دعوة تدخلن جميعكن

[روسيا55]

السلام عليكم اخواتي العزيزات اريد الطريقة الاحسن والاحلى لتحضير الكسكس للاعراس والمناسبات الجماعة ""اللمة"" ارجوكن اود مساعدتكن ....

[my lamis]

ختي كيفاه تقصدي بالطريقة الأحسن يعني كيفاه يتخدم إدا قصدك هدي نقولك على طريقتنا حنا :
نجيبو الطعام يكون يابس حنا فاتلينو و مخبيينو نغسلوه فالماء و نديروه ينشف فالكسكاس ثم نديرولو شوية زيت و نحكوه مليح ثم نفوروه ونحوه ونديرولو شوية ماء منكثروش و نزيدو نفوروه و كينحوه نديرو الملح و الماء و تحركيه مليح و خليه حتى كيتجي تقدميه ثان تفوريه باش ديريلو الزبدة و الزبيب و حنا في مناسبة نكثرولو الزبدة حتى يكون يبرق و نقدموه بالمرق أو الرايب أو اللبن متتخلعيش حنا مناسباتنا ثان نقدمو اللبن و الرايب تاع البقرة خطرات المرقة ميسقوش قاع بيها نشالله تعجبك طريقتنا

[روسيا55]

شكرا ربي يخليك انشالله لكن انا أقصد كيفية تحضير المرق بما في ذلك الكسكس وانا أدري كل جهة وعاداتها لكن أكلت الطعام جهة جيجل وجهة باتنة عجبني بزاف يهبل ارجو المساعدة ربي يخلينا منتدانا الرائع .

[my lamis]

العفو ختي و راكي شهيتيني ياريت يسمعوك الجيجليات و الباتنيات باش نستفادو قاع صح الطعام هو الطهام بصح البنة و الطريقة مختالفة

[جيجلية]

صح عندك الحق تحضير طبق الطعام يختلف من منطقة إلى منطقة

بالنسبة لحضير الطعام فب اعراينا كالتالي :

نستفوا اللحم في الخيط يكون خشين وصحيح حوالي 10 لحمات او 20 ثم نغسلوه ونحطوه يقطر ونوجد البصل يكون بزاف نرحيوه في الروبو نحطوه مع اللحم في حاجة تكون كبيرة مثل القصعة ونحطو التوابل اللي هي الفلفل والملح واعواد القرفة

وندخلوها مليح في اللحجم ثم نحطوه يتقلي فلابرمة الكبيرة ونحركو حتى يدبل البصل ثم نمرقو ونخليو اللحم تطيب كاين اللي يضيفو حبة طماطم للبنة

والحمص نطيبوه وحدو مع قطع لحم او عظم وكذلك القرعة وحدها مع قطع لحم او عظم

بانسبة للطعام نغسلوه ونخليوه ينشف ثم نفوروه التفويرة الاولى ثم نحيوه ونضيفولو الماء والملح وشوية سمن تاع البقرة

ونعاودو نفوروه نكونو نحينا اللحم وكيفور نضيفولو السمن تاع البقرة احنا قبل العرس لازم نوجدو السمن على خاطر هي اللي تعطي البنة اللطعام

انا ذقت اللي يستعملو مدينة ما يجيش بنين كما تاع البقرة

اما تاع الدار ديري الحمص مباشرة مع اللحم والقرعة واللفت بعد ما تنحي اللحم

[my lamis]

مشكورة ختي يطيك الصحة و باين طعامكم بنين كل منطقة و ليها بنتها الخاصة و نتوما صح يحكو عليكم بزاف حتى في وهران كيراحت ختي لعرس صاحبتها ذاقت طعامهم هي قاع خدمة وحدة بصح قالت البنة مختالفة
حنا ثان نربطو اللحم و كيطيب نحوه و الحمص يكون طايب نديروه في شاش (صرة) و نديريوه مع الخضرة يطيب فالمرق اللي طاب فيه اللحم و نقدموه و الطعام كيما شفتي واش قلت من قبل

[maiar]

حنا الكسكس او الطعام او كسما نقولولو البربوشة تفرها يختلف علي قريتو بصح مش بزاف


نغسلو الكسكس و نفرقدوها في قصعة و نفكوها و نخليوها تشيح و نحطوها تفور و كي نزلوها و هي سخونة نملحوها و نبخوها بالماء و نخليوها تجف و نويدو نبخوها بالماء و نخليوها تجف و نبقاو بهذه الطريقة حتى تطرى الكسكس و نحطها تفور للمرة الثانية و الاخيرة و ننزلها و نذهنوها بالزبدة و نقدموها بالمرق

[روسيا55]

الله يعطيك الصحة يا لالة الجيجلية ذقت في الغريانة طعام يهبل يقتل.......لكن اختي الجيجلية التوابل اللي تستعملوها واش هي بالتفصيل ارجوك ..والسمن انتاع البقرة منين نقدر نشريه واسمحيلي كثرت عليك ..

[maiar]

[color="rgb(75, 0, 130)"]والمرق

ننظف اللحم نحطوه في البرمة و نضيف الحمصو البصلة مرحية و الثوم و التوابل و شوية زيت و نقلي و كي يتقلى نمرق و نخليه يطيب و في الاخير نضيف الطماطم المصبرة و يمكن وضع الطماطم الطازجة في البداية[/color]

[روسيا55]

يعطيك الصحة أختي y lamis......;والاختmaiar والله انا حبيت الاستفادة لينا الكل .....انا كي سقسيت قالولي "" نبيت اللحم في الطماطم المصبرة والتوابل وشوية ماء ،وكي نجو نطيبو نبداو بالبصل مرحي في الروبو ،،نقليوه مليح والحم نلحوه مع البطاطا "بدون تقطيع مع الزردية والكورجاة ونمرقوه بعدما يطيب اللحم والخضرة نحيوهم ونزيدولو الناء مغلي والطماطم المصبر ..اما الحمص ينحوا راس البرمة يعني الليدام ويطيبو في الحمص يعني الحمص اصلا طايب ... ويا ريت نزيدو نتفادو اكثر

[جيجلية]

المشاركة الأصلية كتبت بواسطة روسيا55

الله يعطيك الصحة يا لالة الجيجلية ذقت في الغريانة طعام يهبل يقتل.......لكن اختي الجيجلية التوابل اللي تستعملوها واش هي بالتفصيل ارجوك ..والسمن انتاع البقرة منين نقدر نشريه واسمحيلي كثرت عليك ..

الله يسلمك اختي

التوابل ما نستعملوش بزاف في لعراس غير الفلفل واعواد القرفة لكن تاع الدار نزيدو الكركم على خاطر نطيبو المرقة بيضاء

وبالنسبة للسمن نشريوه من عند اللي يربيو البقر ب60 الف للتر