أرووووووووع خبز جربتو لحد الآن هو خبز فريال 88

[oum anas 69]

السلام عليكم ورحمة الله وبركاته
إن شاء الله كلكن بخير يارب
آآآآآآآه شحال عندي مازدتش حطيت مواضيع من قبل وفاة والدي ربي يرحمه و يرحم جميع موتى المسلمين
المهم البارح عملت خبز الأخت فريال 88 الله يذكرها بالخير و كنت حطيتو في وضوع واش طيبتي اليوم و قد أعجب أخواتي كلهن فقلت نحطو موضوع في هذا القسم باش ينتبهولو أكبر عدد من الأخوات و يعملوه لعائلاتهم لأنه لذيذ و هش و خفيف و رااااااائع و عمله ممتع و راح يغنيك على خبز المخابز في بعض الأحيان خاصة إذا كان عندك ضيوف أو في رمضان مع الشربة ممممممممممممم


طبعا أنا عملت مقدار فرينة عيني ميزاني قيس 2 خبزات و شوية خميرة و ملح و قليل من السكر و عجنت في العجانة عادي مع صب الماء الدافئ في كل مرة حتى أصبحت عجينة طرية جدا لكن ليست جارية بزااااااف لفيتها بشوية زيت و خليتها خمرت ملييييييييح حتى تضاعف حجمها جيدا ممبعد قسمتها على 2 كورتها خليتها تريح دقائق لتسهيل الفرد ثم فردتها بإستعمال الدقيق الأرطب و نقلتها للسينية الفرن ثم غطيتها لتختمر جيدا ثم طبختها في الفرن

هنا قرصتها مثل المطلوع و راهي خامرة مليح



طبعا أنا سخنت الفور مليح من تحت ثم دخلت الصينية لكن في الرف التحتاني خلاص يعني الأول و خليتو حتى تحمر من تحت ثم شعلت الفوق و طلعت الصينية إلى الوسط و خليتو تحمر من فوق هذا ماكان مايأخدش وقت و خرجلي أروع خبز ممممممممممممم






نصيحة أخرى كي تجبديه من الفور رايحة تلقايه قاند شوية .. لفيه في طرشونة و هو سخون رايح يعرق و يطرى وحدو













و الله خيرمن الخبز الدار لي معمر دسم و بيض و ثقيل حتى أنو هذا إقتصادي

جربوه يانساء و متعو عائلاتكم و أحبابكم
إن شاء الله المرة الجاية نجرب نعمل فيه شوية زيت في العجين و نشوف أو ممكن نرقو بالنخالة مكان السميد و نشوف
مع السلامة


https://www.djelfa.info/vb/showthread.php?t=1425149