سمكة الراية في الفرن

ouissamak · 2015-01-04, 22:42

واش الاحوال يا الحراير

قبل ما نبدا نشكر الاخت ليزابال فهي صاحبة الوصفة والله يعطيها ما تتمنا
المهم اليوم دخل شيخي وجاب معاه الحوت شفتو برك فشلت خلعت واش هادا وزيد كيقاتلي عجوزتي نديروه للعشاء

جيت للمندى ربي يبارك معمر بالفحلات مدتلي ليزا الوصفة كيما قلت رحت دخلت للكوزينة نتكسل ههههههه

المهم بلا مانكثر الهدرة نبداو بالوصفة
نحتاجو اطراف حوتة الراية

بالنسبة للسمك نحتاجو تتبيلة اللي هي
ملح ماشي بزاف
فلفل اسود
شوييية كمون مقدار نصف ملعقة صغيرة
نصف ملعقة ص فلفل احمر حلو
عصرة ليمون و زيت زيتون او زيت عادي

حطي أطراف السمك في هاد التتبيلة خلطي مليح بيدك و دخليه للثلاجة يتشرب على الأقل نصف ساعة
هادي لما تبلتها

والان نحضر الصلصة
سنات ثوم مقطع رقيق او رابي قليهم في شوية زيت و حطي عليهم ملعقة صغيرة مملوءة طماطم معلبة و حبة كبيرة او زوج حبات متوسطين طماطم رابي تبلي بالملح و الفلفل الأسود و خلي الصلصة تعقد شوية

حطي السمك في بلا تاع فرن من الأحسن يكون تاع زجاج مدهون بالمارغرين و فرغي عليه الصلصة لي حضرتيها و زديدي مقدار كاس تاع شاي من الماء و غطيه و دخليه لفرن ساخن على درجة 200
هادا كيحطيت السمك ودرت عليه الصوص

وهنا كيمرقتو

غطيتو ودخلتو للفرن

قشرت شوية بطاطا قطعتها مكعبات وقليتها باش نقدمها مع الطبق

وهادا كيطاب

وهنا كيكلاو وكملو للاسف ماقدرتش نصور كيقدمت الطبق مانقدرش نقول لشيخي اصبر نصور هههههههههههه

المهم الطبق كان بنيييييييين هايل عجبهم مابقا والو من البلا كلشي خلاص

شيخي عجبو قالي شاطرة الله يبارك نولي نجيبلك الحوت وطيبيلنا وانا في قلبي يكثر خير منتدى الجلفة جيبهولي نهار ماتكونش كونكسيون تشوف

في الخير ليزا ارواحي نقولك منا والفوق كينحصل نجي عندك هههههه نولي لسقة

ان شاء الله تقيمو موضوعي وندي نقطة مليحة
سلام.............

أم ضياء عبد الرحيم · 2015-01-04, 22:55

ههههههههههه و الله غير ضحكتيني
حلقة من مسلسل راني نتخيل فيك كيفاه صرالك كي جابلك الحوت
نستعرف بيك اختي درتي الوصفة و من اول مرة نجحتي فيها

يعطيك الصحة و بارك الله في ليزا ما تبخلش علينا بالوصفات المميزة ربي يجازيها عنا خير الجزاء
الي الملتقى في حلقة جديدة

احلى تقييم لعيونك

ouissamak · 2015-01-04, 23:04

اقتباس:

المشاركة الأصلية كتبت بواسطة جيادا

ههههههههههه و الله غير ضحكتيني
حلقة من مسلسل راني نتخيل فيك كيفاه صرالك كي جابلك الحوت
نستعرف بيك اختي درتي الوصفة و من اول مرة نجحتي فيها

يعطيك الصحة و بارك الله في ليزا ما تبخلش علينا بالوصفات المميزة ربي يجازيها عنا خير الجزاء
الي الملتقى في حلقة جديدة

