يرجى الانتباه ادخل و متخليش عامك يروح هكداك برك

[yy95-Mecanique]

السلام عليكم ورحمة الله وبركاته بقا نهار على امتحان الباك حبي نقوللكم حوايج ركزو فيهم مليح بيسك صح مهمين لكل واحد وانشروهم باش تعم الفائدة لامه قادر يروحلك عام من الخوف والهلع و القلقة الزايدة فركزو بالاك يبانولكم جياحة بصح نعرف واحد راحلو عام كامل علاجال نسا بلي يعقب تاريخ وكي وصل وصل روطار مخلاوهش يدخل اذن خذو بالاسباب وتوكلو على الله





1/ ابدا من اليوم ارفد جميع اوراقك و الوثائق والاستدعاء وبطاقة التعريف وووو حطهم ف المحفظة من الان



2/ ركز او قول للعائلة ديالك على توقيت لي راح تعقب فيهم الامتحانات باش ايلا نسيت ولا رقدة من تعب ولا وا يكونو علابالهم او بالاك تراجع علوم ونتا راح تعقب فيزياء ركز مليح واش راح تعقب كل نهار عاوج شوف جدول التوقيت



3/ دير حسابك بلي الطريق ف الجزائر مغلوقة دير حسابك وقتاش تنوض او شوف الليسي ديالك لي راح تجتاز فيه الامتحان





4/ كي تشد امتحان الباك احسب شحال من ورقة وشوف الترقيم



وكي تخير موضوع قطع التاني ويالاك يتحلطولك المواضيع من الخلعة



5/ الوقت يكفي متسيش تكون sonic حل بعقلك المهم كل حاجة تاع حساب عاودها 2 خطرات على الاقل



6/ اول حاجة ديرها كي تشد سوجي تكتب اسمك و اللقب و رقم وكي تجي تحط الورقة وتكمل زيد فيريفي



7/ جيب معاك ستيلوات ملونة باش تكتب فيهم ف ورقة مسودة الاسئلة لي سوطيتهم باش متنساهمش



8/ جيب معاك قلم ملون باش تلون كل معلومة باش متتلفلكش وتنساها



9/ التحويلات التحويلات التحويلات في الفيزياء بالاكو



10/ متتخلعش ايلا معرفتش سوال ولا زوج بالاك راح يكون عليهم نقاط شوية ونتا راك تحطم غير ف روحك وافهم بلي درك تطفرت خلاص حل واش عرفت





11/ انسا هادي الخوف والقلة وتحكمك كرشك من الخوف ووووو علا خاطر اصلا راح يزيدو يدمروك 100/100 و لي تكون تعرفها تنساها دير في بالك بلي درك خلاص فات كلش مبقاش وقت الخوف


لي عندو كاش حلجة يحطها يفيد بيها خااوتو





12/ اهم شيئ اكثرو من الدعاء وقولو للام والاب يدعولكم وربي يوفقكم ان شاء الله