النية

[مشكلتي]

انا بنت عمري 23 سنة يتيمة الابوين ماتت امي ربي يرحمها و انا فى سنة سادسة ابتدائي بعدها بقين عايشة غير مع ابي و جدي و مكانش شكون يخدم على جدي او يطيبلنا علخطركش جدي عايش عدنا و نساء عمومي ما حبوش يجو كل يوم لعدنا يطيبولنا ولا يجو نهار بنهار بحجة انهم ما يقدروش يلحقو يقومو زوج ديار و بابا ما حبش يجوز بعد امى مالقاش حل سوى انو يحطني في الدار و ووليت نقرى بالمراسلة سنة اول متوسطة و كان ابي حارمني من خروج لبار ولا نروح لعدنا صديقاتي حتي تلفاز كان مخلي غير الي يهدرو بالفرنسية و انا ما نفهمهاش كنت ما نشعلش التفاز كامل ديما بين اربع حيطان كان جدي يقولو خلي طفلة تخرج وهو كان ما يحبش و كان حتى نساء عمومي كي يمرض جدي و زعما يجو ناس يطلو عليه يقلولهم ما تعرفش مسكينة جينا حنا نقومو بشيخ وهوما يكذبو كي يسمعو بناس جيين يجو و كانو تانى يقلولهم بهلولة باباها حطاها فى دار مسكينة ما تعرف والو و يتمسخرو بيا المهم قريتة حتي لسنة ثلاثة ثانوي بالمراسلة و فى سنة ثالثة ثانوي ما قدرتش كنت مديرة فلسفة الله غالب عادوتها 2 مرات ما ديتش لباك و عودت تانى فى سنوات لقبل سنة ثالثة ثانوي مات بابا جدي بعد شهرين قالي بتي اتعلمي اقفزي روحي هاو لحانوت و روحي اشري المهم تعلمت وليت نروح للحانوت تعلمت نشري و القارج لى تحتنا لي كان يخدم فيه بابا كريناه و تعرفت تانى على بنات جرنا قالولي ما كناش علابان بلي انتى سكنا هنا و سقسيت جدي و قالي روحي معاهم معليش ولي اخرجي اتخلطي بناس انا ما كنتش نلاحظ بلي ام يتنفقو معايا و يتخبثو انا نمشي بنيتي ديما كي يدرولي حاجة نقول بالاك ما شي قدسهم ديما ندرلهم سبا هك ما فهمتش انا لاه نديما نعذرهم و هوم يكون قصدهم حاجة اخرى و قدما نقنع قلبي بلي راهم يخدعو فيا و يلعبو بيا هكك و ما نتقنعش نديرهم ناس ملاح انا حتى نبهتني طفلة اخرى قتلى انتى جايحة يديرولك هك وانتى قابلة متلا يدونى و يخلوني نخلص انا واش شرو ينظو يقولولي ما يكفوناش سوارد و يسقسونى كي نعود رايحين نشرو شحال عندك صوراد باه يعرفو شحال رانى رافدة باه يقولولي زدينا و يدوني ديما يخلوني نوصلهم حتى لعند دارهم يدوني يخلطولي طريق و من بعد يخرجوني من جية لقريبة ليهم وهكك نوصلهم لدار و بزاف حوايج يديرولي و تانى نخاف نقولهم على حاجة لا لا نخاف يخلوني وبنات خرين ما يحبوش يحكو معايا يسما نقعد واحدي وا انا كرهت الوحدة و ما نقدرش نتشاجر معاهم نخاف يخلوني و تانى حاجة انى نتعلم منهم شكون علمنى فى الميكرو هوما شكون علمنى بلي الطبيب لازم بالموعد هوما انا ما كنتش نروح لطبيب وهوما كى شافوني ما عندى حتى واحد يوريلي كيفاه راهم يستغلوني يلعبو عليا شحال من مرة حتى نروح لدار باه نفيق بلي لعبو عليا و اصلا نبعد عليهم و نولي واحيدة ما شي حل انا رانى رايحة ان شاء الله ادا جانى مكتوبي و لا ادا كملت قرايتي نزيد نتعمل مع ناس خرين و يزيدو يديرولي هك انا حابة نكمل نحكى معاهم بصح حابة نولي نتعلم نفيق في الضربة واش رايحين يدرولي ولا واش راهم يخطولي متلا كيما فى طريق نوصلهم لدار وهك قالتى طفلةاشري كتاب ابراهيم الفهي بصح قريتو ما فهمت منو والو انا ما عندي لا خالة لا خال امى واحدة عند والديها ما عنديش شكون يورلي كيفاه نمشي مع هذو ناس و كيفاه نتعلم الحيلة عاونوني على حساب خبرتكم على وجه ربي ما نيش حابة نبقى جايحة هوما يحكو معايا و راهم يخططو حابة نتعلم نولي نتجنب خططهم برك ما شي ناذيهم اسمحولي طولت عليكم بصح ماعنديش غيركم نقولو

