كل اللي تعاملو مع لارا اجمع للاهمية بلييييييز

متجر لارا · 2012-09-06, 17:04

السلام عليكم
لبنات كل اللي طلبو مني وعرفوني في متجر لارا
حبيت نقولك اني اتاخرت في ارسال الطلبية
لاني للاسف واجهت مشاكل في ارسالها والعدد اللي كان في بالي مستحيل نبعتو كطرد واحد لانه اكيد رح يتصادر من الجمارك الجزائرية
للاسف مواجهناش هادا المشكل في السعودية ولا مصر دايما نبعتو منهم واليهم بصح مكانش مشكل
انا فكرت نبعت على دفعات باش الجمارك ماتفيقش بصح صدقوني هاكدا راني رايحة نخسر لان الشحن هنا مرتفع والزيوت توزن يعني كل دفعة راح تكلفني بزاف ثمن الشحن وماشي لوكان نبعت كلو مع بعض
انا والله رحت شريت البضاعة وراهي عندي في البيت لكن معرفتش كيفاش ندير رحت حاولت نشوف ناس اللي نازلة للجزائر من ضيوف الرحمن ووعدوني باش ينزلولي حاجات معاهم بصح في الاخر اخلفو بوعودهم
لاالوم احد لانه معلش كل واحد وظروفو
حبيتكم تعدروني ومتقولوش لارا ما عندهاش كلمة ولا تتمسخر بينا
انا محبيتش نشد دراهم اعلى اي واحدة غير لما اتاكد ان البضاعة في الجزائر وكنت دايما نقولك هاكدا باش نكون في الامان ودراهمكم ما يروحوش في الارض

كاين ناس قالولي بلي راهم رايحين يهبطو حوايج وعندي امل فيهم انهم ينزلولي الكميات التقيلة اللي تخسرني في الوزن والتانيين نبعتهم في البريد

بصح لحد الان ماكنش شي موكد
اسمحلولي
لوكان كنت نتاجر في الملابس كان الموضوع سهل لانها ماشي تقيلة وماتكونش قد 30 حبة من نفس النوع ومارحش يكون مشكل في الجمارك

لما يكون عندي جديد راني نقولك
انا حبيت نتعامل معكم بكل صدق وصراحة

aminahassiba · 2012-09-06, 17:06

ربي يقدرك على مجهودك

متجر لارا · 2012-09-06, 17:29

شكرا اختى امينة

تالا تسنيم · 2012-09-06, 18:16

ربي يعينك أختي الكريمة

ريكام · 2012-09-06, 18:21

من فضلكم خواتاتي ينبغي ان نتفهم مشكل الاخت لارا، لانو حنا عايشين فالجزائر وعارفين التعطيلات الي تصرا بسبب الجمارك، وحابة نطلب من كل عرايس المنتدى الي تقدر اتعاون اختنا لارا ماتبخلش عليها باي حل فيما يتعلق بمشكل الجمارك، لانو هذا في مصلحتنا احنا، لخاطر السلع الي رانا نطلبوها باش يجبوهنا راهي مكاش فالجزائر، وزيد اذا لقيتيها تلقايها غالية اكثر وكل وحدة منا راهي عارفة هذي الشي

mantota · 2012-09-06, 19:30

شكررااا أختي على صدقك وربي يسهلك إن شاء الله رانا في الإنتظار تحياتي

انتي بلون الورد · 2012-09-06, 19:34

ربي يجازيك اختي لارا ديجا راني حشمانة منك غير ليوم رييحت كنت مانيش مليحا علابيها ماجاوبتكش اسمحيلي غير نحكيو ف سكا يب نتفاهمو اوكي مشكورة وما ديري والو ف بلاك راكي درتي لي عليك مي الله غالب

متجر لارا · 2012-09-06, 22:32

اقتباس:

المشاركة الأصلية كتبت بواسطة ريكام

من فضلكم خواتاتي ينبغي ان نتفهم مشكل الاخت لارا، لانو حنا عايشين فالجزائر وعارفين التعطيلات الي تصرا بسبب الجمارك، وحابة نطلب من كل عرايس المنتدى الي تقدر اتعاون اختنا لارا ماتبخلش عليها باي حل فيما يتعلق بمشكل الجمارك، لانو هذا في مصلحتنا احنا، لخاطر السلع الي رانا نطلبوها باش يجبوهنا راهي مكاش فالجزائر، وزيد اذا لقيتيها تلقايها غالية اكثر وكل وحدة منا راهي عارفة هذي الشي

يعطيك الصحة اختي ريكام
كفيتي ووفيتي
ربي يهنيك

متجر لارا · 2012-09-06, 22:34

اقتباس:

المشاركة الأصلية كتبت بواسطة انتي بلون الورد

ربي يجازيك اختي لارا ديجا راني حشمانة منك غير ليوم رييحت كنت مانيش مليحا علابيها ماجاوبتكش اسمحيلي غير نحكيو ف سكا يب نتفاهمو اوكي مشكورة وما ديري والو ف بلاك راكي درتي لي عليك مي الله غالب

لالا ما تقوليش هاكدا
احنا خواتات وكل واحدة لازم تعدر التانية وانا كفاية انك اتفكرتيني وحاولتي تساعديني

وكي يكون جديد راني نخبركم
الحمد لله اني كسبتكم اخوات في الله
وماشاء الله علكيم ماعندي مانقول فيكم
ربي يهنيكم ويرزقكم يارب

متجر لارا · 2012-09-06, 22:38

اقتباس:

المشاركة الأصلية كتبت بواسطة mantota

شكررااا أختي على صدقك وربي يسهلك إن شاء الله رانا في الإنتظار تحياتي

لا شكر على واجب
اهم شي الصدق في التعاملات وخصوصا لو فيها ماديات
اعلى هاديك كنت اصر ان حتى واحدة ما تدفعلي الا لما السلعة توصل الجزائر باش انتم تكونو مرتاحين للتعامل معايا وانا ضميري يكون مهني
وربي يسهل ونقدر نوصلها بتكلفة تناسبني
راني نخبركم بالجديد قريبا ان شاء الله