هذه القصيدة نهديها لكل من غواتو الدنيا باه يفيق قبل ما يفوت الحال
الله الله ياوليدي انعل الشيطان
طيع ميمتك بركانا من العصيان
ياوليدي نوصيك اصنت واسمع مليح
اديها نصيحة وماتقيس كلامي في الريح
اذا هلكاتك حاجة انا الاول مضرار
قبل ماتهلكك نمرض ونبدا محتار
نتمنى غير لي تسعدك فالحياة
اليوم راني معاك وغدوة فالممات
طاعة الله من طاعة الوالدين
ولي يعصيهم مايربح الى يوم الدين
الله الله ياوليدي ماتشمت فيا العديان
راهم يفرحولي ونعيش طول حياتي ندمان
هيا ياوليدي نصلح ونترك لي فات
انا ميمتك احترمني وراضيني فالحياة
ياوليدي راعي شعورميمتك لاتغظبها هيهات
اذا غابت ميمتك ماتقدر ترجع لفات
ياوليدي اتقي الله وكون خيار
خدم للاخرة وتفادى عذاب النار
كم من واحد فالوالدين راه ظلم
ماشاف الخير وعشى نادم
ياوليدي سامحني اذا قصيت عليك
انت كبيدي وما للهلاك نوديك
كي هداك ربي ليا مالفرحة بكيت
نزلو دموعي هوطالة ومن القلب شفيت
فرحة الام مايدري بها واحد
ماعد الام وربي علينا شاهد
واليوم جاء كلامي عبء ثقيل
لاتعجل وامهلني وقت قليل
ماتنساش ياوليدي وانا مفتاح الدار
وجميع المفاتيح مايحلو باب الحجار
بقلم فاطمة شلف
( تقرير عن مشاركة سيئة )، و الموجودة أسفل كل مشاركة .
2016-06-08, 14:51
ياوليدي نوصيك
العرض الشجري