فول بطريقتي، جديد و بنييييين

[nihal159]

صباح الخير حباباتي حراير الكوزينة، جبتلكم ليوم طريقتي في اعداد الفول، بنينة بزاف و نموتو عليها في دارنا.
أولا نقوم بسلق الفول أو تبخروه في طنجرة البخار لكم الأختيار، أذا كان الفول أخضر و مازالو طري من الأفضل ترك القشرة و أذا كانت القشرة غليضة من الأفضل تقشيره.
المكونات هي فول، جزر، كوسا، توم، معدنوس،شابليغ، بيضة
التوابل ملح، فلفل أسود، كمون بزيادة، راس الحانوت حار
في مقلاة نضع الجزر و الكوسا بعد مانكون برشناهم، نضع القليل من الزيت و نقليهم مليح حتى يذبالو.
في الخلاط الكهربائي نضع الفول المطبوخ و الكوسا و الجزر و نرحي كلشي مع بعض حتى نتحصل على خليط متماسك.
في وعاء نضع الخليط نضيف عليه المعدنوس، التوم، التوابل، الملح، ملعقة أكل شابليغ أو أكثر، بيضة.
نخلط المزيج جيدا و نشكلو على شكل خبزات صغار نخليهم يبردو باش يتماسكو أكثر.
نمرر الخبزات فالفرينة تم البيض تم الشابليغ و نقليهم في مقلاة و ماتكثروش الزيت، شوية فقط قيس مانحمروهم، و تقدموهم مع سلطة خضراء، بنان و خفاف و يصلحو للصيف