حصريا حلويات ختانة ولد سلفتي اللي عملناهم

ninafret · 2012-08-31, 15:06

مساء الخير نقدملكم الحلويات نتاع طهور ولد سلفتي محمد لؤي

المقروض درتو انا وعزوزتي ماحبتش نتاع النقاش اللي يجي على شكل ورقة قاتلي خلينا في التقليدي

باقلاوة اللوز والجوز درتها انا وسلفتي

قاطو مايطيبش راني حطيتو من قبل درتو انا لسلفتي

مربعات بالنيتيلا والكرام شانتيي

قاطو لي موراسك وكاين اللي يسميه كفتة هدا كومونداتو من عند وحدة تصنع الحلويات لانو
ماكانش عندنا الوقت

هادو اساور باللوز مغلفين بالسكر قلاصي والوسط وردة بعجينة اللوز كومونداتو من عند نفس المرا

هادي طمينة بالدقيق لحرش و باللوز والكاوكاو وتتلم بالعسل والزبدة وزينتها باللوز زالبيستاش بصراحة اخترعتها عزوزتي عندها سنوات ومعتمدينها في كل المناسبات ومداقها روعة روعة انا اول مرة دقتها عند عزوزتي

ووهادي الطاولة عملنا 10 طاولات للنساء والرجال اوووووووووف واش نقلكم هبلونا كل دقيقة نحطو

وهادو لي دراجي محشيين بالشوكولا

وهادي القشقشة تعرفوها اكيد

وهدي سنيوة الحنة

fadawya_horra · 2012-08-31, 15:22

هههههههههه الطمينة اللي ذكرتيها ما تعرفيهاش يا اختيninafret لأنها نتاع الغرب حتا انا يوم سافرت للشؤق وذقت وشفت طمينتكم ما امنتش ايه ماكذبوش اللي قالوا انو الجزاير واسعة ومنوعة الحمد الله والله يحفظهالنا.

ninafret · 2012-08-31, 15:44

اقتباس:

المشاركة الأصلية كتبت بواسطة fadawya_horra

هههههههههه الطمينة اللي ذكرتيها ما تعرفيهاش يا اختيninafret لأنها نتاع الغرب حتا انا يوم سافرت للشؤق وذقت وشفت طمينتكم ما امنتش ايه ماكذبوش اللي قالوا انو الجزاير واسعة ومنوعة الحمد الله والله يحفظهالنا.

صار نتاع الغرب احنا في الشرق نعملو نتاع الغرس ونزينوها بالمكسرات
شكرا على المرور اختي

الملهمة · 2012-09-02, 23:43

اقتباس:

المشاركة الأصلية كتبت بواسطة ninafret

صار نتاع الغرب احنا في الشرق نعملو نتاع الغرس ونزينوها بالمكسرات
شكرا على المرور اختي

انا من سطيف ونديروها كيما حكيتي عسل زبدة وتشيشة مقلية ومكسرات ؟بصح تاع الغرس مانعلافهاش ؟؟؟ قوليلي كيفاه واشمن منطقة يديروها ؟

ninafret · 2012-09-03, 11:03

اقتباس:

المشاركة الأصلية كتبت بواسطة الملهمة

انا من سطيف ونديروها كيما حكيتي عسل زبدة وتشيشة مقلية ومكسرات ؟بصح تاع الغرس مانعلافهاش ؟؟؟ قوليلي كيفاه واشمن منطقة يديروها ؟

اختي احنا في خنشلة نحمرو الدقيق ونحطو كمية من الغرس المنقي في طنجرة مع كمية من الزبدة وكيتدوب الزبدة ويتجانس الغرس نصبوهم فوق الدقيق المقلي ونعجنو بيدينا وهي سخونة حتى تتجانس مليح وتولي عجينة بنية اللون ويتخلط الغرس مليح وزيدي مكسرات حسب الرغبة ولا حليها في صحن دائري بسمك 1 سنتمتر وزينيها بالمكسرات هادي نعتمدوها في كل المناسبات بدون استثناء

sasafede · 2012-08-31, 15:45

و الله ماشاء الله شكل و يبان حتى الذوق

ninafret · 2012-08-31, 15:46

اقتباس:

المشاركة الأصلية كتبت بواسطة sasafede

و الله ماشاء الله شكل و يبان حتى الذوق

شكرا على المرور اختي حتى دوقهم هايل خاصة الطمينة امممممممممممم

basbousa · 2012-08-31, 16:00

يعطيكم الصحة و الله يشهيوا

الأمنيات · 2012-08-31, 16:11

*أم كوثر* · 2012-08-31, 16:13

كل شيئ هايل لعقوبة لعرسو انشاء الله

ادرارية · 2012-08-31, 16:14

تبارك الله عليك ومبرو ك على ولد سلفتك ولعقوبة لنهار عرسو ياريت مقادير مربعات النوتيلا

بحجابي أنا نجمة في السماء · 2012-08-31, 16:36

روووووووووووووووعه

anna15 · 2012-08-31, 16:37

44444444444444444444444444444444444444444444444444 4444444444

ninafret · 2012-08-31, 16:44

شكرا على المرور اخواتي ولعقوبة لاولادكم انشاء الله ام كوثر لعقوبة لولدك تفرحي بيه
قاطو النيتيلا للاخت اللي سقساتني
عجينة سابلي تحليها بسمك 1 سم في بلاطو مربع وتطيبيها حتى تحمار شوية وتخليها تبرد تماما والطبقة اللي فوقها مكسرات متنوعة ونواد كوكو محمص وشوية معجون او عسل ملازمش يكونو جاريين ديريها طبقة بسمك1 سم والفوق علبة نيتيلا الكبيرة صبيها فوق الخليط بعدما تسويه بملعقة وفي الغد قطعي مربعات وزينيها بوردات كرام شانتيي وبيستاش اختي الشكولا راهي ماتجمدش تبقى شوية سائلة لانها نيتيلا والدوق امممممممممممممممممم روعة روعة

rahma1996 · 2012-08-31, 16:56

لو سمحتي إذا وضعتينا كيفية عمل هذه الحلويات خاصة قاطو النوتيلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري