طريقة تحضير كتف الغنم

[ام حمزة22]

السلام عليكم ورحمة الله تعالى وبركاته
ان شاء الله تكونو بخير وعلى خير
عيد مبارك تقبل الله منا ومنكم
اليوم حبيت قدملكم طريقة تحضير كتف الغنم وكيفية نزع العضام منه
هاد الطريقة كان يقوم بها الاب ديالي ربي يحفضو ويشافيه
ننزع العضام بالطريقة لي راكم تشوفو فيها فالصور
نشق مليح اللحم باه يدخلو الطياب ونقوم بتحضير تتبيلة باه نطلي بها هاد الكتف
انا ما نحبش بزاف التوابل وما نحبش النكهات تطغا على اللحم لهادا وضعت غير الملح وفلفل اكحل وثوم وزيت
و انتم الا حبيتو تتبيلات اخرى تقدرو ضيفوها مثل الزعتر وراس الحنوت وموتارد .....الخ
المهم تتبيلتي ماراهيش تقيلة خفيفة وضريفة ههههههههههه
مثل ما قلتلكم ندهن الكثف بالتتبيلة من الداخل ونروليه ثم نربطو بالخيط الخاص باللحم بالطريقة لي راكم تشوفو فيها في الصور
من بعد نزيد ندهن الكتف لي رولينا ه بنفس التتبيلة ونزيد ندهنو بشوية زبدة
و باه يبالك الفرن ديالك نقي ونضيف ضعي الكتف في ساشي الفرن وقومي بتحميره
لاااااااااكن انا ما حمرتوش خبيتو فالمجمد باه كي نحب نطيبو نخرجو من المجمد ونحطو في ساشي الفرن ونحمرو
ولا حبيتو طيبوه شوية فالكوكوطا وترجعوه يتحمر فالفرن هاد الطريقة تان مليحة
ان شاء الله نعجبكم هاد الطريقة
اليكم الصور














هادي طريقتي لطبخ فيلي الكتف بالروز وانتم تقدرو تقدموه باه حبيتو
وطريقتي في نحضير الارز هي نغلي الروز فالماء و ضفتلو شوية زعفران كي طاب صفيتو و شللتو بالماء البارد باه ما يتعجنش وضفتلو حميصة كنت طيبتها من قبل وخبيتها فالمجمد من بعد دهنتو بشوية زبدة
اما عن الصوص استخرجتها من الزيت لي تحمر فيه الفيلي وزدتلو شوية ماء حطيتو فوق النار يغلي شوية ثم نرحيه بالخلاط الكهربائي تصبحنا صوص رووووعة
عيد سعيييييييييييييييييد