إلى من اجتاز الشفهي للمدرسة العليا للأساتذة

[achwak.1993]

السلام عليكم ورحمة الله تعالى وبركاته
إلى كل من اجتاز المقابلة الشفهية للمدرسة العليا للأساتذة أن يطلعني على طبيعة الأسئلة وكيف تكون الإجابة وكل شيء بالتفصيل منذ دخولكم عند اللجنة إلى أن خرجتم مقبولين
أرجوكم سأقوم بالتحويل إليها وليس لدي أي فكرة ويكاد التفكير في هذه المقابلة أن يقتلني
وأخص بالذكر الطلبة المقبولين في المدرسة العليا للأساتذة بقسنطينة تخصص فرنسية معلم المدرسة الابتدائية
أرجوكم كيف يتم القبول وعلى أي أساس ؟؟؟
أرجو منكم التفاعل بكثرة وبالتفصيل لو سمحتم
وصح فطوركم

[floraparadis]

انا درت مقابلة شفوية في مدرسة عليا الاساتذة بقبة فرع اعلام الي --------ماقالولي والو برك قراي كتبة في ورقة علي طاولة اي قريبة منك و قراي تاني من سبورة ومن حيط هدا ماكان ---------


هذا منقدر نقولك هذا ماشافت عيني

[achwak.1993]

شكرا جزيلا لك أخي الكريم
لكن هل يحرم من النجاح من يضع نظارات طبية ؟؟

[achwak.1993]

يا ناس لما هذا البخل ؟؟؟
60 مشاهدة ورد واحد
مع أن الكثير منكم وجدته في مواضيع أخرى يقول: لقد اجتزت الاختبار الشفهي البارحة ونجحت الحمد لله
والمنتدى كما لاحظت مليء بطلبة المدارس العليا للأساتذة
ومع ذلك تبخلون ببعض المعلومات ونحن في شهر الصدقة والخير
عموما شكرا لكم

[راجية النجاح]

تكون مقابلة باللغة الفرنسية طبعا يمدلك نص تقراه ويمدلك عليه اسئلة

[samora28]

salam okhti ana fawat concour fi constantine bsah prof primaire arabe bark ygolek 3arfini brohek mba3ed 3tawni ktab kritt mano w galoli a3rbilna ...kachma thabi tssakssi rani hnna

[achwak.1993]

المشاركة الأصلية كتبت بواسطة راجية النجاح

تكون مقابلة باللغة الفرنسية طبعا يمدلك نص تقراه ويمدلك عليه اسئلة

شكرا على مرورك لكن هل كامل الناس يمدولهم هكذا ؟؟
وبالنسبة للفرنسية أنا نفهمها بصح ما نقدرش نهدرها مليح كيفاش ندير ؟؟

[achwak.1993]

المشاركة الأصلية كتبت بواسطة samora28

salam okhti ana fawat concour fi constantine bsah prof primaire arabe bark ygolek 3arfini brohek mba3ed 3tawni ktab kritt mano w galoli a3rbilna ...kachma thabi tssakssi rani hnna

شكرا على المرور
لكن هل المقابلة كانت طويلة ولا قصيرة ؟؟ وهل اللجنة متسامحة ؟؟
وهل القبول مضمون نوعا ما ؟؟ يعني اللي رفضوهم واش دارو حتى رفضوهم؟؟
ربي يخليك معلومات مفصلة لأني رايحة نموت من الخوف

[lalola lalo]

wa3lach raki khayfa bzaf c'est tout a fait normal des question sur toi meme ton nom ......et puis un texte wa3lach nti ma3agabtich lconcour hata ldorka??
ana 3agabt w kablouni prof de francais PEM

[samora28]

المشاركة الأصلية كتبت بواسطة achwak.1993

شكرا على المرور
لكن هل المقابلة كانت طويلة ولا قصيرة ؟؟ وهل اللجنة متسامحة ؟؟
وهل القبول مضمون نوعا ما ؟؟ يعني اللي رفضوهم واش دارو حتى رفضوهم؟؟
ربي يخليك معلومات مفصلة لأني رايحة نموت من الخوف

tkon max 10 min normal ana majawebtch kolch s7i7 bsa7 masskatch goltlhom ana kont science w kolch séma normal li makblohomch tbanli ma3rfouch yahdro machi majawbouch s7i7 bon courage kolch sahel

[ghemmaliabdellatif]

الاخت اشواق وجهوك معلمة فرنسية ابتدائي.. فقط حظري قليلا .. ايقولولك عرفيلي روحك بالفرنسية و عائلتك يعني وضعك الاجتماعي و كذلك لماذا اخحترت هذه المدرسة بالضبط. هذا كله بالفرنسية .. و كذلك حظري بعض القواعد المتداولة كصرف الافعال مثلا. ما تخافيش ان شاء الله تفوني في مدة دقيقتين على الاكثر و حاولي ان تكوني متسامحة و نجبة مع الاستاذ فقط. بالنجاح.

[billi2011]

انا درت مقابلة شفوية في القبة
يعيطو على الاسم ومبعد تدخل
يقولك والا حاب تذير التخصص اولا ( اذا كان التوجيه خطا)
يقولك عرفي بنفسك
يقولك وعليش درت استاذ
تقرا ورقة من بعيد
ننصحك تكلمي ماتستحيش الا لقاوك تستحي بحاوزوك لانك راح تديري مع التلاميذ
ويكتبك في الورقة مؤهل او غير مؤهل وتخرجي كيما دخلتي انشاء الله بالتوفيق وانشاء الله تنجحي
ولكن اظن المسابقة كاينة غير في فترة لي فاتت
نظن في سبتمبر تدحلي بلا مسابقة
وصح فطوركم

[achwak.1993]

شكرا على مروركم جميعا
ادعولي ربي يسهلي

[achwak.1993]

المشاركة الأصلية كتبت بواسطة lalola lalo

wa3lach raki khayfa bzaf c'est tout a fait normal des question sur toi meme ton nom ......et puis un texte wa3lach nti ma3agabtich lconcour hata ldorka??
ana 3agabt w kablouni prof de francais PEM

مبروك عليك وبالتوفيق
أنا رايحة نبدل التخصص في سبتمبر يعني transfer

[ghemmaliabdellatif]

rabi issahel anchalah.