نحكيلكم علي طفلة قصة زواجها الغريب و المضحك هذه الطفلة عندها خوتات كبار منها وصغار منها وهي كملت قرايتها
المهم في الدار كل يوم الدور على واحدة من البنات تطبخ وبعد ما تكمل تنظف الدار و ترمي حشاكم الزبالة عند الباب . جاء دورالبنت اللي نحكيلكم عليها درك هاذي كانت سهرانة مع خوتتها حتي لزوج تاع الليل وبعدما كملوا السهرة راحو خواتتها يرقدوا الفوق وهي بقات تنظف المطبخ والدار.. وبعد ما كملت خرجت الزبالة عند الباب..المهم البنت قالت علاش نحطها عند الباب خليني نتشجع ونرميها في المزبلة خير..** وخرجت بره وكان الشارع فارغ وكانت الساعة تقريب 3.30 تاع الليل المهـــــــــــــم
خرجت تلوح الزبالة تسكر باب بيتهم وقعدت المسكينة بالشارع...فكرت ترن الجرس خافت بابها يهاوشها ويضربها
علي خاطر صعيب
وهي في الشارع ماعندها ما الدير غير تقعد مورا الباب تاع الدار . سمعت صوت يقرب منها .. صوت سيارة!! قامت شدت
الزبالة وقلبتها علي روحها وتخبات الداخل وكان لي جاي ولد الجيران .. كان سهران مع صحابو..المهــم جا ولد الجيران وقف السيارة وطلع المفتاح باه يدخل لدار اسمع صوت يتحرك بالزبالة !!
وأستغرب راح وقرب ليها... وجا يرفع الزبالة لقي بنت الجيران
عيطت هي وقالتلوا : لالالالا.قالها : بسم الله الرحمن الرحيم..نتي إنس ولا جن
قالتلوا: إنس قالها واش جابك هنا ؟؟
وحكاتلوا واش صرالها وترجاتوا اعاونها قالها خلاص ماتخافيش راح قرب سيارتو من باب الدار وطلع فوق السيارة ونقز وفتح الباب.. وقالها:ادخلي بسرعة باه مايشوفك حتي واحد قامت المسكينة ماصدقتش دخلت لدار ديراكت ما رماتش حتي الزبالة.....وولد الجيران وقف في بلاصتو حاير عجباتوا القصة والطفلة في زوج من بعد هز الزبالة لاحها غدوة من داك راح خطبها وزوجها
واش ماعجبتكومش وقيل؟؟؟؟؟؟؟؟؟؟؟؟؟؟؟
( تقرير عن مشاركة سيئة )، و الموجودة أسفل كل مشاركة .
2010-09-26, 01:31
أغرب قصة زواج
العرض الشجري