نداء لدخول في الحملة الى كل الاعضاء

[الداعي الى الحق]

جبتلكم اليوم موضوع حساس خصوصا عن شباب دكور وليس الاناث ووهو تعبير عن المشاعر

هل سبق لك ايها رجل انك عبرت عن مشاعر الحب لامك او لابوك؟
هل سبق لك ان اشتريت هدية في عيد الام او عيد المراة او احتى بدون اي مناسبة وقدمتها لامك او لابوك؟
هل سبق وان خرجت امك معك لدهاب الى نزهة او عطلة لمدينة ما او بلد ما والاكل معا وضحك معا ؟
وهل سبق ان حضنت امك وشعرت بدفئ حبها؟ او ابوك؟

كثير من الجزائرين خصوصا شباب مايعبروش على مشاعر الحب اتجاه اباهم وامهم ؟ بينما يعبرون عن مشاعرهم بكل البساطة للخطيبة او زوجة ؟ كان زوجة او الخطيبة تستحق اكثر من امك . اعلم يااخي انه مستحيل لو دهبت الى طرت طيران الى كل بلدان العالم مستحيل ومن سبع المتحيلات وان اردت ابصم لك بعشرة اصابع انه تلقى اي انسان يحبك مثلما تحبك امك . مستحيل ادن كل مشاعرك وكل كرمك وكل مالك امك اكثر شخص يستحقه وابوك ايضا
قرئت هنا في قسم مشكلتي انه في شخص هدا لخطيبته 10 ملاين كهدية ؟؟؟ واش صرا لو كان هداهم لامه اليس احسن منها تفرحها وهي تستاهل تفرح ومنها تدعيلك دعوة الخير حتى تربح فحياتك اليس احسن؟ او لو مدتهم لابوك وسعدته به وقبلت راسه وطلبت وطلبت ان يرضى عنك اليس احسن واكيدد ولما تشوف فرحة في وجه ابوك ويمدلك دعوة الاخير هدي صورة هي احسن صورة في حياتك يمكن ان تراها.وليس فقط مع الخطيبة حتى زوجة يا عباد كاين شي رجال كي يتزوجه يشريه لنساهم كلشي حتى دهب وياماهم والو مسكينة من احسن امك او زوجتك؟ اكيد امك امك ليس لها مثيل. مرانيش نقولكم ماتشريوش لزوجة نتاعكم بصح امكم ديما الاولى مثلا ادا حاب تشري لزوجتك هدية شري لامك قبل هدية ثم شري لزوجة نتاعك وادا كانت هدية زوجة نتاعك غالية فلازم تكون هدية امك اغلى بكثير.

ولا شي مرا ديتوا امكم تحوسوا بها ام وابنها تحسوسا لاي بلاصة او تروحوا لشي مدينة او لراه قادر يدي امه لشي بلاد او العمرة انا من خلال معرفتي لناس لنعرفهم جامي شفت واحد راح مع امه يحوس معها راني نشوف يديو زيجاتهم ولا خطيباتهم ولا صحابتهم بصح امهم لا. لمادا مانعرفش وبلاك سبة راجعة ان المجتمع الجزائري ينقصه تعبير عن المشاعر والخجل من تعبير عن الحب للام والاب ولكنه لا يوجد خجل لتعبير عن المشاعر للخطيبة او زوجة معادلة غير مفهومة ومتناقضة . الحاجة المليحة نحشموا بها ....

حتى نعرف شي رجال يناديو لامهم عجوز ولا الحاجة ولا ينادوها باسمها المهم ماينادوهاش ماما ولفظ ماما مقتصر عندهم بطفل اصغير الدي لم يتجاوز 12 سنة ههه وكان طفل هو فقط من يجوز ان يكون عنده ام . اما الكبير عيب ينادي امه ماما ولا امي ولا ياما . حتى طفل المواهق لعنده 16 ولا 15 سنة يحشم ينادي امه ماما حتى لو كانت امه صغيرة لازم يناديها عجوز هههههههههه.

وادا كان مايقدرش يقول ماما اسهل شي فمابالك انه يقولها نحبك ولا يحضنها ولالاهههه اكيد مستحيل مع انه الولد يتعلم من بوه ادا كان الاب يعامل اهله مثلما يجب اكيد ابنك يعاملك هكدا كي تيكبر وادا انت عاملت اهلك بجفاف او سوء فلا تتوقع ان يعاملك ولدك معاملة لتتمناها لان هدا ماشي حقك.