[خالد عنابي2]

اسمها السذاجة ( التطناه ) وليس النية

انتي ضحية لظروف سيئة وسوء تدبير والدك رحمه الله
والحمد لله جدك نبيه وفايق وانقذ الموقف نوعا ما

لكن اسمحيلي نقولك المشكل ليس فقط في الظروف ولكن فيك انتي ايضا ناقصة فطنة لانه المفروض الانسان كي يتكلح يتعلم وما يبقاش يتكلح نفس التكليحات ويزيد يجي يشكي يقول راني مغفل

المهم طالما وليتي تخرجي وعندك نوع من الحرية اجبدي على هاذوك لي يشتغلوك وحاولي تكوين علاقات اجتماعية جديدة وعندك لا يلعبو بيك
خاصة الشبان ( الذكور )

ياوحد البهلولة ....

[الطيب الجزائري34]

المشاركة الأصلية كتبت بواسطة خالد عنابي2

اسمها السذاجة ( التطناه ) وليس النية

انتي ضحية لظروف سيئة وسوء تدبير والدك رحمه الله
والحمد لله جدك نبيه وفايق وانقذ الموقف نوعا ما

لكن اسمحيلي نقولك المشكل ليس فقط في الظروف ولكن فيك انتي ايضا ناقصة فطنة لانه المفروض الانسان كي يتكلح يتعلم وما يبقاش يتكلح نفس التكليحات ويزيد يجي يشكي يقول راني مغفل

المهم طالما وليتي تخرجي وعندك نوع من الحرية اجبدي على هاذوك لي يشتغلوك وحاولي تكوين علاقات اجتماعية جديدة وعندك لا يلعبو بيك
خاصة الشبان ( الذكور )

ياوحد البهلولة ....

ما كان الرفق في شيء إلا زانه ، ولا نزع من شيء إلا شانه . .. بالتي هي احسن اخي .
اختي ابتعدي عنهم . . اذهبي الى المسجد و تعلمي القران او انخرطي في جمعية للنساء من اجل تعلم حرفة و تكوين علاقات اجتماعية ... و انت مادمت استطعت ان تكتبي في هذا القسم , هذا دليل على انك تملكين من الوعي ما لا باس به .... الظلم ظلمات يوم القيامة لذلك لا تعاملي الظالمين بالمثل...اسأل الله ان يبعد عنك رفيقات السوء.

[دنيا الامل 18]

ربي يكون معاك المتني قصتك كثيرا ما دام قريتي و وليتي فايقة بيهم هده هي البداية ما تخافي ما تحشمي على حقك وما تديريش الثقة التامة فيهم واتكلي على نفسك لا تدعي الفرصة لهم يلعبوا بيك

[محمد جديدي التبسي]

مادامك تعرفي تقري وتكتبي ابدئي بتعلم دينك وأنصحك بالالتحاق بمدرسة قرآنية وان تعذر فالتحقي بأقرب مسجد وشوفي النساء اللي يدرسوا ثم تتعلمي منهم وأهم شيء الدعاء .
ربي يفتح عليك

[Rima24k]

شوفي ابنتي نت درك راكي 23سنة كبرتي صايي اول حاجة تديريها تبعدي نهاااائياااا على لبنات هذو لانك اذا بقيتي معاهم راح يخلوها عليك بربي نشالله
وثانيا لازمك تتعلمي مهنة تهزي بيها يدك وتديري بيها مستقبلك جدك ماهوش دايملك
وثالثا نقصي خرجاتك باه تبقاي ديمة عزيزة والناس تتكلم وتقول نعم الطفلة مش يقولو هذيك فلانة راها ديمة هاملة برا الناس ماترحمش ابنتي والي تمشي عليها الهضرة صايي كلاها بوبي ونت راكي في سن تاع زواج ماراكيش صغيرة اجبدي روحك على لبنات هذوك وسجلي في اقرب مدرسة قرآنية وخالطي الاخوات لتم وحافظي على صلاتك اهم شيء لازمك تعرفيه انك مش كي كنتي محبوسة درك تخلفي الثار ويتحلو عويناتك بزاف حتى النية مليحة ساعات
اسفة اذا كنت قاسية عليك، واي حاجة ارواحي اطرحي المشكلة تاعك هنا عندك تتصرفي اي تصرف من رايك قادر يديك للواد ابنتي مازالك نية بصح ماتخافيش على قد ماتكبري على قد ماتفيقي وادعي ربي يطيحك في بنات حلال لي يعينوك على دينك مش العكس

[الرحالة المغامر]

