تحفيز + بعض اسئلة في العلوم محتاجة مساعدة من الاساتذة الكرام والزملاء

[صفاء منصر]

السلام عليكم اولا بالنسبة لي مقلقينهم التسربات نقلهم اطمئنوا هاذو ماصفاوش نيتهم مع ربي وانا راني فرحانة على خاطر الحمدلله تعبت وصفيت نيتي مع ربي وربي مايضيع حق حتى واحد
وماتنساوش حديث الرسول صلى الله عليه وسلم(من غشنا فليس منا) يعني كون خموا فهاد الحديث ندي الباك ونخسر رضا الله والنبي والله ماعلابالكم قادر ربي مايكملهمش قادر يمرضو قادر وقادر وقادر
افرحو هوما معاهم العباد الضعاف مي حنا معانا ربي القوي سبحانو
ومعانا دعاوي الوالدين والحمدلله
نحيو من بالكم واقراو ووجدو وعولو على ربي وقووا صلتكم بربي والله مايخيبكم
لدي اسئلة فالعلوم ارجوكم جاوبوني برك
1- في الانزيمات نحفظو المعادلات ولالا كيما انزيم غلوكوز اكسيداز وغيرها
2-في مراحل الاستنساخ والترجمة في الرسم نرسمو رسمة وحدة شاملة ولا كل مرحلة وحدها
3-في الجيولوجيا نقرا غير الوحدة الاولى ولا جميع الوحدات
وبارك الله لكم في جهدكم ووقتكم وثبتكم عند الاجابة واتمنى للجميع التوفيق والسداد من الرحمان
آمين يا رب