ارجوكم اعطوني حــل

[مشكلتي]

السلام عليكم لبنات ارجو المساعدة
عندي مشكل ليوم تشاجرت انا وزوجي دخل لدار ملخدمة متقلق وحدو سقسيتو حاجة عادية بدا يعيط ويزقي عليا ومن بعد بدا يطيحلي راكم فاهمين؟ قتلو انا قدر روحك انا متربيتش هاكذا وزيد اولادك راهم يسمغو فيك غدوة كي يقولو هاك متلومهمش مالا قالي لمش عاجبك ارفدي حوايجك وروحي لدار بيك
راها غايضتني عمري معرفتش وش ندير وشرايكم تروخ ونخليه كرهت

[أم رامي أحمد]

اختي المعروف عندنا ان الرجل الجزائري مقلق و خاصة اذا دخل للدار من الشغل و تعبان و كاره هديك الخدمة غير اسكتي و تهدريش معاه لانو يفقد اعصابه نقلك يا اختي انعلي ابليس و شدي اولادك و خطيك من المشاكل ما تكبريهاش و تفرحي ابليس على الاقل اتفكري حاجات ملاح في زوجك و خدميه بما يرضي الله من بعد يجي ليك يسامحك و شوفي في اولادك و طلبي ربي يهديه

[أثيلة]

السلام عليكم و رحمة الله و بركاته
أختي هذا مشكل؟ علاه دائما تتسرعوا بطرح مواضيعكم بالمنتدى حتى لو كانت تافهة
علاه تكبري فالموضوع ،، ربما عندو ضغط عمل كان لازم تسكتي و تخليه يرتاح و تروحي تحاولي تفهميه واش بيه قلقان و تنحي عليه و تهدنيه مش تزيدي عليه حتان يقولك هكذا؟
صح هو غالط لكن حاولي تعرفي ضروفه قبل ماتتصرفي حنا نساء جزائريات أيضا نزربوا نهدرو ونرجعوا الصرف

[نورسين.داية]

في رأي أعطيه عطلة سنوية ....بدون مستخلف .............مدتها غير محددة ................خليه يرح شوية مع القلق ....لأن وجودك كما يبدو أصبح متنفس من القلق الخارجي

[عبق الزنبق]

و علاه اصلا تهدري معاه كي علبالك بلي راه مقلق
اسمحيلي اختي بصح انت اللي جبتي البلا لروحك
زوجك كي بدخل زعفان يحوس يرتاح في دارو و ينسى همو ماش تزيدي انتي عليه مرة اخرى اذا لقيتيه زعفان ما تهدريش معاه ديىيلو واش يحتاج و خليه كي يتكالما اهدري معاه و حاولي تعرفي واش قلقو هكذا كي يحكيلك يفرغ معاك انت يرتاح هو و تزيد المحبة بيناتكم
لكن انو على ابسط كلمة تديريها في راسك و تروحي لداركم انت اللي راح تكوني خسرانة
نصيحتي ليك كي يدخل و كي تشوفيه راحتلو القلقة شوي اهدري معاه و افهمي المشكل اللي عندو و نبهيه للخطأ تاعو كي عيط عليك و استعرفي انتي ثاني بغلطتك حاولي توصليلو انو مهما يكون مقلق لازم يحاول يفصل بين مشاكل الخارج و البيت باش تحافظوا على الاستقرار ليكم و لاولادكم
ربي يصلح بيناتكم

[قدور بن عاشور]

مادام دخلتي بعضوية افتراضية اطرحي التفاصيل بدقة،
ماتخبيش، حتى تكون النصيحة في المستوى.

لأنه زوجك مهما كان زعفان ماراحش يخسر الكلام من أجل سؤال بسيط وعادي
أنا لا أبرر له فعله لكن حكايتك ناقصة و باينة استفزيتيه.

[Boulebda]

الله يصلح بيناتكم.واي رجل وامراءة تكون بيناتهم مشاكل يجب التعقل.
وحل الامور باسلوب عقلاني

[غزلانْ]

السلام عليكم

زوجك و أنت الأدرى بطبعه فإن كان هكذا فلتتجنبيه تفاديا لتلفظه
بالتوفيق

[abder03]

اين ذكاء المراة و دهاؤها. الله يهديك يــــــــــــــــــا أختاه.
اول قاعدة في الزواج ان لا نسأل الزوج حاجة و هو داخل للبيت راجعا من عمله. لماذا؟
راجع تعبان، كاره من العمل، كاره من مديره، كاره من المواصلات ..اي مشحون مستعد للانفجار. الغباء ان نشعل كبريت امامه. الذكاء ان نستفبله بابتسامة، ناخذ ما بيده من خبز او ...، نساعده في تخلص من ملابسه، ضمة المراة لزوجها قرب باب الدار لها اثر مهول على الرجل، فكلما طالت كلما ذاب التعب و التوتر. هذا هو الذكاء. اما الغباء و فهو مـا ان يفتح الباب تستقبله الزوجة - لقد نسيت الخبر، الطفل مريض خده الى الطبيب، لقد توقف التلفاز عن العمل، نحطلك تفطر....الخ. اما الغباء الفاحش هو تفضيل المسلسل او الخياطة او الطبخ او الفايس الهدام على استقبال الزوج العائد من العمل، فيدخل ولا احد امامه - اي قرد دخل البيت- لا حول و لا قوة الا بالله.

