محجوبة بسكرية حاااارة من مطبخي لعيون ام سدرة

اريج 07 · 2016-04-30, 23:03

السلام عليكم ورحمة الله
اولا نبدا باسم الله
هذا اول موضوع ليا و مع انو انا بسكرية حبيت نحطلكم حاجة بسكريو و اليوم خيرتلكم المحاجب امممم
اولا نحضروا العجين لي هو عبارة على سميد نعجنوه مليييييح و كي يعود يطرطق تحت يديك و ارطب ضفيلوا الملح و ما تخليهش طري ياسر و لازم يكون معجون ملييييح مليييح باه ميقطعش ok
و مبعد لوزوه صغير و نديرو زوج فوق بعض و نخليه يريح

و مبعد نوجدوا الحشوة
قطعي البصل رقيق بزاف من الاحسن ديريه بيدك ماشي في الروبو pcq يطلق الماء بزاف و نرابي 2 حبات طماطم و نضيف 2ملاعق طماطم العلب و ملعقة فلفل احمر حاااااااااار و نص ملعقة راس الحانوت و نص ملعقة ملح و فلفل مقطع رقيق كيما تحبو و الدرفلو(البوفجوخ) ان امكن و نخلطو كلشي ني في ني يعني مانطيبو والو ok

و مبعد مانكملو كلشي نجي لطريقة التحضير هي صح صعيبة مي بالارادة تقدري ديري كلشي حنا في البسكرة و عاد القليل لي مزالو يديرو هاذي الطرية مي انا لوكان ماتكونش هاكا مانكلهاش ههههه
نبداو بسم الله نحلو هداك العجين لي هوما زوج فوق بعض نحلو زوج يعني هوما 4لوزات و كل زوج فوق بعداهم

و مبعد نحط الحشوة في وحدة و لخرى نرفدها و نغطي بيها لخرى كما فب الصورة

و مبعد نرفدها على يدي و نفتحها بيدي لخرى كيما نديرو في الرقاق(الشخشوخه هههه راني تعلمتها طاطاتي ام تاجو) و نحطها فوق الطاوة و كي تنشف من تحت نقلبها و نطيبها مليح
الصور توضح اكثر

و كي طيب نقسموها على 4

و بصحتكم حبيباتي ياريت تكونو فهمتوا الطريقة و تجربوها راني نسنى في تطبيقاتكم طاطاتي ليزاتي ام سدرة و الجميع
دعوة خير تكفيني سلااااام

ام هدول · 2016-04-30, 23:09

اممممممممممممممممممممممم نموت على المحجوبة بصج ماش حارة بزاف هههههههههههه
يعطيك الصحة ..يالفحلة ...باينة بنينة..فقط الطريقة تختلف من ولاية لاخرى

اريج 07 · 2016-04-30, 23:13

اقتباس:

المشاركة الأصلية كتبت بواسطة ام هدول

اممممممممممممممممممممممم نموت على المحجوبة بصج ماش حارة بزاف هههههههههههه
يعطيك الصحة ..يالفحلة ...باينة بنينة..فقط الطريقة تختلف من ولاية لاخرى

والله فرحتيني بطلتك البهية ايه بلادنا كبيرة و فيها طبخات بزاف

ام نوردين · 2016-04-30, 23:44

يعطيك الصحة محجوبة وعليها الكلام شهاتنى بارك الله فيك

أ م ساجد وسيم · 2016-05-01, 00:10

راه يشهي وطريقة مختلفة بصح ريحته لحقت حتى لعندي شطورة الله يبارك خموس عليك

أم سدرة · 2016-05-01, 06:12

ياعمري ياعمري يعطيك الصحة يالزينة ان شاء الله نحاول نجربها
ربي يعطيك ماتتمناي

ام نور78 · 2016-05-01, 07:57

الله يبارك اختي راهي تشهي ربي يخليلك ذوك اليدين

الجمان · 2016-05-01, 09:17

امممممممممممممم يعطيك الصحة

x ام رحاب x · 2016-05-01, 09:20

تسلم ايدك باينة بنينة وحارة اممممممممممممممممممممم

اريج 07 · 2016-05-01, 09:39

شكرا لمروركن نورتوا الموضوع

أم محمد تاج · 2016-05-01, 09:42

باعدووو لي مايحبووش الحاار مايدخلووووش هههههه
آي قلبي الصغييير لا يتحمل
يعطيك الصحة حبيبة الطاطا روووعة رووعة روووعة يالفحلة وانتظري تطبيقي في اقرب فرصة

اريج 07 · 2016-05-01, 09:50

اقتباس:

المشاركة الأصلية كتبت بواسطة أم محمد تاج

باعدووو لي مايحبووش الحاار مايدخلووووش هههههه
آي قلبي الصغييير لا يتحمل
يعطيك الصحة حبيبة الطاطا روووعة رووعة روووعة يالفحلة وانتظري تطبيقي في اقرب فرصة

ههههه قتلتيني بالضحك طاطاتي ربي يخليك و راني نسنى التطبيق هههه نحبك طاطاتي