ضـــــولمة قرنون

[سيرين 5]

طبخنا الجزائري الله يبارك أشكال و ألون متنوع نعرفو برك كيفاش نطيبوه يولي صحي و لذيذ

1- في طنجرة نحط بصلة رابي + ثوم + معدنوس + ملح + فلفل أسود + راس الحانوت + م ك زيت زيتون



2- نقي القرنون تاعي و نحكو بالقارص باش ما يكحالش و نحضر الستاك آشي (مافيهش الدهون كامل) + 2 م ك روز طايب و معصور من الماء + معدنوس + ثوم + ملح + فلفر أسود + شويا كمون + و نجمع بحبة بيض



3- نحشي حبات القرنون مليح و الباقي نعملهم كرات صغار



4- كي يتقلى البصل نمرق بماء ساخن و لما تغلي نحط حبات القرنون و كرات الستاك آشي + كمشة جلبانة + وريقات رند و نخليها طيب على نار قليلة



5- و قدميها بالصحة و الراحة ممممم بزااااف بنينة و صحية