بسم الله وبعد
أخواتي العزيزات أنا شفت الكتير منكم يتهافت على معرفة الطريقة المثلى وسر نجاح قلب اللوز لهذا أردت أن أوضح أمور رغم أنها بسيطة الا أنها السر في نجاح قلب اللوز
1- السميد لازم يكون خشين ونتحصل عليه بالطريقة التالية أولا نأخد السميد من الكيس ونسير (نغربل ولا ننخل) بالسيار الرقيق جدا بحيت نحصل عاى الحبات لخشينة فقط بدون ما نهبط السميد(الدقيق) الرطب
2- لما نضع السميد مع السكر نرش ماء الزهر بكميات قليلة جدا ونحرك بالأصابع فقط دون العجن بحيت نحصل على خليط مثل الرمل لما يكون راوي شويا وما تخافوش وتقول يجي يابس بالعكس تماما
3- قلب اللوز لازم يرتاح على الأقل نصف يوم قبل ما نطيبوه
4- الشربات ولا السيرو لي نسقيو به قلب اللوز لازم ما يكونش عاقد باش ما ييبسش يكون سائل شفاف نوع ما
5- لما نسقي قلب اللوز بالشربات لازم يكون سخون والشربات باردة تماما وما نسقيهش مرة واحدة أي حسب الحاجة
أهم شيء هو الحصول عاى السميد الخشين (الدشيش أو التشيشة) أو صدقوني كي تبع هاد الخطوات بربي انشاء الله وحدة ما يزيد يخسرلها قلب اللوز. وصح رمضان الجميع.
( تقرير عن مشاركة سيئة )، و الموجودة أسفل كل مشاركة .
2011-08-17, 10:55
شرح وتوضيح
العرض الشجري