واش مشكلتكم معايا ؟

[سُـــمَـــيَّـــه]

صراحة مين فتحت المنتدى الصباح اتفاجئت بكمية الهجوم علي علاش واش درت ؟ علابالي يا سيدي انتوما راكم من زمان هنا و راكم مشهورين و مميزين ...... مي علاش هاذا الهجوم ؟ تلوموني و تقولولي راني نجرح الناس و نتوما تجرحو فيا !
اوكي عندكم الصح نهدر بزاف و معظم أو بالاك قااع مواضيعي فيها ضحك و دردشة و منبعد .... واش المشكل اذا فاجينا على رواحنا مانيش نحرضكم و نقولكم ماتراجعوش أو ماتحفظوش أو راني نطيحلكم في المورال بالعكس راني دايمن نسعى باش ننشر التفائل و البسمة في المنتدى
على الاقل كنتو تنبهوني بالشوية بالكلمة الطيبة مشي بالهجوم و اللوم
صرااحة راني خائبة الظن حطمتوني علابالكم ؟
مانذكرش بالاسماء ديجا راهي باينة قاع مواضيعي اللي حطيتهم البارح فيهم تعليقاتكم الجارحة و متحدين مع بعض ضدي ! و علاش قاع هاد الكراهية
هادا عامنا التالي رانا داخلين على مرحلة مهمة في حياتنا صح لازم نكونو جديين مي و الله الجدية وحدها تققتل بالملل
و على أي أساس حكمتوا علي أنني راني نجرح الناس كاش ماشفتو تعليق يعاتبني أني جرحته ؟
علاش تحقروا الجديد ؟ مشي حنا قاع عائلة واحدة ؟
علابالي دوك مورا هاد الموضوع غادي تزيدوا تهاجموني و تزيدو تعايروني مي و الله ماعلابالي بهاد الشي نبقى متفائلة و نضحك و افيد و استفيد من الكل
هادي شخصيتي بالمناسبة , ماتطلبوش مني نغير شخصيتي ...... شكرا على كل كلماتكم
سلآم