اما لراه متزوج فمصيبته اكبريولي يشوف اهله اعداء له فالموضة لخرجت جديدة لرجال الجزائر انه كي يتزوج ينسا اهله ويوليو اهل مرته هما اهله طبعا كل هدا له علاقة بايحاء زوجة ومبعد يقوللك الولد ماشي حنين البنت لحنينة على اهلها وفي الاصل هي لخالت راجلها يكره ااهله انانية منها لحتى تمتلك دلك زوج وتديره خاتم في اصبعها وتلعب بيك كيفما تشاء فيقوا يا رجال هده مؤمرة محنكة من النساء . فالاول تقولك كيريلي دار اغلبهم يطلبن البيت باه ينسوك في اهلك وطبعا الها خارجين داخلين وانت ترفد كي بوبريط غير لحوم والفاكهة لاهلها لكل يوم كاينين وطبعا كي يجيو اهلك ماتطمعش زوجتك تقولك روحي شريلهم هكدا ولا هكدا ماتطمعش وطبعا تلقاها مكشرة من صباح لان اهلك يجيو لكان لقات تقتلهم برصاص كامل وماتقعدش دقيقة واحدة معاهم . ولما تفتح الباب ترفقها بابتسامة صفراء نابعة من ظهر هههههه وترحيب ممل فيه الكثير من تصنع بصح اهلها تلقا يومين قبل وهي تخمم واش تطبخلهم واش تدير ووو ومن بعد شوي شوي تبدا تهدر بسوء على امك والهلك بصفة عامة حتى تكرههم ولا تديرلك عدوة بين اخوانك كان تقول لك ادا كانت امك صاحبة معاش تقولك خوك ومرته لداو دراهم انت حرموك انت ممدولكش ووووو وكل يوم تسمع هديك سيرة لحتى تولي تكره امك وعيلتك كامل .

وجبتلكم شوي قصص من المحيطين دار العجزة كامل عللابلنا بيها رجال يرميو امهاتهم وابائهم لدار العجزة وطبعا رجال يسكتون ويرضون المهم مرته ماتخليهش .... يا ابن ادم كيفاش ترمي امك لعندك منها واحدة يعني مستحيل تجي مرا واحدة اخرى وتكون امك عندك ام واحدة برك مقابل زوجة تستطيع ابدالها لو خيرتك ارميها هي قبل ان تكمل كلامها لانك لو خليت تكمل كلامها هدا اهانة لامك المسكينة..

وكاين ثاني ليرفد امه تعيش امه بشرط انه تمدله معاشها خصوصا ادا كان معاش المجاهدين اولا معاش بالاورو يعني يرفدها بمقابل المال وطبعا مامعنى انه يرفدها يعني تعيش معاهم بنفس البيت في غرفة معزولة لوحدها وتاكل وتشرب برك ودراهمما كامل ماتشوفهمش . لو راحت الام لدار العجزة احسن بكثير لانه على الاقل مايديش ولدها شيعة انه رفد امها وهو مرفدهاش
يااعباد الله كيفاش راجل ياخد كامل دراهم امه ومايمدلهاش فرنك ومبعد يقولك رفدتها رفدها بالمقابل ماشي باطل ول كان تروح هديك لام لاي واحد براني غادي يرفدها مقابل المال يعني دار ليديره البراني ماشي الابن . والموضة انه لما يدي درهما يديهم كامل مايخليهاش على الاقل لقيس لتتصدق بيهم .
ولات الام او الاب عبئ على رجل المتزوج اما انه يجلس ويحادثها ويسمع واش يزعجها ولا يسولها ولا يخرجها هادي من سبع المستحيلات الا من رحم ربي ومن كانت له زوجة صالحة تخاف الله انما الاغلبية المطلقة والو ربي يهديهم وبرك

والاخر تلقاه ادا مدت الام دراهم لاخوه فانه مستيحيل يديها بحجة ان دراهم ماشي هو لمدهم ملا ميرفدهاش والاخرين كايديوها بنوبة يعني شهر مع هدا وشهر مع هداك هادي لمعندهاش شهرية بصح هادي ماشي عيشة وراه الاستقرار المكسينة كل شهر يهزوها ماتديوهاش خير
وكاين حتى نعرفهم شخصيا يهدروا على امهم بسوء يقولك ماشي مليحة تاكلها الجهنم بصح لو كان تسقسيه على ام زوجته تسمع كامل الاطراءات الجميلة لفي دنيا
يا ابن ادم فيق روحك واقتل الافعى لراهي تعيش معاك وماتنفعك غير امك اصلا مهما حبتك زوجتك حتى لو وصل بها الحد الى اقصى العشق مايوصلش بها الحد انها تحبك مثلما تحبك امك فامك تسامحك على كل افعالك مهما اخطئت بحقها تسمحك حتى لو كان تقتلها برصاص تسامحك بصح زوجة تسامح له حدود فمثلا لو كان تخونها متسمحلكش حتى بقيت معك فانك راح تطيح من عينها ومراحش توثق فيك المرة الجاية حتى لو كنت نادم فعلا ام الام لو تدير بيها ليميتندرش غادي تسامحك. ولدلك ماترميش امك على جال اي مخلوق فدنيا واحب ليحبك اصلا زوجة لتحبك غادي تحب كل حاجة جات منك