[زايدي أمحمد]

السلام عليكم ورحمة الله تعالى وبركاته

انا لا ارى وجود مشكل فهذه الامور تحدث بين الاخوة وهي شئ عادي لعل في ظروف لاتعلميها انت جعله مضغوط هكذا لا تتسرعي في قراراتك

[dounia vet]

السلام عليكم
انا نقولك ما تغيضكش روحك منو كي قالك روحي لداركم في لحظة غضب و هو منرفز....انت من اامفروض ما تناقشيهش اصلا باش ما يوصلش لدرجة يقولك كلام ماش مليح...يا اختي في ديننا الطلاق في لحظة الغضب الشديد لا يقع و ما يتحسبش و انت راكي رايحة تكبري المشكل و هو ما كاين والو ....لحظة غضب و انت يمكن استفزيتيه....حاولي تكسبي زوجك و ترضيه و حتى ان كان طبعو او لسانو ماش مليح يمكن يتغير باللين و الذكاء و الدعاء اكيد ان شاء الله
ربي يهديكم و يهنيكم
السلام عليكم

[وَحيدَ سَلامْ]

الانسان معرض للكثير من الضغوطات
واحيانا القطرة التي تفيض الكأس سؤال بسيط
يحول الامور لكوارث

فاضلتي الحياة الزوجية تتطلب الكثير من الصبر
والتأني وحتى الذكاء في اختيار مواطن السؤال

وانت عندك اولاد وهم دائما حلقة الوصل وااعمدة تحمل
هذا البيت من الوقوع ودائما وجودهم يخفف الصدماتَ..

لذا اكثري من الاستغفار وان شاء الله الامور تعود لسابق عهدها

[Oussama taleb ahmed]

ساعفيه و خلاص ما ننصحكش تخلي دارك لأن هذا سيزيد الطين بلة .

[Saif al-Islam]

الرجل معرّض كثيرًا لضغوطات العمل و المشقّة و الإرهاق ، و المرأة يجب عليها تجنّب الأسئلة و المطالبات الغير مستعجلة في أوقات قدوم الرجل من عمله ، و كل ما عليها فعله هو توفير الراحة له إلى أن يلتقط أنفاسه و تهدأ أعصابه

أمّا مسألة تركه أو فراقه بسبب هذا ، أعتقد أنّه إختيار خاطئ تمامًا ، فإستعيني باللّه و إستغفري ، و عندما تهدأ أعصابك ستكتشفين كم كنت متسرّعة عندما تجرّأتي و رددت عليه الكلام .

[nihal159]

مشكلتك بسيطة ماتكبريهاش حتى تبانلك غول يستحيل قهره؛ الكلمة هذي تاع ماعجبكش الحال روحي لدار بوك؛ سمعتها مئات المرات من فم أبي لما كان يقولها لماما؛ و عندي 5 سنين زواج و سمعتها عشرات المرات من فم زوجي هههههههه؛ لما الرجل يقولها في لحظة غضب مايكونش قاصدها بقدر مايكون قاصد أنك تخرجي من البيت و تخليه يرتاح؛ لأنو راه في حالة تشبّع من التعب و الضغط و أنتي تزيدي عليه؛ أوّل درس تعلمته أنو كي يذخل الرجل للدار ماتحكي معاه ماتحلي فمك؛ خليه وحدو يرتاح و يسترخي حتى يزول عليه الضغط و يرجع وحدو يحكي.
نقولك قصة حقيقية صرات لجدتي و حكاتهالي: جدتي كي كانت صغيرة مات خالي و هو في عمره 8 أشهر؛ كي رجع جدي للدار ماقالتلوش ياراجل ولدك راهو مات؛ خلاتو حتى تغدى و شبع؛ و قيّل و رتاح؛ و كي ناض قالتلو ياراجل الطفل راهو مات ربي يرحمو.
هذو النسا تاع بكري كيفاش كانو عندهم لعقل؛ ولدها مات، صبرت و حكمت في قلبها حتى تغدى راجلها و ارتاح باش قالتلو؛ و حنا درك كون يروح الماء و ماتسيلش العين نديرو مندبة.