مقروض مقلي تفضلووووو

درة بيتي · 2013-03-03, 15:51

[IMG][/IMG]السلام عليكم هذا صحين مقروض مقلي من صنع يديا إذا أعجبكم نقلكم على الطريقة أخواتي راني نستنا في آراءكم[IMG][/IMG]أيا سيدي الطريقة من أسهل ما يكون ثلاث كيلات سميد أحرش وكيلة نصها زيت ونصها زبدة أنا درت لابال ذايبة وقرصة ملح وملعقة صغيرة قرفة مطحونة وماء زهر وشوي فرينة للأخير هذابالنسبة للعجينة والتمر طبعا للحشو تكوني عطرتيه بشوي قرفة وقرنفل مطحونين وطريتيه بشوي زيت ولا زبدة والعسيلة تكون وجدتيها ولا شريتيها جاهزة كيفكيف المهم تكون واجدة في طنجرة وفاترة لا باردة لا سخونة هذا طبعا بعد ماتكوني بسستي السميد تاعك من البارح بالزيت والزبدة وخليه يبات مغطي بالبلاستيك ولكا ن درتيه الصباح تخدميه فالليل مثلا المهم يحي يبقى شوي نجو لطريقة الخدمة بما ان السميد تاعنا أحرش ياسر نلموه بعد ماسبقلنا وعطرناه البارح بالقرفة في بداية التبسيس يعني حطيناها مع الملح قلت نلموه بماء زهر وتضيفي فالأخير لكل كمية من العجينة بش تخدميها شوي فرينة تدخليها مليح في العجينة الي راهي بين يديك وإمباعد إخدميله حربوش تع التمر وإحشيه عادي كيما موالفة مع المقورض وقطعي معينات كيما في صورة ومباشرة إلى الزيت ويحب طبقة مليحة من الزيت وتكوني سخنتيه مليح وفي نفس الوقت مايحبش النار القوية باش يطيب من برة ومن داخل وكي تشوفيه أخذ اللون الأحمر المائل إلى الذهبي إلي تحبيه مباشرة تهزيه بقطار البطاطا من الزيت للعسل تخليه وحد دقيقة ولا دقيقتين ومباشرة إلي الكسكاس يقطر وهكا تكوني كملتي مقورضك وكولي بالصحة والهنا ولادي وزوجي هبلو عليه نتمنى تجربووووه إسمحولي على الإطالة نتمنى من نسيت والو أي سؤال راني تحت أمركم يا أمورات أحلى منتدى والسلام عليكم

le chameau · 2013-03-03, 16:05

ما شاء الله اختى رانى نموت غلى المقروط القلى

ام ولي · 2013-03-03, 16:07

يعطيك الصحة يشهي

dr.omahmed · 2013-03-03, 16:08

شكرا وطبعا الوصفة من فضلك
نموت على المقروط دزيلي شوية

جنان26 · 2013-03-03, 16:30

يهبل يعطيك الصحة الوصفة لو تكرمتي عزيزتي.

ام الهضاب · 2013-03-03, 16:38

انحب مقروط المقلة من فضلك الوصفة بالتفصيل ان امكن و لك مني تحبة كبيرة

Nadjwa270 · 2013-03-03, 17:08

rana nasstanaw fel recette

mounia nouna · 2013-03-03, 17:09

أمممم شهتينا مدابينا تعطينا الوصفة

sa-li · 2013-03-03, 17:31

السلام عليكم

آآآآ صحين برك؟؟

جيبينا بلاط كل وماعرف هههه

يعطيك الصحة وسخفتينا هيا مدينا الوصفة بالتفصيييل

terrou · 2013-03-03, 17:44

merciiiiiiiiiiiiiiiiiiiiiiiiii

درة بيتي · 2013-03-03, 17:57

أسعدي مروركن حبيباتي تم التعديل وضعت الوصفة

درة بيتي · 2013-03-03, 18:13

أسعدي مروركن حبيباتي تم التعديل وضعت الوصفة

manal01 · 2013-03-04, 12:30

امممممم روعة يعطيك الصحة

درة بيتي · 2013-03-04, 23:49

اقتباس:

المشاركة الأصلية كتبت بواسطة manal01

امممممم روعة يعطيك الصحة

الله يسلمك أختي نورتيني

أم ماجد · 2013-03-05, 06:38

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري