طريقة تحضير المورانغ محال ما تنجحليكش

وردة 07 · 2013-07-31, 14:40

السلام عليكم ورحمة الله تعالى وبركاته

جبتلكم اليوم الوصفة المورانغ بصح قليل وين تصلح وتجي مليحة
بعد انا شيبتني باش تعلمتها
الى اني وجدت هذه الوصفة في احدى المنتديات جزا الله صاحبة الوصفة خير الجزاااء وطبقتها بحذافرها ونجحت فيها من اول تجربة والنتيجة هاهي :

لذلك رايحة نحطلكم طريقة المورانغ الصحييييييييييحة وباسرارها كاملة لكن الشرط المهم في نجاح المورانغ هو التقيد الصحيح بكل الخطوات بشكل مضبوط تماماااااااااااااااااااا هذا اول سر..

**السر الثاني والمهم بزاااااااااااااااف هو الفور لازم يكون سخوووووووووووووووووووووون بزاف يعني كي تبدي الخدمة اول حاجة ديريها هي شعلي الفور ثم ابدي الخدمة

المقادير :

لكل بياض بيضة واحدة نستعمل 100 غ سكر ...حوالي ملعقة ونصف واذا كانت البيضة صغيرة نقصو شوي
رشة ملح شوي فاني وملون اختياري
- اول خطوة نحطوه فوق باماري نطلعو بياض البيض مليح مع رشة ملح بلاما نزيدو عليه السكر..
- كي يطلع نزيدو كمية السكر على 3 دفعات وفي كل مرة نخفق مليح حتى يولي حاكم روحو مليح ....
ونضربو بالباتور ملييييييييييييييييييييييح حوالي 10 د او اكثر حتى يولي شبه طايب وتحسوه ثقال والسكر ييبس في الحواشي تاع الحاجة لي درتو فيها

كي تخلصي الخفق مام يتقلب يبقى حاكم نفس الشكل وما يتحركش طوووول

*-السر الثالث هو انو مباشرة من الباماري بعد ما نخلصو الخفق الى الكونجيلاتور == المجمد== طول ويبقى ثم حتى يبرد الاناء لي راهو فيه....ماشي يجمد يبرد الاناء برك
باش تسهل الخدمة ديرو لابوش ادوي في كاس وصبو فيها الخليط

شكلوه عادي كيما تحبو ودخلوه الفور وهنا السر الرابع الفور لازم يكون حاااااامي حاااااااامي لكن بمجرد ما تدخلي البلاطو ليه نقصي درجة الحرارة الى اقل درجة ممكنة وحطيه يطيب فقط 10 د هذا هو الوقت المضبوط اذا كانو الحبات كبار 15 دقيقة ماكسيموم ما كانش فوقها == انسو هاذوك الوصفات لي فيهم ساعة وزوج باش يطيب ==

ثم حلو الفور وطفيو النار وخليوه دقيقة وابدوه وحطوه بحذر ما تخبطوهش وكي يبرد نحيوه عادي وقدموه كيما تحبو..

و انا جربتها البارح هايلة

samira15 · 2013-07-31, 15:41

شكرا لك على الوصفة.

ام عبد الحق · 2013-07-31, 19:12

مساء الخير صح فطورك اود ان اسالك من فضلك استعمل سكر رطب او سكر عادي و شكرا جزيلا على كل المجهودات صح رمضانك

om iyed · 2014-01-17, 20:06

بارك الله فيك ساجربها

سارة النايلية · 2014-01-28, 22:12

شكرا ختي انا كذلك جربتها ونجحتلي
يعطيك الصحة

تغرينية · 2014-01-29, 09:05

بارك الله فيك

nabila40 · 2014-11-25, 17:23

jarebtha ya3tik el saha

مونيا غنية · 2014-11-25, 18:27

شكرااااااااااااااااا

magister · 2014-11-25, 18:34

الله يعطيك الصحة انا جربتها من قبل لكن كان السكر خارج فيها شوي .....ياريت لو تقولي لي لو غيرت السكر العادي وحطيت سكر رطب ممكن يكون بنفس الشكل والطعم؟؟؟؟؟
شكراااااااااااااااااااااااااااااااا