*/*نكت نكت نكت نكت

[الجزائري_dz]

السلام عليكم


هدي بزاف مكتب نكت ليوم باغي نشوف الا راني عاد نقدر نكتب


قالك مرة واحد يكدب بزاااااااااااااااف كان مجمع مع صحابو و يحكيلهم قالهم علابالكم يا صحابي انا كنت فالصحر اء وين مكان لا شجرة و لا حجرة نتمشى قالهم خرج فيا وحد السبع و معرفتش واش ندير ايا رفدت حجرة وضربتو
صحابو قالولو اوب اوب اوب ماشي قلتلنا مكانش حجرة قالهم لا طلعت للشجرة عاود قالولو بصح قلتنا تاني بلي مكانش شجرة

قالهم مالكم راكم باغيين نخليه ياكلني


هدا تاني يكدب بزاف مجمع مع صحابو و يحكيلهم قالهم علابالكم ياجماعة انا كنت نتمشى فالغابة وديب جرى مورايا ايا انا دابزت معاه وحكمتو وبديت عليه بضرب //فهاد اللحضة لغاله باباه و مشي يتكلملو /// كي رجع عند صحابو قالهم وين حبسنا قلولو و بديت عليه بضرب قالهم علبالكم وبديت عليه بضرب حتى سيلتلو الدم و قتلو متعاودش تخوني /// رد روحو كان مدابز مع انسان ///


هادي امراة تحكي مع جارتها وقالتلها النا بعت الزوج نتاعي يشريلي اللحم باه نطيب بصح الله غالب راهم قالولي راهي خبطاتو لوطو
جارتها قالتلها يا ويلي واش راك غادي دير دروك
قاتلها واش نعمل غادي نطيب عدس و سلام


قالك واحد قال لباه يا بابا علابالك بلي لبرمي نتاعي راهو كمل لازم نجدو باباه رد عليه قالو راني عارف بلي البرمي غادي يكمل خطرش مالصبح ماتنزل مالوتو


قالك هدا واحد فنيان مشى عند الحلاق و جمع فالكرسي وحط راسه قالو الكوافير واش راس ولا لحية قالو لحية
الكوافير قالو انالا طلع راسك
الفنيان قالو امالا خليها راس


قالك زوج مجمعين على شط لبحر واحد بدى يخمم قالو صاحبو مالك وين راك
رد عليه قالو انا راني نخمم لوكان جا هاد لبحر كل شربة شحال من خبزة غادي تكفيه


قالك زوج كانو يتمشاو فالغابة حرجلهم سبع واجد من هاد الزوج حكم حجرة وضرب السبع وهرب بدا يشوف موراه جبر صاحبو حابس ما يجريش لغالو وقالو مالك متجريش اهرب
ردعليه قالو علاه نجري ولي انا لي ضربتو


قالك وحد البنت صغيرة تسقسي يماها لي كانت حامل قاتلها يما واش هدا لي فكرشك يماها ردت عليها قاتلها هدا خوك يا حبيبتي
ايا البنت مشات تقرى وسقساتها المعلمة انت عند خوات ردت عليها البنت انا كان عندي خويا بصح يما كلاتو


قالك واحد كتب فوحد الموقع اعلان يقول فيه انا باغي زوجة فاليوم التاني جاه 100رد يتشابهو الكل فيه تستطيع تاحد زوجتي



انا راني عارف بلي مراهمش ملاح
بصح الله غالب هدا مكان لليوم
مانيش نقدر نشري النكت راهي عندي المزيرية
سمحولي





شكرا لكم