واش هي أحسن.....؟

[صاحبة السمو الفكري]

السلام عليكم ورحمة الله وبركاته
كيفكم يا طويلات العمر؟؟
الدافع للي خلاني نكتب هذا الموضوع انه مرة في رمضان درت تجربة فاشلة لوحد الوصفة واغلبية البنات هنا في المنتدى قالولولي يمكن الفرينة مش مليحة....
فجاتني الفكرة باه ندير هذا الموضوع ويكون مرجع ليا كمبتدئة وللكثير من المبتدئات لاننا فعلا نحتااجه
مثلا انا كمبتدئة كي نروح للسوق باه نشري لوازم القاطو عندي الغبرة البيضا الكللل اسمها فرينة كون يبيعولي الكوكايين نقول هذي فرينة >>>هههه تفكرت الجوهر في دار البهجة.
الخلاصة اني ما نعرفش وينها الفرينة المليحة وللي ماهيش مليييحة>>>الور المطلوب من شافاتنا العزيزات يقولولي عن تجربة واش هي احسن نوع فرينة للقاطو وللي تكون مناسبة للقاطو تكون مناسبة للمطلوع وباقي العجائن؟؟؟
ايضا اختكم صاحبة السمو كي تمشي للسوق كلشي صفر تقولك هذي مقارين ونشري اي نوع نلقاه في المحل ومانكذبش عليكم نغير كي نلقى الخبيرات يسقسو على نوع معين >>>>تبان بللي فاهمة مشي كيما حالتي؟
وشحال من مرة نلقى وصفات يشرطو فيها نوع معين تع مقارين امالا واجبكم تقولولي على اي اساس نختار المقارين المليحة؟؟ واعطونا اسماء جيدة في النوعية باه نشروا منها

وزيييد كل شي تع قاااطو قولونا النوعية الجيدة في السوووق بااه نشري منها واجر الجميييع على الله

[tokio hotel]

اختى انا دائما نستعمل الفرينة سيم جامى بدلتها نخدم بيها كل شى اما المارغرين نستعمل فلوريال مضمونة و الفانيلا نستعمل انتاع الميزان و ماخرا اشراتلى اختى وحدة انتاع تونس سائلة و ريحتها روعة اشراتها من سكيكدة و انا نسكن فى بليدة و الحقيقة مازال ما شفتهاش تتباع هنا السمن نستعمل مدينة و ما زهر نستعمل الزاينة

[عائشة حسان]

انا نستعمل فرينة سفينة سواء للقاو او المعجبنات

اما العجائن نستعمل بن عمر راه هاااااااااااااااااااايل

[/زهرة عصفور الجنة/]

اختي انا دائما استعمل فرينة سيم المعلبة لجميع الحلويات
وللعجائن اشتري سيم تاع 5كلغ اقل سعرا من التي تباع بالكلغ الواحد
لانسبة للماغارين استعمل فلوريال او لابال تاع250غ
في وصفات الباقلاوة او الشاراك او العجينة السحرية استخدم مارغترين التوريق مخلط مع سمن وزيت

[صاحبة السمو الفكري]

بارك الله فيكم تسما ولا عندنا زوج شافات يستخدمو فلوريال وسييم
في انتظااااار دخوول البقية

[meriama13]

انا نستعمل الفرينة سيم او سفينة
الزبدة نستعمل صووول و مانقدرش نبدلها ههههههههه تعجبني
السكر قلاصي نستعمل المرجان
الفاني نتاع الميزان
الخمارة ديما ترسلي اختي من فرنسا شششششششششششششش متخبريش عليا يقولو حتى الخمارة تبعثهالها
الشكلاطة نستعمل موكا للقلاصاج روعة في الذوق و الشكل

[ام الرميصاء]

يا بنات ما تحولوهاش صفحة اشهارية الله يحفظكن.

[صاحبة السمو الفكري]

لا نقصد الاشهار لكن كانها جماعة نسائية في بيتي ورانا نهدروا على منتجات السوق

[meriama13]

[quote=ام الرميصاء;1054081392]يا بنات ما تحولوهاش صفحة اشهارية الله يحفظكن.[/quote


وععععععععع و علاه نديرولهم اشهار خاصهم
حنا فقط باغيين نعرفو واش هي النوعية المليحة بين المنتوجات

[لبنى 16]

السلام عليكم أختي صاحبة السمو الفكري أود مراسلتك على الخاص .

[omhadil]

انا تانى نستعمل فرينة سيم للحلويات وزبدة لابال وسمن مدينة

[صاحبة السمو الفكري]

شكرا لمروركن وفي انتظااااااااااار باقي الشافااااااااات

[mira maya]

أنا نستعمل فرينة ومارغرين لابال جامي بدلتهم أما الخميرة والفاني نوارة أما الكاكاو فنشري نتاع الميزان

[قمر الزمان رؤية]

اولا( ان شاء الله نكون شاف نظن مازال شوية ههههه )

ثانيا استعمل فرينة سيم و زبدة صول
و مرات ندير من الفرينة تاع المطلوع لكن طبعا يكون فرق في القاطو لذلك يستحسن ما نخلطوش بين النوعين

[ام وائل فخر الدين]

سلام صاحبة السمو الملكي حبيت نهدر انا و ياك على المكواة البخارية لي راكي دايرتها للبيع هي و القطاعة نقدر نهدر معاك هنا


باسكو ما نقدرش نهدر انا و ياك على الخاص نقاطي ما تسمحليش نقدرو نهدرو هنا