادة التي لا يمكن تحطيمها .
بارك الله فيك الأستاذ نور الدين و أطال عمره و رزقه من كل ما تمنى و حشره مع الصديقين والشهداء و جعلنا معه و مع نبينا في الفردوس الأعلى.
كان معكم أخوكم في الله أنور وناس نصيحة من القلب لا تيأسوا وواصلوا التقدم

[Ļâ Přiňcĕsŝė]

اختي راه مزال 27يوم على ما اظن المهم دك متخمي لا في المعدل لا والو خمي بلي لالالازم لازم تنجحي برك اوكي باه نقولك يكفيك الوقت شوي صعيبة مي نقدر نقولك بلي تقدري تنجحي و تفرحي و تفرحي والديك من للباك اقراي صباح وليل مدة نومك في الليل خليها خمس ساعات و في القيلولة ساعة يعني في النهار ديري تقراي اربع مواد مادتين علميتين و مادتين ادبيتين الصباح نوظي بكري احفظي الشريعة مثلا مهم تكون مادة حفظ بعدها اقراي مادة علميو و من احسن تعاودي اول حاجة الوحدات لي عندك فكرة عليهم و تحلي فيهم خمس تمارين تكون مي الباكالوريات و بعدها اقراي مادة ادبية يوم ادب و يوم فرنسيو ويوم انجليزية اقراي فيهم قراءة خفيفة للقواعد ثم حلي سوجي يكون مة الباكالوريا و بعدها اقراي مادة علمية اخرى يعني لازم تقراي اربع مواد في اليوم باه تدي كل مادة شوي راني قتلك ذك المهم انك تنجحي و تجيبي الباك وتفرحي لانو الرسوب في البكالويا صعب صعب صعب جدااااااا لازم تبذلي كل جهودك مبقاش وقت بزاف اقراي بكل ثقة في نفسك و في قدوراتك وادعي ربي من كل قلبك و ان شاء الله يكون النجاح حليفناااا و متياسيش و متستسلميييش اتعبي و ديري لي عليك و خلي الباقي على ربي صبحانو نتمنى النجاح للجميع و نتمنى الفرحة و الزغاريت تعم كل المنازل الجزائرية ان شاء الله اخدمي على جال هذي اللحظة برك و ادعيلي اختي معاك بالتوفيق

[sbmwhadz]

لعل في الامر خيرا
اولا بداية من 12ماي وهو الغد
قسمي يومك بحيث فيه قسم أكبر لمواد علمية و اقل للمواد الادبية
العلوم حاولي الاعتماد على اهم ما في الدرس من نتائج و خلاصات و نصوص علمية فقط
وحاولي تتبع منهيجة الاجابة
الفيزياء : كهرباء و ميكانيك حاولي تحفظي القوانين من خلال تطبيقهم في التمارين
كيمياء : قوانين قليلة يمكن استدراكها في بضع ايام
الرياضيات اعتمدي على البكالوريات السابقة مؤقتا وا\ا شفتي عندك مشكل كاين قناة الاستاذ نورالدين تعاون بزاف في اليوتوب
باقي المواد حاولي ان تعتمدي على الفهم
كل هذا لتحضير اكبر جزء ممكن قبل الباكلوريا التجريبي بعدها تعرفين بنسبة كبيرة مكمن الخلل وطريقةة المعالجة السريعة
حاولي تحضري للباك التجريبي في الايام الباقية لان هذا سيشكل لك حافزا للتحضير الجيد
ووفقنا الله واياك

[the best h]

ليزال امامك متسع من الوقت لتتداركي ما فاتك جددي همتك و ثقي بنفسك
فلا وجود للمستحيل
موفقة باذن الله

[zahrateddine]

سبحان الله مام انا نفس حالتك واش رايك نبداو من الغد و نتحداو بعضانا بشا نحفزو بعضانا

[أحلام أمّة]

