الاستخلاف والادماج

.sabrina. · 2013-10-06, 14:53

السلاااااااام عليكم اخوتي من فضلكم فهموني راني حرت
هل من الممكن اني ندير ادماج مع استخلاف
انا حابة ندير ادماج وقالولي كاين عند الخاص فقط
وهذا المستخدم الي رايح يسنيلي قلي ما نحتاجكش كل ايام الاسبوع
حابة فالوقت الفارغ ندير استخلاف هل هذا ممكن
كاين الي قالولي والو متقدريش ديري ادماج مع استخلاف
من فضلكم الي حصلتلو من قبل يفهمني
وربي يجازيكم كل خير
ايه حبيت ثاني نعرف الاستخلاف مش تابع للادماج ولا للعقود
اذن لواش تابع ?????????
راني حاااااااااااااااااااااااااااااااايرة
في انتظار ردودكم تقبلو مني فائق التقدير والاحترام

Mahboub_222 · 2013-10-06, 17:31

سمحيلي اختي و الله ماني فاهم واش راكي تقولي و اصلا نو حد راح غاد يفهم ..واش راكي تقصدي بادماج و استخلاف...ادماج خاص بعقود ما قبل التشغيل و اصلا الكلمة ..تعني عقود الادماج المهني ...يعني لانام ...و البعض الاخر يعني بها ..الترسام يعني توتولار و لكن الاصل في الكلمة تعني عقد لانام ...اما الاستخلاف فهو موجود في قطاع اتربية فقط...و نظام الاستخلاف يعني توظيف مؤقت فقط و المدرس يتقضى الراتب عادي مثله مثل المرسم كما تقولوا...و لكن عقد عمل ممكن يكون فيه 15 يوم فقط...اسف للتوضيح فقط

.sabrina. · 2013-10-06, 19:45

السلام عليكم شكرا اخي على توضيح
انا نحكي على ادماج لانام عند القطاع الخاص
انا حابة ندير ادماج لانام عند pharmacie وهو قلي ما تحضريش كل يوم عطالي ايام فقط في الاسبوع نخدم
وفي نفس الوقت كاين استخلاف في مدرسة ابتدائية مدة قصيرة فقط
يعني كل واحد وحدو
وحابة نعرف نقدر ندير استخلاف وانا دايرة ادماج
ولا ممنوع
ان شاء الله تفهموني
انا صح ماني فاهمة والو
ربي يجازيكم كل خير

cactus15 · 2013-10-06, 20:27

أختي الفاضلة أولا الاستخلاف تابع لقطاع التربية و التعليم أما الإدماج المهني فهو تابع لقطاع الشغل كل واحد تابع لوزارة وحدها و نظن بلي متقدريش تخدمي استخلاف مع عقود أنا هذه مازال مشفتهاش و إن شاء الله تكوني فهمتي

djemaldj · 2013-10-06, 21:45

لا يمكن يجب ان تختار بين الادماج او الاستخلاف

.sabrina. · 2013-10-06, 21:49

مشكورين الله يجازيكم كل خير

dadi12dadi · 2013-10-07, 18:19

كل شئ ممكن في هذه البلاد عادي تقدري

Mahboub_222 · 2013-10-07, 19:39

اه الان فهمنا لا يمكنك ذلك يعني لا يجب الدمج بينهما ..اختاري لانام او الاستخلاف ...لانو اذا درتهم في اثيين ..يوجدك انك مصرحة في الكناس ..مرتين ..يعني الى مشيتي لانام و بعدين روحتي للمؤسسة رايحين يفيقولك في الضمان الاجتماعي لا يمكنك الدمج بين وظيفتين..انصحك ان تختاري الاستخلاف...