وهدا هو الاختبار لكم اد تريدون ان تعرف ادا زوجاتكم صح يحبونكم ولالا ؟ فلراهي تستكتم وتكرهكم في اهاليكم ديرو في بالكم بلي هديك ماتحبكش وانما هي تريد ان تمشيك كيما تحب حتى تحقق احلامها وطبعا انت الوسيلة في رئيها انما ادا كانت تحبك نتاع صح تحب كل حاجة تحبها انتيا .

وانتم ادرى بنتيجة الاختبار . 1/امكم ديما في المرتبة الاولى سواء تزوجتم او لاء
2/ ثانيا يجي الاب في المرتبة ثانية
3 الولد.
4/ الاخ وصديق بصح هنا نقصد الاخ الحقيقي الاخ ليوقف معاك سوا فالفرح ولا فالضيق للتتتعاونوا وليعرف معنى الاخوة والصديق ايضا صديق الحقيقي وصديق الحقيقي في مرتبة الاخ الجقيقي اما ادكان انت وخوك كل واحد في جهة ماتهدرو مع بعض متتعاونوا والو حتى واحد مايعرف الاخر هدا لا محل له من ترتيب ويجب ان لا يكون عنده محل في حياتك ومكانه مثل البراني ...
5/ الزوجة طبعا ادا كانت صالحلة تحبك حب حقيقي وزوجة صالحة لا يكون ترتيبها الا بهدا ترتيب يعني رقم 5 اما لو كانت غير صالحة فلا محل لها من الاعراب ههههههههههه
هدا هو ترتيب الانسان العاقل

وماكتبت هدا الموضوع الا لحتى ارد اعتبار الوالدين والا لحتى اوقظ رجال من غفلتهم
حبيت نقولكم حنا رجال نية ونية بزاف بصح نسا مراهمش هكدا وحاب تفتحوا اعينكم باه تشوفوا مليح وتتقوا شر نسائكم وماتضيعوش اهلكم وبرهم من اجل زوجة غير صالحة يمكن ا ان تتخلص منها بكلمة انتي طالق تقدر تقولها في 10 ثواني وبعدها ترتاح في حياتك وتعيش سعيد طول العمر وبلاك الجحيم لراكم تعيشو فيهم بسبب عقابكم وبسبب دعاوي شر لتديوها من اهلكم .

ولااقصد هنا كل نساء ولست بحاجة ان اخصص لانه لمراهيش هكدا تعرفها روحها ماشي انا لنقولها حاشة انتيا ولا لا تعميم ولاولا

اليكم رجال اخر حاجة نقولهالكم بلاك تتخلاو على اهلكم مهما صار وادا شفت روحك في محل اختيار اطرد زوجتك براحة ضمير على ان تغضب امك وتعيش انت في الجحيم طول العمر .اختار امك حتى لو عرفت بانها سيئة فمهما كان سوئها فلا يوجد من تحبك اكثر منها .

اونتم يا نساء لراكم تدير هكدا فرجالكم حرام عليكم كيما انتوما تحبوا اهاليكم حنا ثاني نحبوا اهالينا وبركا متستاتوش ازواكم وماتعمروش ريسانهم وماتقوليس انا اهلي ملاح ام انت انت اهلك ماشي ملاح لان هدا ماشي صح ملاح من وجهة نظرك ولوكان نروحوا نسقسيو مرت خوك غادي تقعد 50 سنة تحكي ومتخلصش . املا غير اسكتوا كيما رجال يتقبلوا اهاليكم اقبلواانتم اهالي زوج لان هدا ماشي مزية منك بل هو بسيف عليك .

ولقالولي رجل صالح هو ليصبر على سوء زوجة لا رجل صالح هو ليصبر على سوء الام ماشي زوجة

ويارجال مهما حبيتكم نساكم ماتديروهاش مقارنة مع الام لانه لا مقارنة ماتقرنوش حاجة بحاجة لمستحيل تقدروا تقارنوها
كلنا نغلطوا واحسن الخاطئين توابون ماشي طروطار تتغير حتى لو كان عمرك 50 سنة

واش نقولكم نترك لكم ساحة للجواب
بصح قبل اغلاقق موضوعي حاب نسقسيكم بعد قرائتكم للموضوع ماهي خطتك لتديروها لصالح اهاليكم من الان فصاعدا تقدر تبدا بوردة تشريها لامك ووتعال لهنا وقول واش درت

[الداعي الى الحق]

35 مشاهدة ولااحد يرد
الامر سيتدعي الغرابة .

