سعدااان الكـــــارثة التكتيكية التي دوخت فنيين عالم البالون

[الأمين2008]

السلام عليكم ..
رمضان مبارك عليكم ..

هذا البني آدم وكتاه يفهم روحو !!!
ويفهم باللي راهو كارثة تكتيكية وخططه راهي لاعلاقة

أقول أن سعدااان كارثة تكتيكية في عالم المستديرة ..
سعدان بلاصتو ف البيرو ماشي ف الستاد ..

ماراني فاهم فيها والو مع هذا السعدان اللي ردنا حازنين ورد ليكيب في مبارياته الاخيرة الى مفرخة الهزائم وأم الهزائم ..
علاش استدعى 4 حراس ( سيدريك أول مرة ) ولكن أدخل "مبولحي" المنهاار معنويا ..
- خطة 5-3-2 خطة دفاعية نووية كأنها مباراة نهاائي كأس العالم ..
- مصباح مع الدكتور في الهزائم ارجع حابس مفريني ومايتلامش يلعب في بلاصة خاطيه
-قادير وسط الميدان الناري في ناديه مع الدكتور اللي ماهو رابح رجعو مدافع ( عشنا وشفنا )
- اللاعبون تاهو في الملعب لانهم ماعرفوش ادوارهم يعني مافهموا فيها والو شكون اللي يتقدم وشكون اللي يقوم بالتغطية...من يخرج للاعب القادم من الوراء ومن يمسك المهاجم الوحيد
-قديورة لاعب مسترجع ممتاز أصبح مع سعدان صانع لعب
-يبدة لم يستطع أن يفهم ماهي الأدوار الحقيقية المسندة له..
-بودبوز حسبوا سعدان سوبر مان عطاه 2 وظائف ( صنع اللعب و مهاجم ) يعني حملوا فوق طاقته
خلاصة القول مدرب يلعب ب 5 مدافعين مع الغابون والتي لعبت بمهاجم واحد "دانيال"،
ووسط ميدانهم هو المسيطر لأن مدربهم ماعندوش دكتوره صح بصح لوجيك و ماضيعش لاعبيه بين الدفاع والهجوم
لهذا أقول مدربنا السعدان اللي ماهوش رابح كارثة فنية و تكتيكية في عالم كرة القدم واللي يقول العكس وحاب يتفلسف
يتفلسف بكلام تقني مش كلام عواطف بسببه قعدنا غير نرجعوا لورا
وبالمناسبة أنا لا أتكلم على سعدان الشخص وانما سعدان المدرب
- ياجماعة الخير بصراحة منتخبنا ماشي في طريق السد رايح يرجعلنا اليامات الكوحل نتاع 2001
منتخبنا اذا بالعقلية هذي راح يرجع سنوات القحط و الجفاف يعني بالسيستام هذا منعولوش حتى نشوفوا منتخبنا في كأس افريقيا الجاية
ويالطيف الطف

وصح فطوركم