المشاركة الأصلية كتبت بواسطة bac2015sin

قصة منقولة من فيس بوك الاستاذ نور الدين.................................. .........................................بسم الله و الصلاة و السلام على رسول الله صلى الله عليه و سلم أما بعد أحيي إخواني و أخواتي بتحية الإسلام و تحية الإسلام السلام فالسلام عليكم و رحمة الله تعالى و بركاته
معكم أخوكم أنور وناس من مدينة بوفاريك ولاية البليدة و أحببت أن أشارككم قصتي خاصة في هذا الوقت من السنة
في العام الماضي من السنة و تقريبا مثل هذا الوقت أي لم يتبقى للإمتحان سوى 27 يوم كنت لا أفقه شيء و انا خائف جدا من البكالوريا في سنة دراسية كاملة لم أكن أدرس بل كنت ألعب و ألهو فقط و الكل يشهد على ذلك حتى أنني كنت أقضي من الوقت في الحاسوب أكثر من الدراسة حتى أتذكر أن الأستاذ نور الدين اتصل بي على ال***** " كنت فاتح ال***** 24/24 ساعة هههه) قال لي : يا بني أنور كم بقي للإمتحان فقلت : نقول تقريبا شهر , قال لي : هذه المدة كافية جدا لتدرس فيها و تنجح , فقلت : عام كامل لم أدرس . قال : اصمت و اتبع ما أقول لك , إذهب الأن و لا تدخل إلى الأنترنيت حتى تنهي هذه الفيديوهات و أعطاني حوالي 6 فيديوهات , أصغيت له , توقفت في تلك اللحظة من الانترنيت و جلبت قلما و كراسا و بدت أتابع الفيديوهات حتى أكملتها و هضمتها , عدت له قال لي شاهد هذه ايضا , فكنت أتبع ما يقول بالحرف حتى في المواد الأخرى زادت الإرادة و احسست أنني قادر على المواجهة , أتى اليوم المصيري و حتى أخر رمق مازالت أشاهد الفيديوهات "5صباحا يوم اجراء امتحان الريضيات " , انهيت المهمة ذخل رمضان و انا انتظر النتيجة بأحر من الجمر ,
.
.
و كانت النتيجة أنور وناس مبروك 14.51 بتقدير جيد , لم أصدق و الله طرت من الفرح ,و بدات دموع الفرحة "اللهم أذقهم منها " مباشرة دخلت و أخبرت الأستاذ نور الدين فكانت فرحته لا توصف أذكر أنه بشر بملود في ذلك اليوم "أخي يوسف حفظه الله " , بعدها ظهرت النتائج و تحصلت على 18.5 في الرياضيات و الله لم أتحصل على علامة في الرياضيات تفوق العشرة منذ السنة الثانية ثانوي أي 6 فصول و تحصلت عليها في البكالوريا
العبرة من هذه القصة يا إخوتي و أخواتي أنه لا يوجد شيء إسمه مستحيل و تيأس و تقول فات الأوان و الله يمكنك فعل المستحيل بالإرادة و لديك مزايا لأنك تشاهد فيديوهات الأستاذ نور الدين أكثر من 1000 فيديو في عامنا كان 300 فقط , أنا أتمنى لكم النجاح جميعا توكلوا على الله و ابدؤا في صناعة شخصيتكم من الأن و اصنعوا الإرادة التي لا يمكن تحطيمها .
بارك الله فيك الأستاذ نور الدين و أطال عمره و رزقه من كل ما تمنى و حشره مع الصديقين والشهداء و جعلنا معه و مع نبينا في الفردوس الأعلى.
كان معكم أخوكم في الله أنور وناس نصيحة من القلب لا تيأسوا وواصلوا التقدم

نعم لكن هذا على الأقل وجد من يدعمه و يشجعه و يقف بجانبه في كل خطوة يخطوها

اسمعني يا اخي ظروف الانسان تختلف

و لكن هناك شيء وااحد يجعل الانسان ينكسر مهما كان

و هو الوحدة , ان تفتقد الاهتمام و تفتقد المراجعة الجماعية و تفتقد حتى السؤال

صدقني الوحدة تجعل الانسان فاشلا

[Ļâ Přiňcĕsŝė]

ايه اختي نسيت الفلسفة يعني الفلسفة والله مشكل انتي ذك مكانش وقت باه تقرايها من الاول رايحة تضيعلك وقتك بزاااااف بكل صراحة املا انتي في البكالوريا ديري تحليل نص احسن حاجة اتعلمي منهجية تاعو مليييح مليح و اقراي دروس كمطالعة فقط باه تكون عندك فكرة و فقط هذا رايي الخاص وانتي شوفي الحاجة لي تساعدك وبالتوفيق