[kacimo.samy]

السلام عليكم
غرابة ت عندما تدخل وتجد مجلة.... تهرب
اختصر
المهم ربي كريم

[المكارم]

أصدقك القول أنني لم يسبق لي أن عبرت عن مشاعر حبي للأبوين شفهيا
ولست أدري لحد الآن ما يمنعني من ذلك ، ربما تربيتنا وثقافتنا وطريقة تفكيرنا
أما عمليا كالهدايا والنزهات والضحك معا ورعايتهما صحيا وماديا ونفسيا
فنعمل ما باستطاعتنا وهذا ليس منة عليهما بل هو واجب وحق علينا تسديده
رحم الله والدينا الأموات وحفظ الأحياء
بارك الله فيك

[الداعي الى الحق]

في الحقيقة نعم هي مجلة وانا شخصيا كي نشوف هدرة بزاف نتكاسل نقراها بصح صدقني ملقيتش كيفاه نختصر لانه كنت نكتب واش يقلهولي عقلي في نفس الوقت يعني مكتبتش الموضوع قبل

[الداعي الى الحق]

المشاركة الأصلية كتبت بواسطة المكارم

أصدقك القول أنني لم يسبق لي أن عبرت عن مشاعر حبي للأبوين شفهيا
ولست أدري لحد الآن ما يمنعني من ذلك ، ربما تربيتنا وثقافتنا وطريقة تفكيرنا
أما عمليا كالهدايا والنزهات والضحك معا ورعايتهما صحيا وماديا ونفسيا
فنعمل ما باستطاعتنا وهذا ليس منة عليهما بل هو واجب وحق علينا تسديده
رحم الله والدينا الأموات وحفظ الأحياء
بارك الله فيك

ان شاء تتغلب على هدا الامر لان هناك اشياء يفرضه علينا المجتمع ونحن طبقه دون وعي منا او تميونحن يجب ان لا نفعل كل مايمليه المجتمع بل نتخير الحسن ونرمي بالييئ الله يصلح الاحوال. انت اخي حاول حاول ان تشتري ودة لامك وعبر لها عن حبك . سلام قول من رب رحيم

[آسيا 25]

السلام عليكم
أوافقك الرأي فيما يخص ضرورة العناية و إيلاء الأهمية بالوالدين لا سيما الأم و أن يرعاهما في كبرهما و أن يعبر الشخص بحبه لهما بالقول و العمل, أما أن تجعل الزوجة في المرتبة الخامسة من إهتمامات الرجل و تطلب من الرجال أن لا ينفق على زوجته حتى ينفق على أمه أي حسب منطقك إن كان راتب الزوج يكفي فقط لإطعام شخص واحد فيطعم أمه و يترك زوجته للجوع حتى لو كان لوالدته زوج يصرف عليها فهذا إجحاف كبير في حق الزوجة, و في هذه الحالة و بتطبيقنا لمنطقك هذا نقول أيضا أن الزوجة غير ملزمة بخدمة زوجها قبل أهلها إذ عليها أن أن تجعل أمها في المرتبة الأولى و تذهب لها يوميا لتنظف لها المنزل و تطبخ لها ثم يأتي الزوج في المرتبة الخامسة من إهتماماتها فإن بقي لها بعض الوقت و الجهد حينها تنفقه عليه فهي أيضا لديها أم واحدة و لا يوجد من يحبها في الكون مثلها!لكن هذا زواج و هو يتطلب من كلا الزوجين إعطاء الأولوية لبيت الزوجية و للطرف الآخر قبل كل شيء مع الإحسان للوالدين طبعا فلا إفراط و لا تفريط, و لا ننسى قول نبينا صلى الله عليه و سلم خيركم خيركم لأهله(أي زوجه)و أنا خيركم لأهلي;فقد لاحظت في كلامك حقدا كبيرا على الزوجة فهي لا تستحق شيءا من الرجل و كأنها جارية اشتراها لتخدمه فقط دون مكافأة و عموما لا تقلق كثيرا ففي الجزائر و في غالبية الأحيان الزوجة هي التي تجتهد في إهداء أم زوجها و ليس هو .
شكرا على الموضوع.

[aya.ayouya1998]

خسارة ماما ميتا انا

[aya.ayouya1998]

ايعندوا يطهلا فاها باهي