اول شيء الله ينجحكم كامل و يفرح والديكم ان شاء الله
ثانيا : انا متحصلة على شهادة البكالوريا دفعة 2010 بتقدير جيد
فيما يخص النصائح :
ما تخلوش الدروس تتراكم خاصة في المواد اللي محتاجة حفظ ( التاريخ و الجغرافيا الافضل تحفظو من درك المصطلحات و الشخصيات حتى التربية اسلامية ساهلة لازم تضمنو 18 و لا 19)
في المواد العلمية ( الرياضيات و الفيزياء ) لازم الانتباه اثناء الدرس و فهم الاساسيات بعدها حل التمارين ( ما يلزمش تحل 50 و لا60 الا حليت 10 من الصحاح يعني لي يشملو الدرس كامل يكفي ) ( العلوم الدروس تاعها عبارة عن حلقة متكاملة ما يلزمش تضيعو اي درس باش تكون المعلومات تاعكم مرتبة و متسلسلة+ حل نمارين الكتاب كامل )
اما اللغات هاذي تعتمد على الحوايج لي قريتوهم الاعوام اللي فاتو و شوية على الحفظ كيما قواعد الانجليزية و الاعراب في اللغة اما الفرنسية المهم يكون عندك رصيد لغوي مليح لانو الاسئلة عادة ما تكون اغلبيتها على محتوى النص
وصلنا للفلسفة مراجعتها تكون على طريقة مخطط مثلا : درس السؤال العلمس و الفلسفي
ترتبي الافكار في راسك على شكل مخطط
1 / السؤال يتفرع الى نوعين : علمي و فلسفي
2/ خصائص كل واحد منهما
3/ مواطن التشابه , الاختلاف و التداخل
و ننصحك بتدعيم النص الفلسفس تاعك باقوال فلاسفة ماشي بزاف 2 ولا 3 يكفي
و تجنبي حفظ المقالات
اخيرا تجنبو الارهاق و التعب فبل الامتحان لانو راح يضيع كل مجهوداتكم نظمو وقتكم بين الدراسة و الراحة بعدو على اي شيء ما عندوش علاقة بالدراسة و تفكرو دايما بلي نتيجة الامتحان هي اللي تحدد مستقبلكم و طبعا ديرو اللي عليكم و توكلو على الله
هذا ما عندي الا كاش ما تفكرت راني نعاود نرجع
بالتوفيق اختي الله يفرحك
( تقرير عن مشاركة سيئة )، و الموجودة أسفل كل مشاركة .
2010-12-18, 17:03
ادخل واعط نصيحتك لمجتازي الباكلوريا لهذا العآم
العرض العادي
