اللي تعرف هذي الوصفة ترفع اصبعها

[جيجلية]

السلام عليكم ورحمة الله وبركاته

هذه الكيفية نقولولها بوقشة نزيدو نقطة فوق القاف نديرها كل عام في يوم عاشوراء تقريب كل الجيجليين يطيبوه

بكري كانو جداتنا يديروها في الكرشة وكاين اللي مازالو يديروها ودوك ولاو يديروها فالبيادن تاع مدينة او تاع العسل او تاع الزين

الكيفية :

مثلا كيلو دشيش خشين + نص كيلة وشوية زيت زيتون ونجريوها بالماء ونزيد نضيف التمر المقطع نصفين وكل ما يشرب نزيدو الماء حتى يولي جاري

ونحطوه فالبيادن ونحطوه في حمام مائي يطيب في قدرة تكون كبيرة ونحط الماء للنص ونخليه يطيب 6سوووايع

انا درتو في المول تاع الكوشة في حمام مائي وحطيته فالكوشة هذا هو سحرنا به الصباح

[ام ظافر]

اول مرة نسمع بيه ونشوفو بصحتكم

[miri_27]

أول مرة نسمع بيها شكرا لك علمتينا حاجة جديدة

[sofiane2075]

بعطيك الصحة ما شاء الله مبدعة و نساء جيجل فحلات الله يبارك و الوصفة نتاعك عمري ماسمعت بيه و نقلك شكرا على فكرة البوشون تاع قرعة سعيدة لي يحكو بيه الكاسرونة تاع الحليب جربتها هيلة الله يجازيك كل خير صح فطوركم و تفبل الله صيامكم

[my lamis]

بارك الله فيك على الوصفة و فحلة و حرة كي منسيتيش تقاليدك بصحتكم ختي و صيامكم فالجنة نشالله هاذي ثاني مرة نسمع بيه مرة عندها بزاف شفتو في حصة على تقاليد بلادنا و كيما قلتي داروه فالكرشة و ثاني مرة نتي وريتيه باين بنين بصح بلا زيت الزيتون منحبوش

[اية الرحمن1988]

أول مرة نسمع بيها بارك الله فيك حاجة جديدة نتعلموها

[bassamat]

شكرا اختى جيجلية اول مرة نسمع بيها

[موسى2207]

بصحتكم اول مرة نسمع بيها

[INTEL]

مشكورة أنا أول مرة نسمع بيه يبان هايل
من فضلك إستفسار
الوصفة بدون سكر التمر وحدو يكفي يحلية
كل الوصفات لي بالتشيش يعسلوها او يديرولها السكر
قلب اللوز والطمينة والمفروط ...الخ

[جيجلية]

شكرا على الردود تمنيت يدخلوا اللي يعرفوها ثاني واقيلة غير انا طيبتها هههههههه

الوصفة ما فيها لا سكر لا عسل التمر تكفي على خاطر فيها بزاف واجي حلوة

أين ناس جيجل ؟؟؟؟؟؟؟؟؟؟؟؟

[جيجلية]

اختي ام سفيان بصحتك البوشون تاع القرعة كل ما تحكي ادعيلي بالذرية الصالحة

ما تنسايش

[terrou]

mana3rfhach mais bayna bnina bezzaaaaaaafffffffff

[أم ياسين الزهراء]

اول مرة نسمع بيها وبنينة هذي الكيفية وبصحتكم

ونزيد نقلك يعطيك الصحة مازالكي تحتفظي بالعوايد انتاعكم ماشاء الله عليك

[حدة الجزائرية]

السلام عليكم الاخت الجيجلية أنا نعرف هذي الوصفة و لي هي بوقشة كيما قلتي و كاين لي يقولولها بشيشة أنا جيجلية ، المهم حنا نديروها بالمصران و مين ذاك نديروه في القرع بصح البنة نتاع المصران وحدو و تجي بزاف بنينة ويلا كثرتي التمر تجي تهبل، حبيت تعطيني الوصفة نتاع الطعام بالحوت ايلا تعرفيها وش من حوت يديرولها و في الحقيقة احنا من جهتنا مانديروهاش بصح راني نحوس على الوصفة بالتدقيق راني نستنى فيك انا من تاكسنة بالضبط.

[الجمان]

ايه يا حسراه على بويشة بنته وحداها