راهو قريب وقت الفريكـ~~قلولي كيفاش تخدموهـ

[•~ندية الجوري~•]

السلام عليكم و رحمة الله و بركاته
إن شاء الله الجميع بخير
بما أنه وقت الفريك قريب قلت نستفيدو من خبرات بعضنا
أنا نوجد الفريك بالطريقة التالية
بعد ما يكون السبول تاع القمح لي مازالو ما يبسش
نربط حزمة من السبول ...و يكون فيها بزاااااف
بعد ما تربطيهم كامل و توجديهم..
تغلي الماء في إناء يكون كبيييييير
تحطي فيه الحزمات و تخليهم حوالي عشرة دقائق
حتى يطيب القمح....من بعد تنحيها
و تحطيها تقطر من الماء
لما تكمليهم كامل توضعيهم في الشمس
حتى ينشف الماء مليح...
من بعد الأفضل أنك تيبسيه في الظل ...
باش يبقى محافظ على اللون الأخضر...
كي ييبس مليح تهرسي فوق السبول باش يطيحو
غير الحبات وحدهم ...
و تصفي الحبات لي طاحو من هذاك لي يجي لاسق فيهم تاع السبول...
و الأحسن تنخيه في الغربال الخشين خلاص..
كي يبقاو غير الحبات صافييييين
ترحيهم ...في الرحى تاع الحجرة إذا توفرت
و إلاّ كاين لي يبعثوه للمطحنة
لما ترحيه
تغربلي و يكون الفريك جاااهز


و أنتم كيفاش توجدوه