كيف ترفضي العريس بدون قول لا ارجو التثبيت نصايح خطيرة للبنات

[أحلام سرمدية]

كيف تريدين ان ترفضي عريس خطبك بدون قول لا
مرحبا والسلام عليكم مليون مرة
نصايح لتطفيش العرسان
بسم الله نبدا الخطة
1-لاتظهري لاهلك ابدا عدم الرضى/لتكملي تنفيذ الخطة/.
2-اهم شيء حين تسمعي بمجيء العريس لاتستحمي ابدا خلي الريحة الحلوة تطلع روحي وقشري البصل مع امك وما كانش واحد يقدر يعترض على خاطر راكي تعاوني في امك.
3-طبعا اهل العريس جايين اليوم باش يشوفو قمر الزمان وطبعا قمر الزمن لازم تبقى نايمة وتنوض قبل ما يجيو بساعة باه يرتاح وجهها وطبعا هكا تكوني ضيعتي على اهلك فرصة انهم يكشفوكي.
4-اهل العريس جاو سلمي على امو بتكبر والعبي روحك عايفة وقرفانة.
5-وامبعد روحي لغرفتك باش تعدلي الميك اب
نبدى خطوات الميك اب :
*الكحل /الكحل جميل جدا على العيون لكن انتي حطي كحل اغمق في عين على الثانية باه تجي حولة رسمي/.
*كريم الاساس/ولو طبعا حابين كريم الاساس مي بصح حطيه على فمك باه تباني عندك فقر الدم/.
*الشادو/طبعا الشادو هو اللي يبين ويخبي المصايب والبلاوي
الشادو هو الاسود على العيون بصح انتي حطي شادو اسود وثقلييه وزيدي حطي شادو اصفر على وجهك طبعا الموضة والدليل اليسا كانت حاطة شادو اصفرفي كليبها الجديد
6-اللباس :
لازم تلبسي احلى موديل تنورة خضراء/لون زيتي/وقميص احمر /لون الحب/ والبسي شال من سنوات 1956 خشبة ومعاهم بابوش من العصر الحجري تجي تحفة *تشبهي لحديدوان وهذا هو المطلوب*.
7-روحي للمطبخ باه تمدي لهم القهوة وعندك امك تشوفك .
8-امشي بكل ثقة لغرفة لضيوف باش تبانب خبيرة وهنا يبدا الفار يلعب بابو العريس مادامها خبيرة هكا علاش اللي قبلنا هربو وبطلوا بصح ما يكفيش غير ابو العريس لازم الفريس يلعب تاني براس العريس.
9-امسكي القهوة وانتي تعطيها للعريس شوفي في عينيه واحولي عينيكي المسكين يكون في صدمة وينسى القهوة قولي لو /هيا اسرع علينا يا راجل احكم القهوة /بصح بلا ما يسمعك واحد الاهو.طبعا خلي الرجال يحكيو بالمهم.
10-طبعا ارجعي لام العريس اللي حابة تشوف شعرك هد المرة ما حابينش نديرو مقالب حلي شعرك وخليه طبيعي وسشوريه مليح بصح اول ما تقعدي قدامها ابداي حكي شعرك اتخيلي روحك عندك حديقة حيوانات في شعرك ههههههه مسكينة ام العريس تخلعت.
اذا نفدتي هذه الخطوات اضمنلك 100 بال 100 راح تسمعي ابوكي يصرخ ياالله شرفتونا وهوما حابين يهربو قبل ما يديو بلوة سوداء
واش رايكم تصلح اكييييييييييد
هههههههههههههه
اتمنى تعجبكم هي مجرد مزحة وتاني احنا عايشين بعالم تقدر البنت تقول لا
لكن هي نصائح للضحك
تقبلوا مروري