والله منذ نصف ساعة وأنا أكتب ولم أجد الرد المناسب لموضوعك . يعني سذاجتك هذه سوف توقعك في الكثير من المشاكل التي لا مخرج منها إنتبهي جيدا وحذاري من صديقاتك وحذاري ثم حذاري من التعرف على الشباب أو محاولة التعرف على شاب تحت أي ظرف أو مسمى يعني من يريد التقدم لك أو التقرب لك يأتي للمنزل مهما كانت الظروف لأن أسلوبك هذا وخوفك من خسارة الحثالة البشرية أمر مخيف يجعلك تتنازلين عن حقك ببساطة وبهذه العقلية وفي ضل هذه البيئة التي تعج بالذئاب البشرية سوف تخسرين كثيرا وكثيرا إنتبهي لنفسك وأدرسي أي خطوة ألف مرة قبل الإقدام عليها وضعي لنفسك قوانين ومبادئ لا تتنازلين عنها لأي كان وتحت أي ظرف

[الرحالة المغامر]

عليك أن تملك قانون شخصي تطبقيه بحذافيره مع الجميع بلا إستثناء. هذا القانون يعمل مع الجميع بغض النظر عن درجة قربهم أو بعدهم عنك. يمكنك تحديد قيمة معينة كالإحترام مثلا وتحدد ملامح هذا القانون وأهميته ومدى إلتزامك به وما هي الإجراءآت التي ستتخذها للمحافظة عليه.
عندما يحاول أحدهم التعامل معك بعدم إحترام فإنك حينها قد تقرر أن لا تتعامل معه، لكن الذي سيخونك ويجعلك تتنازل عن قانونك هو علاقتك بالطرف الآخر . هنا أنت بكل بساطة تخترق قانونك الشخصي وتكسر القانون الذي كان من المفروض أنه يؤدي إلى حصولك على الإحترام. هذا بدوره يجعلك تبدو ضعيفا ويستباح حماك من قبلهم أنت إنسان بلا قانون، هذة هي المشكلة. قوانينك هزيلة.
يجب أن تحمي قوانينك كلها وتدافع عنها وأن تتأكد أنها ذات سيادة

إذا أردت أن يحترمك الناس وأن تتقدم في حياتك فعليك أن تجعل لنفسك قوانين تقوم بتطبيقها على الجميع. ليس هناك واسطة أو محسوبية أو محاباة للأهل والمقربين. ما هو خبيث على المستوى العام هو خبيث على المستوى الخاص. تزعجك الواسطة والمحاباة لكنك تمارسها في حياتك اليومية

هذا ما إستطعت أن أساعدك به أختي وعليك دائما بإستشارة شخص من العائلة تثقين فيه أو يمكنك الإنخراط في مدرسة قرأنية نسائية وستجدين صديقة هناك تنصحك وترشدك للطريق الصحيح أو هنا في منتديات الجلفة قسم خاص بالنساء سوف يساعدنك في كل شيء تردين وأخر نصيحة أياك ثم أياك أن تتعرفي على الشباب فمن يريدك يأتي للمنزل وإذا ما حاول أحد التقرب منك بجملة واحدة فقط هناك منزل أدخل من الباب وفقط فمن يريدك سوف يدخل من الباب ولن يصعب عليه ذلك فإنتبهي

[نور لاتراه]

السلام عليكم
عليك يا اختي بقراءة كتاب الحياة رقعة شطرنج
الرابط
حفظكم الله

[خالة امير]

المشاركة الأصلية كتبت بواسطة خالد عنابي2

اسمها السذاجة ( التطناه ) وليس النية

انتي ضحية لظروف سيئة وسوء تدبير والدك رحمه الله
والحمد لله جدك نبيه وفايق وانقذ الموقف نوعا ما

لكن اسمحيلي نقولك المشكل ليس فقط في الظروف ولكن فيك انتي ايضا ناقصة فطنة لانه المفروض الانسان كي يتكلح يتعلم وما يبقاش يتكلح نفس التكليحات ويزيد يجي يشكي يقول راني مغفل

المهم طالما وليتي تخرجي وعندك نوع من الحرية اجبدي على هاذوك لي يشتغلوك وحاولي تكوين علاقات اجتماعية جديدة وعندك لا يلعبو بيك
خاصة الشبان ( الذكور )

ياوحد البهلولة ....

يا اخي حرام عليك أنا و الله حالتها قطعتلي قلبي
يا أختي ربي يكون معاك ...ديري حاجة واحدة في بالك مادام ربي معاك ماتخافي ماتبكي ...و صحاباتك ماعندك ما ديري بيهم يا حسراه شكوووون هوما والو جايحات و يبروفيتيو منك ..اخطيهم ضرك تتهناي لأنط ضرك تلقاي صديقات جدد على حساب قلبك .. و حذار حذار من مخالطة الشبان..
آخر نصيحة ليك هي ماتخليش قرايتك داومي عليها حتى تجيبي الباك هكذا تقدري تواجهي الناس... ربي يسهلك