أسهل جينواز من مطبخي بالخطوات

[Roumaissa 30]

السلام عليكم
اليوم جبتلكم الطريقة لي نخدم بها الجينواز جربيت شحال من طريقة و لكن هدي لي نجحتلي و ان شاء الله تجربوها و تنجحلكم
هي سااهلة جذااا و ما فيهاش مقادير بزااف
نعطيكم بعض النصائح قبل ما نبداو :
كي تولي طيب الجينواز ما تحلوش عليها الكوشة اذا حليتوها رايحة طيحلكم
سخنو الفرن ملييح و كي دخلوها نقصو عليه و خلوها طيب في غردها

بالنسبة للمقادير لكل بيضة ديروا 30غ سكر و 30غ فرينة
انا هنا ديرت 6 بيضات يعني 180غ سكر و 180غ فرينة و باش تتنفخليك مليح زيدي نص باكي خميرة
6 بيض


180غ سكر


الحكمة كلها هي انك ضربي البيض ملييييح كل ما ضربتي مليح تجيك خفيفة لازم حتان يولي ابيض


منبعد زيدي 180غ فرينة مغربلة معها نص خميرة




خلطي بشوية من الفوق للتحت حتان تدخل الفرينة مليح


و ادهني البلاطو بالزبدة و رشيه بالفرينة باه ما تلصقش الجينواز في البلاطو





و هدي هي النتيجة


باش الجينواز ما تجيكومش ناشفة ديرولها الشربات لازم تشربوها مليييح
و هدي طريقتي في صنع الشربات
سكر


قارص


مربى


ماء


و خليهم حتان يطبخو مليييح

عفسة وحدة خرى درنا كرهو من لاكرام شونتي ملا درت عفسة جديدة باه تمد ذوق للكرام
ذوبي شيكولاطة من الاحسن تستعملي noir تجي بنينة




طلعي لاكرام شونتي عادي


خلطي الشيكولاطة مع لاكرام ( الشيكولاطة ما لازمش تكون سخونة بزااف حتى ما تيحلكش لاكرام )



و رايحة تتحصلي عليها هاك




و هدي هي لاطارت في النهاية








و لي تحب ديكورات اخرى تلقاوها هنا كلها نفس الجينواز

https://www.djelfa.info/vb/showthread.php?t=1671997

و كي لعادة للمزيد من الوصفات زوروا صفحتي على الفيس بوك La cuisine de Rou Mai Sssa