سكرية الكريات السحرية بالتفصيل كما وعدتكن أرجو التثبيت

[أسماء هبة الرحمان]

السلام عليكم كما وعدتكن هذه بالتفصيل مراحل صنع سكرية للديكور سبق و أن طلبتن مني الطريقة أريدكن قبل القراءة الضغط على أيقونة شكرا الصفراء هههههههه

بسم الله توكلت على الله

1- الأدوات المستعملة:

- كريات بيضاء و بنية

- خيط صنارة 0.40 مم

- مقص و إبرة كبيرة

2- طريقة الصنع:

- تحكمي الخيط في الجهة اليمنى دخلي الإبرة و الثانية خليها حرة

-عمري 08 كريات بيضاء

- دوري الخيط اللي فيه الإبرة حول الطرف الحر هكذا

- دخلي الإبرة في الكرية الأولى من الدائرة و زيري الخيط مليح يولي ما بين الخيطين كرية كيما في الصورة

- اعقدي الخيط الأول مع الثاني

- دخلي الخيط اللي فيه الإبرة في كرية (فرقيهم بكرية)

- عمري في خيط الإبرة كرية و في الطرف الثاني 03 كريات

- دوري خيط الإبرة على الخيط الحر فوق الكريات كيما الصورة

- ادخلي خيط الإبرة في الكرية اللي معمرة فيه

- زيدي دخليه في الكرية الموالية

ملاحظة: 1/الخيط اللي فيه الإبرة هو اللي يعمل و نعمرو في كرية واحدة دايما و الحر نفتلو عليه خيط الإبرة و نعمرو فيه اكثر

2/دايما اجبري الحر مليح و من بعد اللي فيه الإبرة أكثر باش يزير الشكل مليح

- الدائرة الموالية كرية في خيط الإبرة و 02 في الحر (نقصنا واحدة)

- لفي خيط الإبرة على الحر فوق الكريتين و دخليه في كرية خيط الإبرة و الدائرة الموالية

- كملي هكذا حتي توصلي للدائرة الكرة التالية من الدائرة اللي بدينا فيها تلقاي درتي 07 دوائر تاع 05 كريات

- هنا زيدي دخلي الإبرة في الكرية الأولى من الدائرة الأولى ذات 05 كريات كيما في الصورة

- كي تكملي تلقاي 08 دوائر ذات 05 كريات و بين الخيطين كرية واحدة اعقديهم و زيري مليح

هذا هو المبدأ العام كي تتعلميه الباقي يجيك ساااااااااااااااااهل

يعني :

1/ دائرة ذات 08 كريات

2/ 08 دوائر ذات 05 كريات

03/ 16 دائرة ذات 04 كريات

04/ 16 دائرة ذات 05 كريات

05/ 16 دائرة ذات 06 كريات

06/ 16 دائرة ذات 05 كريات

07/ 16 دائرة ذات 05 كريات أنا درتهم بالبني و كي تعقدي الخيطين مليح قصيهم

هنا تكوني كملتي الجزء العلوي و في الدوائر اللي فيها 06 كريات ديري كرية بنية في الوسط بواسطة الخيط و الإبرة تلقاي 16 كرية بنية اعقدي الخيط و قصي

تتحصلي على هذا الشكل:


ملاحظة جد هاااااااااااامة: هههههه ردو بالكم تنوضو القط السياموا تاعي راهو باين في الصورة فوق السرير ادخلوا ساكتيييييييين ههههههههه

من بعد اقلبي السكرية و نبداو نعملو على القاعدة عمري ال 08 كريات تاع القاعدة في الخيط و اعقدي الخيطين كيما ابدينا في الأول هكذا:

1/ شكلي 08 دوائر ذات 04 كريات

2/ 08 دوائر ذات 05 كريات

هكذا تكوني كملتي القاعدة

ويلا حبيتي تزيدي غطاء للسكرية:

1/ دائرة ذات 06 كريات بنية (كي تكملي الغطاء ديري كرية كبيرة أو بيضاء في الوسط)

2/ 06 دوائر ذات 04 كريات بيضاء

3/ 06 دوائر ذات 05 كريات بنية

4/ 12 دائرة ذات 05 كريات بنية

أمااااااااااااااااااااااااانة:

إن شاء الله نكون كفيت و وفيت في الشرح و اللي ما فهمتش أي نقطة تقولي نعاودلها راني في الخدمة

و اللي تصنع توريلنا باش نشوف روحي ويلا نعرف نشرح ههههههههه

أختكم في الله أسمااااااااااااااااااااااء








عذرا أخواتي راني مع رفع الصور و الموقع راهو ثقيل شوية قلت نعطيكم الطريقة و من بعد نرفق الصور و راني مع المحاولة حتى ننجح
راني اسعملت موقع iraqup للتحميل رااااااااااااااااائع