نداءءءءءءءءءءءءءءءءءء الى ام رامي

[akram6]

اختي انا ام اكرم تعيشي راني سمعت بقاطو اسمو كليوباترا اذا عندك الوصفة حطيهالي
واذا عندك وصفة غريبيةكرانتيكا حطيهالي هي تاني واذا عندك الصور نتاعهم مانقولش لالا
ارجوووووووووووك نحتاجهم في اقرب وقت مشكورة مسبقا وراني دائما من معجبيك

[*ام رامي*]

اهلا اختي وربي يخليك
والله قاطو كليوبترا عمري ماسمعت بيه لوكان توصفيه لي
اما غريبية الحمص انا عن نفسي ما جربتهاش بصح كاينة وصفة لعضوة معانا في المنتدى مجربة اصبريني نحوس لك عليها اوكي

[*ام رامي*]

اتفضلي حطيتهالك كيما كتبتهااختي ميمنة الجزائر

اولا كيلة سمن ذايب وبارد واكد سمن احسن باه تصلح
كيلة غير زوج صباع سكر قلاسي
كيلة حمص مقلي ومرحي كيما السكر والفرينة

وفرينة حسب العجينة بصح هي تاني تتحمر بصح شوية برك يعني تولي خمرية كيما نقولو

وايضا تلميها مليح وتكون لابات في يدك تتشكل باللمبوط هو الي يبينها مليح

ومن بعد الطياب لازم يكون في فور يكون مسخن غير كي تبداي برك وتحطي حطبة فيه لانو لازملك لها فور ماشي سخون لانها تهبط وكي تطيب راكي تشوفيها ومن بعد حمريها شوية برك من فوق
وخرجيها وما تتلاحيش ليها خلاص حتى تبرد طووول يعني حتى ساعة انا نخيلها ونزوقها بالشكولا بالملعقة ماشي بالبوش ولا بالساشي يعني تجي كي الروشي وتحطي فوقها بيستاش ولا تقدري تديري حبة كوكاو قبل

[الطبيبة فريال]

شكرا على الوصفة والله غير افدتيني
اما بالنسبة لقاطو كليوباترا انا جامي شفتو مي قالتلي عليه وحدة دزيرية وقالتلي بلي يتقطع على شكل عقد كليباترا (زيقزاق)
بالمناسبة انا اخت اكرم