احلى تقييم لعيونك

هههههه الله يسلمك حنونتي
مشكورة على التقييم

عبير الحـب · 2015-01-04, 23:24

ههههههههههه ما شاء الله عليك يا الشاطرة ربي يبارك راكي 44444 وانا الوالدة نتاعي اطيبو بنفس المقادير لكن في الكوكوط وتزيدلو المعدنوس في الأخير ،،، رايحة نجربه هاد المرة في الفرن ونشوفو البنة ،،، يعطيك الصحة

om kamilia · 2015-01-04, 23:24

fahlaaaa allahyebarek

sheherazed · 2015-01-05, 07:51

Tbark Lah 3lik chatra w t7amri lwejh

Khrejlk raw3a w lbenna bla m ndouo9 rhi bayna emmmmmm

Bsahtkm hbiba

عطرالذهب · 2015-01-05, 08:04

هههههههه والله غيرسلكتي راسك نستعرف بيك
يعطيك الصحة

um alaa · 2015-01-05, 09:10

:بصحتكم راكي سلكتيلها هاد المرة هههههه يا درا المرة الجاية واش مالحوت يجيبلك

saja hamed · 2015-01-05, 09:12

44444444444444444444444444444444

ouissamak · 2015-01-05, 09:29

اقتباس:

المشاركة الأصلية كتبت بواسطة عبير الحـب

ههههههههههه ما شاء الله عليك يا الشاطرة ربي يبارك راكي 44444 وانا الوالدة نتاعي اطيبو بنفس المقادير لكن في الكوكوط وتزيدلو المعدنوس في الأخير ،،، رايحة نجربه هاد المرة في الفرن ونشوفو البنة

،،، يعطيك الصحة

انا تان قدمتو مع المعدنوس والقارص جا بنيييييين

الله يحفظك اختي ويخليلك الوالدة ديالك

اقتباس:

المشاركة الأصلية كتبت بواسطة om kamilia

fahlaaaa allahyebarek

الله يسلمك ام كاميليا يبارك فيك يعيشك

اقتباس:

المشاركة الأصلية كتبت بواسطة sheherazed

tbark lah 3lik chatra w t7amri lwejh

khrejlk raw3a w lbenna bla m ndouo9 rhi bayna emmmmmm

bsahtkm hbiba

يعطيك الصحة شهرزاد حبيبتي يبارك فيه يعيشك

اقتباس:

المشاركة الأصلية كتبت بواسطة عطرالذهب

هههههههه والله غيرسلكتي راسك نستعرف بيك
يعطيك الصحة

ههههههه راجلي قالي واقيل كنت تخدمي طباخة في المرسى وماعلابالناش طاب تقولي قرنون ماتفيقيش قاع كيفاش تبلعيه كلاه وهو مايحبش الحوت هههههه قتلو في قلبي كول برك ودعاوي لخير نقسمهم مع ليزا يعطيها الصحة

اقتباس:

المشاركة الأصلية كتبت بواسطة um alaa

:بصحتكم راكي سلكتيلها هاد المرة هههههه يا درا المرة الجاية واش مالحوت يجيبلك

كيتكون الكونكسيون يجيب واش يحب علابالي يا الفحلات ماتبخلونيش اذا ماكانش خلي البير بغطاه ليجابها نقليها في الزيت وخلاص هههههه

اقتباس:

المشاركة الأصلية كتبت بواسطة saja hamed

44444444444444444444444444444444

مشكورة حبيبتي

أمنية غفران · 2015-01-05, 11:15

بارك الله فيك أختي ..... صحيتي

oum hanin · 2015-01-05, 14:53

يعطيك الصحة البارح خلعت في بلاصتك كنت راح نقلك كي تطيبيه حطيلنا تصاور ايا تعرفي الواجب الله يبارك
بصحتكم

lyzzabel · 2015-01-05, 21:06

سلااااام حبيبتي وسااام و بصحتكم الحوووت هههه الحمد لله كي عجبكم
مشكوووورة على الدعاء ربي يخليك و شكرااا على الثقة والله فرحت بزاااااف كي درتيه كيما قلتلك و عجبكم و خاصة انك راكي في بداية المشواااار ،، ربي يهنيك و يسعدك عزيزتي

ام سهام 02 · 2015-01-05, 21:17

راكي شاطرة دبرتي راسك يعطيك الف الف عافيةوالشكر الموصول للحبوبة ليزا

*وردة الشرق* · 2015-01-05, 21:19

هكدا يديرو الفحلات يعرفو يسلكو رواحيهم مليح بصحتكم والوصفة احتفظت بيها لوقت الحاجة