اريد وصفة ناجحة لقلب اللوز

ام سليمى · 2012-03-20, 15:34

من فظلكن اريد وصفة ناجحة لقلب اللوز كيما درت معاه ما نجحليشو دايما يجيني يابس

goumar · 2012-03-20, 16:14

انا ثاني ديما يخرج يابس واخر وصفه بعدما عسلتو غطيتو بصينيه اخرى و خليه يشرب مده حتى نص نهار و شوفي بهذه الطريقه فقط اطرى ونجحلي رديلي الخبر اذا نجحتلك راني غير البارح درتها

mimina88 · 2012-03-20, 17:57

انا نعطيك الوصفة ناجحة الف بالمئة نديروا لي بولونجي
ديري 3كيلات سميد
2 كيلة سكر عادي
كيلة ماء الزهر
3 مغارف زبدة دائبة
للشاربات
ديري في قرعة ماء تاع سعيدة كيلة ونصف سكر
الكيلة لي كيلتي بيها السميد
الكيلة استعملي غرفية تاع الفلان تاع بكري بنية دائرية
والبلا تاع غراتان

mimina88 · 2012-03-20, 17:59

ونسيت نصف كيلة ماء الزهلر في شاربات
كي تطيب سقيها بشاربات دافئة لازم تكون الشاربات مغطية السميد وخليها تشرب داخل الفرن وهو دافئ

moslihe29 · 2012-03-20, 18:03

اختى العزيزة هذه وصفتى لقلب اللوز مجربة وفى رمضان غير هى الى نديرها اقتصادية ولذيذة جداااااالى ياكلها يحسبها مشرية اليك الوصفة 7كيسان شاى سميد حرش +4كيسان سكر +1ونصف كاس ماء زهر نوعية جيدة اخلطيهم براحة اليد وضعيالنصف فى المول ثم اضيفى العقدة الى تتكون من اللوز +القرفة +ماء زهر ثم اضيفى الطبقة الثانية دون الضغط على العجين ادخليها الفرن يكون سخون ودرجة حرارة متوسطة حتى تحمر نكون قد حضرنا الشاربات 6كيسان ماء +3كيسان سكر +1كاس ماء زهر وسقيها وهى سخونة والشاربات باردة وماكول الهنا ملاحضة الكاس الى تعبرى بيه كاس واحد هو كاس الشاى

chaima02130 · 2012-03-20, 20:30

شكرا على الافادة.

لبنى 16 · 2012-03-21, 00:46

السلام عليكم أختي الكريمة أنا عندي وصفة لقلب اللوز نفسها ليبيعوه فالمحلات و راني مجربتها رائعة خذي كيلو دشيشة الخشينة كامل و ضيفي 750غ سكر عادي و فنجال لاتاي سمن ضروري لا يستبدل بمارغارين أو زيت و حكي مليح و رشيه بشوية ماء فقط كما نفتلو الطعام حذاري يكون جاري يعني تقريبا فتجال تاع لاتاي و بيتيه ليلة كاملة وغدا لميه بالماء و ماء الزهر يكون شوية جاري على المقروط و بالنسبة للشاربات خذي 600غ سكر و ضيفيلها لتر و نصف ماء خليها تغلي حتى ترجع لتر و كأس و ضروري الشاربات تكون باردة كي تسقي القلب اللوز و كما قالت لك الأخت ممكن تغطيه أنا بصراحة ما نغطيهش نخلي الفور حتى يبرد مليح و ندخل القلب اللوز ديالي و ما نقسموش حتى يبات ليلة كاملة باش الدشيشة تشرب الشاربات و يجي ذوقه مليح هكذا نذكر كان والدي يخدمو فالمحل ربي يوفقك .

سرينا · 2012-03-21, 08:59

أختي العزيزة إليك الوصفة الحقيقية لقب اللوز
3 كيلات تشيشة
1.5 كيلة سكر عادي
نصف كيلة سمن أو زبدة
ماء الزهر
الشربات:
2 كيلات سكر عادي
4 كيلات ماء
نصف قشرة قارص
التحضير:
خلطي التشيشة والسكر والسمن ذايب مليح ( بسيهم) زيدي الماء الزهر قرعة كاملة ورشيه مثل الكسكس لا تعجني فقط قلبيه وخليه شوي يرتاح بعد زيدي رشيه بالماء الزهر وشوي ماء أي نصف كاس ماء أدهني سنيوة بالسمن حطي الخليك بلا ما تعجني وغير بشوي حطي يدك حتى تسويه بلا ما تضغطي ديريه يطيب حتى يتحمر مليح.
الشربات : خلطي السكر والماء حتى يذوب السكر حطي نصف قشرة القارص وخليه يطبخ مدة عشر دقائق بلاما تنقصي النار طفي وخليه حتى يطيب قلب اللوز سقيه بيه وخلي من الشربات قدر كاس رديه للنار يخثر شوي لما يشرب قلب اللوز الشربات الاولى ويتنفخ مليح سقيه في المساء بالشربات الخاثرة وقطعيه مربعات كبار بعد 5 ساعات قدميه

ام سليمى · 2012-03-21, 11:08

شكرا لكن عزيزاتي على الوصفات بربي انشاء الله نجربو و نردلكم الخبر على خاطر قلب اللوز هو افضل حلوى عندى و كي ناكل منو بلا كامل ما نشبعش منو الله غالب ربي يعطيكم ما تتمناو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري