مملحات من مطبخي تفضلن

[بنت الطيب]

السلام عليكن أخواتي
بما أني نافسة ههههههههه يعني هناك الكثير من الضيوف وعملتلهم قبل القهوة مملحات حبيتكم تشوفوهم نخليكم مع الصور
















وهادي ميني تارتلات بالكيوي


الوصفات :
ميني بيتزا:
تعملي العجينة اللي متعودة عليها للبيتزا وتزينيها بالتونة والمايونيز أو اللي عندك وإذا حبيتي طريقتي
فنجان حليب+فنجان سكر+نصف فنجان زيت+ملعقة أكل ونصف خميرة الكسرة+كوب ماء دافئ تخليطهم وتخمريهم 10دومن بعد تشيحي بالفرينة وما تنسايش الملح اعجنيها مليح وخليها تطلع ومن بعد شكلي كيما حبيتي

البطبوط :
كوب سميد + نصف كوب فرينة + ملح +ملعقة أكل خميرة كسرة وتبلي بالماء ومن بعد تعجني وتسقي للحصول على عجينة متوسطة لا يابسة ولا جارية تطرحيها وتطبعيها دوائر صغار وتخليهم يطلعو شوية ومن بعد تطيبيهم في المقلاة وتحليهم بالمقص وتحشي حسب الرغبة

ميني تارتلات
العجينة
250غ زبدة + كوب سكر +1بيضة + شوية خميرة تاع القاطو وتشيحي بالفرينة وتعمليهم في لي مول الخاصين وتطيبيهم ومن بعد تحشيهم بالكريمة المخفوقة وتزيني بأ نوع فواكه
أتمنى ما طولش عليكم واي سؤال انا جاهزة