كيف اطلب السماح من امي -توضيح-

[مشكلتي]

السلام عليكم
طلبتم مني توضيح القصة : العام الليفات صرالي التهاب الجيوب الانفية و بقيت قريب عام و انا مريضة بيه (نزيف انفي مستمر)، ايا ممبعد قلت لماما قالتلي نزيدو نشوفو شحال يزيد يقعد ممبعد نديك و كل مرة تنسيني و يقعد نيفي غير الدم ، ممبعد اختي ضرتها ضرستها الم خفيف و داتها للطبيب و كي قلتلها اديني انا ثان قالتلي نتي تغيري من ختك ! و انا علاش نغير منها اصلا حنا تقريبا توام و تبدا تجبد لي : هي تعاوني و نتي لا لا بصح و الله غير العكس انا كنت دايما نعاونها و نطيب القهوة و كنت نوض الصباح نسيقو الدار ..الخ و هاذي ختي قاعدة تكونيكتي و تهدر معا الذراري و ماما قالت لنا ما تهدروش معاهم بصح ذي ختي راسها حجر ، و كي قلت لماما بدات ذي ختي تبكي و تقول و الله ما كنت عارفة بلي ذراري و ممبعد قالتلي ماما و نتي محسوب راكي تقولي بلي ختك هاذي منحطة (هي قالت كلمة كثر ) و لا كيفاش و انا قلتلها بلي راني نقول في الصح و ما حبتش تأمني المهم هاذي وحدة ، الدوزيام هي دايما تجي معاها باسكو تشبهلها و انا وش دخلني واك ربي خلقني و ماما ثان تقلي باباكم يغير مني نتوما شفتو راجل يغير من مرتو ؟ و تقلي ما ترقديش وحدك في الشومبرا باسكو يقدر يغتاصبك و بابا ماهوش من ذاك النوع بعيد الشر هو حنين و يجيبلنا واش نحبو اما هي تشريلنا غير الشيفون الرخيص حتى العباد دايما يقولولي هاو سقمي روحك و منا و منهيه ، وملاحظة انا جامي مشيت معا واحد و كي حبيت ندير الحجاب العام الليفات تخايلو وش قالت و الله ماني نكذب قالت لي الحيجاب يلبسوه غير الفام دو ميناج و غير الصحاب برا المهم انا درتو و ما درتش على هدرتها كان عمري 15 سنة و هي دايما تخليني عجب و التالية نتع لبنات معلاباليش وش درتلها و اهملتني و مرضتني نفسيا لدرجة انني اصبت بالجفاف العاطفي و ضرك يا ناس راني نبغي "الوحدة " غير علاجالها و العنصرية ، و الغاشي قع يكرهوني و يتنمروا عليا مانيش فاهمة علاه المهم ما يهمونيش قدها هي و قبل ايام ضربتني و كنت قاعدة قدام الشوفاج حتى يدي كامل نحرقت و كان ذلك بسبب اهانة اختي لي (عطاتني بظهرها) لذلك وضعت رجلي امامها كرد الاهانة لانه لا يوجد من يتكلم مع هاذي اختي و لا احد يدافع عني لذلك بالطبع ادافع عن نفسي و امي قالت لي نحي رجلك و قلت لها لا لا كي يكونوا اللي قدامي يستهلو الاحترام نحيها حتا جات ضربتني و حرقتني حتى لا شعوريا رميت عليها صحن الاكل لانني كنت سأموت في تلك اللحظة و نفسي دافعت عني ، مرة اخرى قالت لي لا تساعدني ايتها .... و سبتني بزاف انا عمري معا مشيت و لابسة حجاب و نقرا الحمد لله وش خص كثر من هكا انا وش درتلها واك عاونتها و خرجت معاها و فرحتها و دايما نقصر انا وياها واش خص كثر من هكا حتى تخلي صحتي تدهور و تديها في وحدة ماهيش مامبا اداياتها فيها ، و ثانيك وحد المرة فتحت الpc نتع ختي و صبتها كاتبة يومياتها و تقول انها تكره امي و تكرهني مع اننا لم نفعل لها شيء واقيلا اللي عندبالها ادير رايها في الدار كي واحد ما يهدر معاها بزاف مشي قاع هكا ! انا قلبي برد بزاف ممبعد بسيف باش اداتني و قال لي الطبيب عندك التهاب الجيوب الانفية
و العام الجاي عندي الباك و خاوتي الصغار يظلوا يديرو في الحس و هي تقلي ما تهدريش معاهم كي تكون دارك ديري واش تحبي و بزاف وحد المرة طيحو بيبان البلاكار و يروحو يجبدو الفراش و يقعدو دايرين فوضى كبيرة و حنا دارنا من النوع اللي فيهم الهول مشي ستيل L و خطرات يجو يبداو يقلقو فيا و تقلي ما تضربيهم و ما تهدرش معاهم و ذي ختي تقلها اضربيهم ما تخليهمش يداصروك
ديجا قع اليوما غير نضت بلا غسيل وجه بلا والو قلت لها اسمحيلي و ما بغاتش كيفاش ندير معاها ؟ انا عندي فقر الدم و ما نقدرش ندير صوالح فوق جهدي اذا راهي حابة ، و ضرك مانيش قاع نعاونها باسكو خلاص نعاون و لا ما نعاونش قع كيف كيف